Fréttablaðið - 09.02.2011, Blaðsíða 6

6 9. febrúar 2011 MIÐVIKUDAGUR
FJÁRMÁL Kostnaður við leigu á
100 fermetra íbúð á höfuðborgar-
svæðinu er reiknaður um 75 þús-
und krónur á mánuði í neysluvið-
miðum stjórnvalda, og leiga á 150
fermetra íbúð eða húsi er reiknuð
tæplega 84 þúsund.
Þessar tölur virðast talsvert
lægri en það sem býðst á almenn-
um leigumarkaði, en á því geta
verið nokkrar skýringar, segir
Jón Þór Sturluson, einn höfunda
skýrslu um íslensk neysluviðmið
sem gerð var opinber á mánudag.
Hann segir að gera verði mikla
fyrirvara við útreikningana, þar
sem leiguverð geti verið mjög
breytilegt.
Í skýrslunni er gerð tilraun til
að finna miðgildi húsaleigu hjá
fólki, með öðrum orðum það verð
sem algengast er að fólk greiði
fyrir leigu á húsnæði. Jón Þór
vekur athygli á því að miðgildið
er í þessu tilviki talsvert lægra en
meðaltalið.
Hægt er að reikna húsaleiguna
eftir fjölda fermetra samkvæmt
ákveðinni formúlu. Grunnverðið á
höfuðborgarsvæðinu er um 56.700
krónur á mánuði, og við bætast 180
krónur fyrir hvern fermetra.
Upplýsingar um kostnað við
húsaleigu eru fundnar með því að
rýna í niðurstöður neyslukannana
Hagstofu Íslands og uppreikna
miðað við vísitölu. Í neysluviðmið-
inu er reiknuð húsaleiga sú upp-
hæð sem leigjandinn greiðir, en
við það bætast í mörgum tilvikum
húsaleigubætur.
„Nákvæmnin á húsnæðismæling-
unni er ekki mikil,“ segir Jón Þór.
Hann segir að til álita hafi komið
að sleppa því að reikna neyslu-
viðmið fyrir þennan útgjalda-
þátt. Slíkir útreikningar séu til að
mynda ekki birtir í sambærilegum
rannsóknum á neysluviðmiðum í
Noregi og Svíþjóð.
brjann@frettabladid.is
Viðbrögðin við útgáfu neysluviðmiðanna hafa verið afar mikil, og margir
skoðað upplýsingar og prófað reiknivél sem sett hefur verið upp á vef vel-
ferðarráðuneytisins, segir Sigríður Jónsdóttir, sérfræðingur hjá ráðuneytinu.
„Fólk er greinilega mikið að skoða þetta, sem er mjög jákvætt,“ segir
Sigríður. Almenningur getur sent inn ábendingar og athugasemdir fram til 7.
mars, og segir Sigríður athugasemdir þegar teknar að berast. Leitast verður
við að svara þeim spurningum sem berast, og athugasemdir notaðar til að
laga útreikninga ef við á.
Mikil viðbrögð og margir prófa reiknivél
Reiknuð húsaleiga samkvæmt neysluviðmiði*
Húsaleiga (á mánuði)
Stærð (m2) Höfuðborgarsvæðið Annað þéttbýli Dreifbýli
50 65.671 52.898 37.060
75 70.166 57.394 41.555
100 74.662 61.890 46.051
125 79.158 66.386 50.547
150 83.654 70.881 55.043
175 88.150 75.377 59.539
*Ekki hefur verið tekið tillit til húsaleigubóta, sem bætast í mörgum tilvikum ofan á þá upphæð sem hér er nefnd.
Mikill fyrirvari við
húsaleigukostnað
Samkvæmt neysluviðmiði kostar 75 þúsund að leigja 100 fermetra íbúð á
höfuðborgarsvæðinu og 84 þúsund að leigja 150 fermetra. Upplýsingarnar eru
úr könnun Hagstofunnar en nákvæmnin er lítil segir einn skýrsluhöfunda.
