Fréttablaðið - 24.01.2011, Blaðsíða 13

MÁNUDAGUR 24. janúar 2011
Ítalska
Heiti námskeiðs Kennsludagar Tími Tímabil Lengd
ITALIANO 1 - Byr mán. og mið. kl. 18:30-20 2. - 28. febrúar 4 vikur
ITALIANO 2 - L.K. mán. og mið. kl. 20-21:30 7. - 30. mars 4 vikur
ITALIANO
CONVERSAZIONE þriðjudaga kl. 20-21:30 1. feb. - 22. mars 8 vikur
Spænska
Heiti námskeiðs Kennsludagar Tími Tímabil Lengd
ESPAÑOL 1 Byr þriðjud. og fim. kl. 18:30-20 3. febrúar - 1. mars 4 vikur
ESPAÑOL 2 L.K. þriðjud. og fim. kl. 20-21:30 8. - 31. mars 4 vikur
ESPAÑOL
CONVERSACIÓN miðvikudaga kl. 20-21:30 2. febrúar - 23. mars 8 vikur
Talmáls námskeið
Heiti námskeiðs Kennsludagar Tími Tímabil Lengd
ÞÝSKA mánudaga kl. 18:30-20 7. febrúar - 28. mars 8 vikur
FRANSKA þriðjudaga kl. 20-21:30 8. febrúar - 31. mars 8 vikur
ENSKA miðvikudaga kl. 20-21:30 9. febrúar - 30. mars 8 vikur
Íslenska
Course Weekdays Hours Period Length Costs
ICELANDIC 1 - Mon. and Wed 18:30-20 2. Feb. - 29. March 8 Weeks 5.000 kr.
ICELANDIC 2 - Tues and Thu. 18:30-20:00 1. Feb. - 23. March 8 Weeks 5.000 kr.
ICELANDIC
CONVERSATION Mond. and Thu. kl. 20-21:00 2. Feb. - 31. March 8 Weeks Free
ALLAR UPPLÝSINGAR Á WWW.LINGVA.IS
EÐA Í SÍMA 561-0315
VORÖNN SPRING SEMESTER 2011
ÖLL NÁMSKEIÐ K0STA 25.000 KR.
… og passar með öllu
www.ms.is
H
V
ÍT
A
H
Ú
S
IÐ
/
S
ÍA

Suðurlandsbraut 20, Reykjavík | Sími 588 0200 | www.eirvik.is
Sparaðu með Miele
Kynntu þér málið hjá sölumönnum Eirvíkur
Íslenskt stjórnborð - Stórt hurðarop
Íslenskar leiðbeiningar - 20 ára ending
Miele þvottavélar hafa verið framleiddar í yfir hundrað ár.
Miele þvottavélar og þurrkarar eru framleidd til að endast.
Alþingishúsið er ekki mikið fyrir hús að sjá. Það minnir
okkur á að Reykjavík er bara
fámennur bær með víðáttumikl-
um úthverfum og litlum miðbæ.
Það væri hægðarleikur að her-
taka þetta hús, væru menn á
þeim buxunum. Þyki einhverjum
Alþingishúsið óárennilegt er það
vegna þess að hugmyndin um
alþingi er stór, sjálf hugmyndin
um þingræði er máttug – hug-
myndin um alþingi sem vett-
vang þar sem kjörnir fulltrúar
þjóðar innar leiða til lykta mál-
efni okkar vekur virðingu.
Sú virðing vaknar ekki af því
að menn kalli hver annan hátt-
virtan og hæstvirtan. Hún vakn-
ar ekki af því að klæðast tiltekn-
um fötum umfram önnur. Hún
vaknar af ábyrgð þjóðkjörinna
fulltrúa gagnvart þjóð sinni og
löggjafarhlutverki sínu og þyki
þjóðinni sér misboðið með fram-
göngu þingmanna þá mótmælir
hún – af virðingu fyrir alþingi.
Síðustu mánuði ársins 2008
og fyrstu mánuðina 2009 söfn-
uðust þúsundir manna kringum
alþingi og mótmæltu því hvernig
landinu hafði verið stjórnað. Það
var í kjölfar þess að sjálft efna-
hagskerfi landsins hrundi vegna
óstjórnar, græðgi, vanhæfni,
glámskyggni, eftirlitsleysis og
ranghugmynda stjórnvalda sem
sátu í skjóli alþingis.
Hvers vegna alþingi? Af
hverju fór fólk ekki og mót-
mælti við bankahallirnar í
Borgartúni? Eða höfuðstöðvar
Baugs? Kannski vegna þess
að lítið þýðir að fara að glæpa-
manni og heimta að hann hætti
að vera glæpamaður – ekki síst
þegar hann býr í London og
Lúxembúrg og á lystisnekkjum
– það er hlutverk laganna varða
að sækja slíka menn og láta þá
standa fyrir máli sínu. En eins
og marg oft hefur verið bent á:
Á meðan 9-menningarnir eru
ofsóttir heldur partíið áfram hjá
7-menningunum.
Þrátt fyrir allt sýndu þessi
mótmæli að fólk ætlaðist til ein-
hvers af alþingi, vænti þess að
eitthvað þýddi að mótmæla þar.
