Sólskin - 01.07.1947, Side 70

féð. Flekka færði sig úr stað líka, hann hélt
sér dauðahaldi í Flekku, hann átti bágt með
að standa í þvögunni. Að lokum féll hann á
kné og hrópaði þá, að hann væri að troðast
undir. Einn af ókunnu mönnunum, sem var
þar, tók hann og lét hann upp á vegginn og
sagði um leið, að litlir drengir mættu aldrei
fara ofan í réttina. Svo benti hann Bubb á flöt-
ina, sem var fyrir neðan réttina, og sagði að
hann skyldi fara þangað. Þar var hópur af
börnum að leika sér. Bubbur vildi það ekki.
Hann vildi aðeins fá Flekku sína, því að hann
hélt, að einhver myndi taka hana í misgrip-
um. ,
Hann ætlaði nú á ný ofan í réttina, en þá
kom pabbi hans og tók Flekku. Hann var byrj-
aður að draga féð sitt. Bubbur var ekki ánægð-
ur fyrr en þeir voru lagðir af stað heim. Þá
söng hann líka af gleði.
J. J.