KJARAMÁL Boðað hefur verið ótímabundið verkfall
í nær öllum loðnubræðslum landsins frá næsta
þriðjudagskvöldi. Þrjú verkalýðsfélög samþykktu
verkfallsboðun í gær með meginþorra atkvæða.
Ríkissáttasemjari hefur boðað deilendur til
fundar á fimmtudag.
Vilhjálmur Birgisson, formaður Verkalýðsfélags
Akraness, segir að til að „skemma ekki komandi
loðnuvertíð“ hafi félagið boðist til að framlengja
gildandi samning til 1. maí gegn 250-300.000 króna
eingreiðslu til hvers starfsmanns. Tilboðinu var
hafnað. „Ég skynjaði jákvætt viðhorf frá forsvars-
mönnum fyrirtækisins en það eru Samtök atvinnu-
lífsins sem stjórna ferðinni,“ segir Vilhjálmur. „Það
var slegið fast á útrétta hönd.“ Það hefði kostað um
þrjár milljónir króna að samþykkja þessa leið til að
koma í veg fyrir verkfallið á Akranesi.
Sverrir Albertsson, formaður Afls – starfs-
greinafélags á Austurlandi, segist hafa boðið samn-
ing til eins árs með 20.000 króna taxtahækkun. Því
hafi verið hafnað.
Vilhjálmur Egilsson, framkvæmdastjóri SA,
segir verkalýðsfélögin sýna algjört ábyrgðarleysi.
Þau muni framkalla loðnubrest af mannavöldum.
„Þetta eru níutíu manns,“ segir hann. „Við ætlum
ekki að láta eftir kröfum um umframhækkanir og
framkalla verðbólgu hér á Íslandi. Þessir menn eru
að valda samstarfsfólki sínu í viðkomandi fyrir-
tækjum miklu tjóni; fyrirtækjunum sjálfum og
samfélaginu öllu.“ - pg
Samtök atvinnulífsins höfnuðu tilboði verkalýðsfélaga sem boða verkfall í loðnubræðslum:
„Loðnubrestur af mannavöldum“
LOÐNUVERTÍÐ Verkalýðsfélögin vilja að félags-
menn sínir njóti góðs af tekjuauka sjávar útvegsins
vegna lágs gengis krónunnar.
UMHVERFISMÁL Reykjavíkurborg, Háskóli Íslands og
Norræna húsið eru komin í samstarf um friðland í
Vatnsmýrinni.
„Tillögur um aðgerðir fela meðal annars í sér að
tryggja Tjarnarfuglum öruggt varpland, uppræta
ágengar plöntur og endurnýja og viðhalda líffræði-
legum fjölbreytileika á svæðinu,“ segir í bréfi
Kristínar Ingólfsdóttur, rektors Háskóla Íslands,
og Max Dager, forstöðumanns Norræna hússins, til
borgar ráðs sem samþykkti að hefja viðræður við
þessa aðila um málið.
Í bréfi Kristínar og Dager kemur fram að svæðið
afmarkist af Hringbraut að norðanverðu, Njarðar-
götu að austanverðu og Norræna húsinu og Öskju að
sunnanverðu. Mörkin til vesturs liggja hins vegar
ekki endanlega fyrir. Undanfarin misseri hafi ýmsar
hugmyndir verið nefndar og kalla eftir áliti bæði inn-
lendra og erlendra vísindamanna og sérfræðinga.
„Margar áhugaverðar tillögur hafa komið fram
er eiga það sameiginlegt að ýta undir náttúruvernd,
endurheimt votlendis og áhuga almennings og ungs
fólks á umhverfismálum. Eitt af meginmarkmiðum
er að nýta friðlandið sem lifandi vettvang fyrir rann-
sóknir í náttúruvísindum og til fræðslu fyrir börn og
almenning,“ segja Kristín og Dager í áðurnefndu bréfi
sínu. - gar
Háskóli Íslands og Norræna húsið í samstarf við Reykjavíkurborg um friðland:
Eyða ágengum plöntum í Vatnsmýri
VATNSMÝRIN Endurheimta á votlendi og tryggja á fuglunum á
Reykjavíkurtjörn öruggt varpsvæði í friðlandi Vatnsmýrar.