Hvernig svo sem sjálfir alþingis-
mennirnir hafa litið á sig þá
leit mannsöfnuðurinn á Austur-
velli þessa mánuði svo á að þetta
væru kjörnir fulltrúar íslensku
þjóðarinnar og nú þyrfti að
vekja athygli þeirra á skyldum
sínum – skyldum þessarar stofn-
unar við þjóð sína. Mótmælend-
urnir voru að sinna eftirlits-
skyldum við alþingi.
Þó að hrunkvöðlarnir tali allt-
af um hrunið eins og náttúru-
hamfarir er erfitt að gera sér
í hugarlund skýrara dæmi um
það hvernig stjórnvöld bregðast
þjóð sinni en undanfara þessara
atburða. Það var með öðrum
orðum full ástæða til að skunda
á Austurvöll og krefjast úrbóta.
Það væri nærtækara að þjóð-
in sýndi þeim sem þar voru í
farar broddi einhvern þakklætis-
vott en að standa þegjandi hjá
á meðan níu fulltrúar mótmæl-
enda verða fyrir ofsóknum þess
sama embættis sem nýlega hætti
rannsókn á augljósum innherja-
svikum í viðskiptum með bréf í
SPRON.
Það var upplausnarástand.
Æsingurinn var ógurlegur. Takt-
föst mótmæli dundu á húsinu
og svo vildi fólk komast inn og
fara á áheyrendapalla alþingis-
hússins, eins og almenningur
hefur rétt á að gera. Þingverðir
vörnuðu fólki leiðar, héldu fólki,
duttu hver á annan, það var
hrint og ýtt, hrópað, hnoðast
fram og aftur – þetta voru hálf-
gerðar ryskingar. En fráleitt að
tala um árás.
Þessu máli er haldið til streitu
af óskiljanlegri þrákelkni. Sé
ætlunin með þessum mála-
rekstri að varðveita virðingu
alþingis þá hefur hann þveröfug
áhrif. Sú virðing fæst ekki með
valdboði eða ofbeldisaðgerðum
á hendur mótmælendum heldur
með framgöngu þingmanna,
trúnaði þeirra við kjósendur og
þjóðarheill.
Láru V. Júlíusdóttur, sérstök-
um saksóknara í málinu, hefur
í málflutningi sínum ekki geng-
ið vel að sýna fram á það hver
glæpurinn var, hver framdi
glæpinn, gegn hverjum glæpur-
inn beindist, hver hagnaðist á
glæpnum. Beit einhver vald-
stjórnina þar sem hann lá í gólf-
inu haldið af fimm löggum? Má
vera og kannski er það satt að
einhverjir hafi sýnt óhlýðni við
valdstjórnina. Óhlýðni getur
verið til marks um óraunhæf-
ar skipanir og hún getur verið
hvimleið en hún er ekki glæpur
og á ekki að vera tugthússök.
Hver er þá glæpurinn? Hvar
er hann? Í Breiðholtinu skilst
manni. Lára hefur í málflutn-
ingi sínum þurft að fara í mjög
einkennilegan leiðangur upp í
Breiðholt til að leita að glæpn-
um sem hún finnur ekki í
Alþingishúsinu. Þar braust
hópur raunverulegra glæpa-
manna inn á heimili í Keilufelli
á skírdag 2008 og voru menn-
irnir samkvæmt fréttum vopn-
aðir gaddakylfum, járnrörum,
hömrum, sleggjum, hafnabolta-
kylfum, exi, hnífum og golf-
kylfum.
Þessi fólskulega árás í Keilu-
felli er hjá sérstökum saksókn-
ara lögð að jöfnu við það þegar
hópur fólks vill í upplausnar-
ástandi nýta sér rétt sinn til að
fara á áheyrendapalla alþingis
– en fær ekki og er haldið af
laganna vörðum með tilheyr-
andi stimpingum. Þau örkuml
sem hlutust af vopnum árásar-
mannanna í Keilu felli eru að
mati sérstaks saksóknara sam-
bærileg við það þegar einn
þingvörður dettur á annan
sem fyrir vikið dettur á ofn.
Það unga fólk sem hér er
ákært fyrir að ætla að nýta sér
lýðræðislegan rétt sinn til að
fara á áheyrendapalla alþing-
is, en var meinuð innganga, er í
málflutningi sérstaks saksókn-
ara lagt að jöfnu við atvinnu-
glæpamenn með alvæpni sem
rjúfa heimilis grið á varnar-
lausu fólki.
Æsingurinn var ógurlegur.
Taugarnar voru þandar hjá
starfsfólki alþingis og kannski
ekki að undra að það skyldi
bregðast harkalega við því sem
það áleit árás á þessa stofnun.
En þetta var ekki árás.
Eina áhlaupið í alþingishúsinu
þann 8. desember 2008 var
að þingverðir hlupu á sig. Það
áhlaup stendur enn.
Áhlaupið á Alþingi
Guðmundur Andri
Thorsson
rithöfundur
Í DAG
Þessu máli er haldið til streitu af
óskiljan legri þrákelkni. Sé ætlunin
með þessum málarekstri að varðveita
virðingu alþingis þá hefur hann þveröfug áhrif. Sú
virðing fæst ekki með valdboði eða ofbeldisaðgerð-
um á hendur mótmælendum heldur með framgöngu
þingmanna, trúnaði þeirra við kjósendur og þjóðar-
heill.