Sólskin - 01.07.1937, Page 47

Ása: Hvers vegna byggði Ingólfur hér?
Finna: Öndvegissúlur, er hann hafði með sér
frá Noregi, rak hér að landi. Hann trúði því,
að á þeim staði vildu goðin — guðirnir hans —
að hann byggði bæ sinn.
Ósk: En hvað það var einkennilegt.
Þór: Hvernig ætli hér hafi verið umhorfs, þeg-
ar Ingólfur kom?
Finna: Fagurt mjög og búsældarlegt hefir
vafalaust verið, þegar Ingólfur nam hér land.
Fiskur nógur hefir verið um firði alla, og uppi
við landsteina.
Ása: Þá hefir ekki þurft að róa langt til
fiskjar.
Finna: Laxinn hefir leikið sér með sporðaköst-
um í Elliðaánum. Silungar hafa sennilega
gengið í tjörnina.
Teitur: Mikið hefir verið hægt að veiða.
Finna: Selir hafa óhræddir synt inn í víkur.
Ósk: Seli langar mig alltaf til að sjá.
Finna: Vor og sumar hafa allar eyjar vafist
grænu grasi, sem ósnert féll að hausti, nema
þar sem endur og æður höfðu hreiðrað sig.
Þór: Mikil fuglamergð held ég að hér hafi þá
verið. Ætli það hafi ekki sést hér álftir og
gæsir?
Finna: Síkvikt hefir verið af sjó- og land-
45