FRÉTTABLAÐIÐ/ARNÞÓR
FÉLAGSMÁL Stjórn og varastjórn
Verkalýðs- og sjómannafélags
Keflavíkur lýsir fyllsta trausti
á Kristjáni Gunnarssyni til að
gegna formennsku í félaginu
og harmar þá ákvörðun hans að
segja af sér formennsku í Starfs-
greinasambandinu og draga sig
út úr störfum fyrir ASÍ og lífeyr-
issjóðinn Festu.
Sjónarmið Kristjáns hafi
orðið undir fjölmiðlaumræðu
um málefni Sparisjóðs Keflavík-
ur. Kristján hafi ákveðið að taka
á sig meiri ábyrgð en tilefni var
til. Hann hafi í raun axlað ábyrgð
sem öðrum bar.
„Fall Sparisjóðsins í Kefla-
vík er ekki runnið undan
stefnumörkun Kristjáns G.
Gunnars sonar,“ segir í ályktun
stjórnar Verkalýðs- og sjómanna-
félags Keflavíkur. - pg
VFSK sendir frá sér ályktun:
Styðja Kristján
og segja aðra
bera ábyrgðina
RÚSSLAND, AP Doku Umarov, einn
téténsku stríðsherranna sem enn
berjast fyrir aðskilnaði Téténíu
frá Rússlandi, segist bera ábyrgð
á sprengjuárásinni á Domoded-
ovo-flugvelli nálægt Moskvu í
síðasta mánuði.
Árásin kostaði 36 manns lífið.
Rannsókn leiddi í ljós að tvítug-
ur maður frá Kákasushéruðum
Rússlands hafði sprengt sig þar í
loft upp.
Á myndbandi, sem birt var á
mánudag, hótar Umarov fleiri
árásum af þessu tagi. Hann hefur
áður lýst yfir ábyrgð á hryðju-
verkum í Rússlandi, þar á meðal
sprengjuárásum í jarðlestakerfi
Moskvu í mars á síðasta ári. - gb
Sendi frá sér yfirlýsingu:
Segist bera
ábyrgð á árás
DOKU UMAROV Sendi sjálfsvígsmann á
flugvöll við Moskvu. NORDICPHOTOS/AFP
VÍSINDI Konur laðast frekar að
körlum sem ekki láta í ljós til-
finningar sínar til þeirra, sam-
kvæmt niðurstöðum rannsóknar
sem birtar voru í Psychological
Science vísindaritinu.
Ástæðan gæti verið sú að
konur eyða meiri tíma í að reyna
að átta sig á því hvaða tilfinning-
ar óræðir karlar bera til þeirra.
Þær hugsa lengur um þá en um
karla sem hafa gert tilfinningar
sínar ljósar, sem eykur líkurnar
á að þær laðist að þeim óræðu.
Í rannsókninni fannst konum
óræðir karlar mest aðlaðandi.
Karlar sem sýndu hrifningu sína
voru þó oftar aðlaðandi en þeir
karlar sem konurnar vissu að
voru ekki hrifnir af þeim. - bj
Rannsaka hrifningu kvenna:
Óræðir karlar
heilla frekar
Hefur þú séð uglu berum
augum í náttúrunni?
Já 65%
Nei 35%
SPURNING DAGSINS Í DAG
Mundir þú kaupa megnið af
fötum þínum í H&M ef slík
verslun væri opnuð hérlendis?
Segðu skoðun þína á Visir.is.
KRÓATÍA, AP Viktor Orban,
forsætis ráðherra Ungverja-
lands, segir að í apríl fái Króatar
væntan lega að vita hvenær þeir
geta gengið í Evrópusambandið.
Króatar hófu aðildarviðræður
við Evrópusambandið árið 2005
og vonast til að fá aðild á næsta
ári.
Orban segir að viðræðum ætti
að ljúka í mars og dagsetning að
liggja fyrir í apríl.
Ungverjar fara sem stendur
með formennsku í framkvæmda-
stjórn ESB. - gb
Orban vekur Króötum vonir:
Dagsetning
aðildar í apríl
KJÖRKASSINN