Sólskin - 01.07.1967, Blaðsíða 52

ef kóngsson fœr ekki klœðið, lœtur hann til
leiðast og selur kóngssyni klœðið fyrir afar-
mikið fé. Sér kóngsson, að klœðið er hinn bezti
gripur, víða gullsaumað og gimsteinum sett.
Heldur hann svo heimleiðis, vongóður um sig-
ur sinn í meyjarmálunum.
Yngsti kóngssonurinn hélt síðast af stað og
fór fyrst innan lands, þorp úr þorpi. Falar hann
gripi af hverjum kaupmanni, sem hann hittir,
og hvar annars staðar, sem nokkur von er til,
að þeir fáist. En allaf tilraunir hans verða ár-
angurslausar, og líður svo meginhluti ársins,
að honum verður hvergi viðrennt. Gerist hann
nú mjög hugsjúkur um sitt mál. Loks kemur
hann í fjölmenna borg. Þar er kaupstefna mikil,
og menn saman komnir úr öllum álfum heims-
ins. Gengur hann milli allra kaupmanna í borg-
inni og finnur loksins einn, sem hefur eplasölu
á hendi. Þessi kaupmaður kvaðst eiga epli,
sem hefði þá náttúru, að þegar það vœri lagt
í hœgra handholið á þeim manni, sem að
dauða vœri kominn, þá lifnaði sá jafnskjótt
við aftur. Sagði kaupmaður, að eplið vœri
langfeðgaeign sín, og hefði jafnan verið haft
í staðinn fyrir lœknislyf. En er kóngsson heyrði
50