Fréttablaðið - 24.01.2011, Síða 31

MÁNUDAGUR 24. janúar 2011 3
„Við vorum harðákveðnar í að opna
á Þorláksmessu og á Þorláksmessu-
kvöld myndaðist hér sama yndis-
lega jólastemningin og þegar fólk
skrapp í kaupfélagið fram undir
miðnætti til að kasta jólakveðju
á náungann,“ segir Þóranna Lilja
Snorradóttir, kennari og annar eig-
enda Kaffi Steins, sem opnað hefur
verið í gamla kaupfélagshúsinu við
Fjarðabraut.
„Eftir að hafa horft á þetta virðu-
lega hús standa autt og ónotað, með
ferðamenn bankandi á hurðirnar og
kíkjandi á glugga, var ekki annað
hægt en að láta drauminn um kaffi-
hús rætast. Hér hefur vantað gott
kaffihús, en til Stöðvarfjarðar koma
árlega yfir 30 þúsund ferðamenn
til að skoða Steinasafn Petru. Því
hefur lengi gerjast í heimamönn-
um að tefja ferðafólk aðeins lengur,
enda skemmtileg miðbæjarstemn-
ing og margt að skoða eins Gallerí
Snærós, Salthúsmarkaðinn, veit-
ingahús og nú Kaffi Stein,“ segir
Þóranna Lilja, sem rekur kaffihús-
ið með samkennara sínum, Jóhönnu
Margréti Agnars dóttur.
Á Stöðvarfirði búa um 240 manns.
Eftir að Fáskrúðsfjarðargöng voru
tekin í notkun 2005 er bærinn sá
eini í Fjarðabyggð sem ekið er í
gegnum.
„Hér er því mikil lausatraffík árið
um kring og æ fleiri kjósa að stöðva
á Stöðvarfirði, fá sér hressingu og
hlaða batteríin áður en lengra er
haldið. Hér er yndislegt andrúms-
loft og töfrandi náttúra, og mikið
sem heimafólk fagnar kaffihús-
inu og að geta sest inn í huggulegt
umhverfi yfir alvöru kaffi og heima-
bökuðu meðlæti af öllum sortum,“
segir Selfyssingurinn Þóranna
Lilja, sem giftist Stöðfirðingi fyrir
tuttugu árum.
„Mér þótti strax gott að vera hér
því ég er fyrir litla bæi. Hann hefur
þó minnkað enn meir síðan ég kom,
við séð á eftir mörgum og Stöðfirð-
ingar fengið sinn skerf af kreppu í
gegnum tíðina. Við erum þó enn með
trillukarla og strandveiði á sumrin,
en stærstu vinnustaðirnir eru Raf-
lagnir Austurlands og grunnskól-
inn.“
Kaffi Steinn rúmar 40 manns í
sæti en auk þess er veislusalur fyrir
150 manns í gamla búðarrými kaup-
félagsins.
„Lagersvæðinu ætlum við að
breyta í gistirými og opna fimmtán
herbergi strax í vor. Víst er þetta
mikil útgerð og margir dást að
okkur fyrir þorið, en allir sáttir og
þakklátir fyrir að sjá gamla kaupfé-
lagshúsið lifna við,“ segir Þóranna
Lilja brött.
Kaffi Steinn er opinn alla daga
frá klukkan 11 til 22, en lengur um
helgar og til 18 á sunnudögum. „Það
er strax nóg að gera og við hlökkum
til enn meiri gestagangs með hækk-
andi sól. Í sumar verður heimalög-
uð súpa í hádeginu og fullt af holl-
um kosti fyrir gesti og gangandi, en
við bjóðum einnig frábæra aðstöðu
þegar spennandi viðburðir eru á
skjánum, eins og nú þegar strákarn-
ir okkar eiga hug og hjörtu lands-
manna.“ thordis@frettabladid.is
Kaffistopp á Stöðvarfirði
Á Þorláksmessu var kaffihúsið Kaffi Steinn opnað í gamla kaupfélagshúsinu á Stöðvarfirði. Þar má njóta
nýbakaðra hnallþóra, brauðs og ilmandi kaffiveiga í austfirskri náttúruparadís sem á engan sinn líka.
Stöðvarfjörður er dásamlega fagur og upplífgandi fyrir sál og líkama að dvelja þar
brot úr degi eða í lengri tíma. FRÉTTABLAÐIÐ/GVA
Þóranna og Jóhanna eru báðar annálaðir sælkerakokkar og þekktar fyrir unaðslegan
bakstur og veitingar, en á Kaffi Steini er margt í munn að fá.
Hér rennur kaffisopinn ofan í veitinga-
konurnar og kennarana Þórönnu Lilju
og Jóhönnu Margréti á Kaffi Steini.
POKADAGAR BYRJA Í DAG KL. 14
AUSTURSTRÆTI 8-10 • SÍMI 534 0005
Einfallt, tvö verð 10.000 þúsund millipokinn og 15.000 stærri
þú troðfyllir hann af fatnaði bæði herra og dömu … Allt leyfilegt!
teg. 4500 - í
D,DD,E,F,FF,G
skálum á kr.
6.990,-og fæst
í hvítu, húðlitu
og svörtu.
Laugavegi 178 - Sími: 551 3366
Opið mán.-fös. 10-18. Lau. 10-14.
Góð þjónusta - fagleg ráðgjöf.
www.misty.is
Vertu vinur
Smoothing
4500
MINIMIZER NÝKOMINN AFTUR !