Fréttablaðið - 13.12.2010, Side 39

MÁNUDAGUR 13. desember 2010 23
Aðstæðurnar í samfélaginu krefj-ast þess að við hugsum málefni
heilsugæslunnar upp á nýtt og gerum
hana að eftirsóknarverðum vinnu-
stað sem starfsfólk er stolt af. Við
fögnum því að málefni heilsugæsl-
unnar séu rædd á þingi og fái aukið
vægi í umræðunni. Mikilvægt er að
umræðan sé á faglegum forsendum
og allir sem hlut eiga að máli komi
með sín sjónarmið og hugmyndir að
borðinu.
Heilsugæslunni er vandi búinn.
Hún á að vera fyrsti viðkomustaður
fólks sem vill gæta að heilsu sinni.
Nú er stór hluti landsmanna sem ekki
treystir eða getur treyst á að heilsu-
gæslan sé þeirra fyrsti viðkomustað-
ur. Efling heilsugæslu hefur verið á
verkefnaskrá ríkisstjórna um langt
skeið. Skortur á heimilislæknum og
vandkvæði við að fylla þær náms-
stöður sem í boði eru hefur ein-
kennt umræðuna um vanda heilsu-
gæslunnar. Í frétt Fréttablaðsins
fimmtudaginn 9. desember er rætt
um hugmyndir þingmanna að lausn-
um vanda heilsugæslunnar.
Þau verkefni sem heilsugæslan
stendur frammi fyrir eru mörg hver
flókin og mikilvægt er að horfa á
heilsugæsluna sem heild en ekki
einblína á eina fagstétt í þessum
efnum. Þverfagleg vinna og breytt
verkaskipting milli heilbrigðisstétta
er klárlega nokkuð sem þarf að horfa
til þegar unnið er að stefnumótun
fyrir heilsugæsluna. Einstaklingur-
inn sem leitar til heilsugæslunnar á
að vera útgangspunkturinn í slíkri
stefnumótun. Ef gera á heilsugæsl-
una að fyrsta viðkomustað einstakl-
inga þarf að efla trú almennings á
henni. Til að heilsugæslan sé trú-
verðug þarf hún að hafa á að skipa
fjölbreyttum fagstéttum sem geta
í sameiningu leyst bæði einföld og
flókin vandamál á faglegan og hag-
kvæman hátt.
Meðal þeirra stétta sem komið
geta að slíku starfi eru sjúkraþjálf-
arar líkt og tíðkast víða erlendis s.s. í
Noregi, Svíþjóð og Bretlandi. Með því
að kalla fleiri heilbrigðisstéttir inn í
heilsugæsluna og nýta þverfaglega
teymisvinnu við úrlausn heilsufars-
legra viðfangsefna má létta á vinnu-
álagi heimilislækna og stytta bið ein-
staklinga eftir þjónustu. Sem dæmi
má nefna að stór hluti af komum á
heilsugæsluna í dag er vegna stoð-
kerfisvandamála. Sérhæfð menntun
og djúpstæð þekking sjúkraþjálfara
á stoðkerfi og starfsemi líkamans
gæti þar komið að góðum notum.
Ef vel tekst til með stefnumótun
fyrir heilsugæsluna gæti þar falist
lykillinn að lausnum á þeim heilsu-
farsvandamálum sem að okkur
steðja og þar með bætt heilsu lands-
manna.
Þú færð e-kortið í Arion banka.
Farðu á arionbanki.is og kynntu þér kosti e-kortsins.
Viðskiptavinir e-kortsins fá samtals rúmlega
98 milljónir í endurgreiðslu í desember.
Hvernig greiðslu færð þú?
Alltaf í desember. Á hverju ári fá handhafar e-korta endurgreiðslu í beinhörðum
peningum. Sæktu um e-kort í næsta útibúi Arion banka eða á arionbanki.is
Nú eru tímar hagræðingar innan opinbera kerfisins,
tímar erfiðra og óvinsælla ákvarð-
ana. Hver er svo sem ánægður má
velta fyrir sér.
Ég er hjúkrunarforstjóri á milli-
stóru blönduðu hjúkrunar- og
dvalar heimili úti á landi. Þar búa
78 heimilismenn og af þeim eru 22
íbúar í tvíbýli. Á seinasta starfs-
ári var heimili okkar ekki rekið
með tapi. Það var rekið með 100%
nýtingu á rýmum. Biðlisti er í dag
með 22 einstaklingum. Mér þykir
gaman í vinnunni og það veitir
mér mikla ánægju að starfa með
öldruðum og þeirra aðstandend-
um. Mig vantar aðstoð við að halda
uppi þeirri þjónustu sem öldrunar-
stofnanir í landinu eru að veita.
Á bak við hvern íbúa eru ein-
staklingar og fjölskylda; saga
íbúanna nær langt aftur. Margir
þeirra hafa í gegnum tíðina stuðl-
að að einhverjum hætti að upp-
byggingu landsins. Allir þessir
íbúar hafa vonir, óskir og vænting-
ar til samfélagsins. Þetta er fólk-
ið sem við eigum að þakka fyrir
starf þess í að byggja upp landið
okkar. Þetta er fólk sem þekkir
hvað það er að lifa í kreppu, fólk
sem sættir sig við margt og hefur
lifað tímanna tvenna. Fólk sem
jafnvel í dag býr við það að bíða í
langan tíma eftir einbýli. Fólk sem
bíður eftir að komast að hjá sjúkra-
þjálfa og bíður eftir sumrinu til að
verða aftur keyrt út fyrir heimilið
í hjólastól. Þessi mál snerta okkur
ekki fyrir alvöru fyrr en það eru
foreldrar okkar sem um ræðir. Það
er bara því miður svoleiðis.
Er þetta þakklætið spyr ég nú
bara og nota um leið orðalag heim-
ilismanns hjá okkur. Aldraðir eiga
betra skilið en að lengja þurfi bið-
tíma eftir rými en með svo mikl-
um niðurskurði í öldrunarmálum er
það þetta sem verður óhjákvæmi-
legt. Sá sparnaður sem átti að vera
á landsbyggðarsjúkrahúsum hefur
verið færður yfir á öldrunarstofn-
anir. Niðurskurður verður því ekki
5% eins og við var búist heldur allt
að því 15% niðurskurður á heimili
fyrir aldraða. Það er ekki hægt að
loka deildum nema með því að senda
heimilismenn út af heimilunum.
Öldrunarheimili ráða ekki við þann
niðurskurð og því blasir við að loka
þurfi öldrunarstofnunum.
Ég harma það að heimili íbúanna
okkar á Höfða þurfi þrátt fyrir góðan
rekstur, mjög góða nýtingu rýma og
biðlista að lenda í svo harkalegum
niðurskurði eins og raun ber vitni.
Bið ég því um endurskoðun á því.
Hvar eru svo þeir sem styðja við
aldraða? Þúsund manna fundir sem
haldnir voru þegar við blasti niður-
skurður á landsbyggðarsjúkrahús-
um skiluðu árangri, nú verðum við
sem hugsum um velferð aldraðra að
passa upp á hag þeirra. Oft er þörf
en nú er nauðsyn að styðja við hags-
muni aldraðra í landinu.
Er þetta þakklætið?
Heilbrigðismál
Helga
Atladóttir
hjúkrunarforstjóri
Heilsugæslan
Héðinn
Jónsson
formaður Félags
íslenskra sjúkraþjálfara
Haraldur
Sæmundsson
formaður Félags
sjálfstætt starfandi
sjúkraþjálfara
Efling heilsu-
gæslunnar