Fréttablaðið - 20.12.2010, Blaðsíða 41

híbýli og viðhald ● fréttablaðið ●MÁNUDAGUR 20. DESEMBER 2010 3
Jólahreingerningin er ekki full-
komnuð fyrr en búið er að bóna
gólfin. Nýbónað parketgólf virkar
eins og spegill og það birtir yfir
herberginu. Margir halda að það sé
erfitt verk að bóna gólf en það þarf
alls ekki að vera. Hér eru grund-
vallarleiðbeiningar við bónun.
Fyrsta skrefið er að fjarlægja
allt gamalt bón af gólfinu. Munið
að lesa vel á umbúðir bónhreinsi-
efnisins, til að vera viss um að
efnið eigi við ykkar gólf.
Gætið þess að hafa alla glugga
vel opna áður en þið byrjið að bón-
hreinsa. Ef gólfflöturinn er stór
er gott að skipta honum upp í reiti,
hreinsa einn reit í einu og hvíla sig
vel á milli. Notið gúmmíhanska
við hreinsunina, efnin í hreinsin-
um eru sterk og geta farið illa
með hendurnar. Byrjið innst í her-
berginu og vinnið ykkur í átt að
dyrunum.
Leysið hreinsinn upp samkvæmt
leiðbeiningum og berið á afmark-
aðan blett á gólfinu, skrúbbið síðan
þar til allar bónleifar eru horfn-
ar. Ef um miklar bónleifar er að
ræða getur verið nauðsynlegt að
fara tvær umferðir, jafnvel skafa
með hníf. Þurrkið gólfið vel að lok-
inni hreinsun með tusku undinni í
hreinu vatni.
Þegar hreinsuninni er lokið
getið þið byrjað að bóna. Byrj-
ið innst í herberginu eins og áður
og berið þunnt lag á gólfið með
hreinni moppu. Berið tvö til þrjú
lög af bóni á gólfið og látið þorna
vel á milli. Þegar síðasta umferðin
er vel þornuð er óhætt að færa hús-
gögnin aftur á sinn stað, skreyta
jólatréð og byrja jólahátíðina á
glansandi fínu gólfi. - fsb
Glansbónað gólf um jólin
Margir taka sig til og bóna fyrir jól.
●LED EÐA PERUR Ljósaseríur lýsa nú
upp annan hvern glugga og þriðja hvert
grenitré við heimili landsmanna. Fáanleg eru
ógrynni af tegundum og afbrigðum sería
sem hver hentar við mismunandi aðstæð-
ur. Að grunninum til eru þó tvær afar mis-
munandi gerðir. Seríur með LED ljósum ann-
ars vegar, og hefðbundnum glóperum hins
vegar. Hvor gerðin er betri?
Svarið er ekki einfalt. LED-perurnar eru
minni, mun sparneytnari og gefa frá sér takmarkaðan hita, sem gerir
þær mun öruggari en glóperurnar. Þar að auki eru þær töluvert harð-
gerðari og brotna ekki jafn auðveldlega og fyrirrennarar
sínir. Glóperurnar hafa hins vegar vinninginn er kemur að
verðinu í flestum tilvikum, og oft munar töluverðu.
Mörgum finnst glóperurnar líka fallegri, en birtan
þeirra á það til að vera mýkri en birta LED-ljósanna.
Glóperurnar gömlu standa alltaf fyrir sínu og eru
yfirleitt ódýrari en LED ljós.
LED-ljósin hafa batnað mikið
en áður fyrr var birta þeirra
frekar köld og hörð.
●JÓLAHÚS SANDGERÐ-
ISBÆJAR 2010 VER-
LAUNAÐ Umhverfisráð Sand-
gerðisbæjar hefur valið Stafnes-
veg 3 sem Jólahús bæjarins árið
2010. Í umsögn umhverfisráðs
bæjarins segir að húsið sé „…
áberandi vel skreytt og hefur
fallega heildarmynd“.
Eigandi hússins, Grétar Páls-
son, hlaut auk viðurkenningar
gjafabréf frá Hitaveitu Suður-
nesja að verðmæti 20.000 krón-
ur. Sigrún Árnadóttir, bæjarstjóri
Sandgerðisbæjar, afhenti viður-
kenninguna en Guðrún Jóna
Jónsdóttir, barnabarn Grétars,
tók við viðurkenningunni fyrir
hans hönd.
Gunnar Fannberg Gunnarsson,
eigandi Hönnunar og eftir-
lits ehf., ráðleggur fólki að fá
óháðan matsaðila til að taka
út ástand fasteignar. Ekki sé
sjálfgefið að nýbygging sé
gallalaus.
„Það er mikið um galla í nýjum
húsum í dag. Þegar mesta upp-
sveiflan gekk yfir var talsvert um
að réttindalausir menn ynnu verk
og fengju aðra til að skrifa upp
á fyrir sig. Margvísleg vanda-
mál hafa komið upp varðandi frá-
gang og munu koma upp í fram-
tíðinni,“ segir Gunnar Fannberg
Gunnarsson, byggingafræðing-
ur og eigandi Hönnunar og eftir-
lits ehf., en fyrirtækið starfar við
hönnun mannvirkja og eftirlit með
framkvæmdum, auk þess að fram-
kvæma mat á fasteignum fyrir ein-
staklinga og stofnanir.
Gunnar segir það borga sig að
fá óháðan aðila til að meta ástand
eignar. Í mörgum tilfellum sparist
fjárhæðir þar sem matsaðili komi
með tillögur að framkvæmdum
sem þurfi að grípa til og kostnað-
aráætlun. Fólk geti einnig nýtt sér
skýrslu matsmanns, til dæmis til
að semja um betra kaupverð.
„Fólk ræður hvort það fær sjón-
rænt mat eða ítarlegri úttekt. Við
köllum alltaf eftir byggingasögu
hússins til að sjá hvort allar lög-
boðnar úttektir hafi farið fram.
Svo er gengið í gegnum eignina
og hún skoðuð. Í mörgum tilfell-
um finnst fólki það nóg en líka
er hægt að gera skýrslu bæði í
máli og myndum þar sem farið er
ítarlega yfir eignina og ef gallar
finnast, gerðar tillögur að úrbót-
um. Við vinnum oft slíkar úttekt-
ir fyrir fólk sem ætlar að leigja út
íbúð. Þá er hægt að vísa í skýrsl-
una þegar leigjandinn skilar
íbúðinni af sér.“
Gunnar segir matsmann þurfa
að hafa yfirgripsmikla þekkingu
á öllu sem viðkomi fasteign og eigi
að kalla til sér fróðari menn þegar
hann kemur að málum sem hann sé
ekki kunnugur. Hann segir helstu
galla sem finnist í íbúðum vera
rakaskemmdir vegna leka. Í eldri
húsum þurfi að skoða vel glugga-
pósta sem geta verið orðnir óþétt-
ir og allt of oft hafi verið vitlaust
gengið frá þéttingum kringum
glugga og hurðir í nýjum húsum.
Þegar gallar komi fram í húseign
viti fólk yfirleitt ekki hvert það
eigi að snúa sér og gefist upp á að
sækja rétt sinn.
„Margir vita ekki að trygging
byggingastjóra verksins hættir
ekki að gilda fyrr en fimm árum
eftir lokaúttekt. Ef lokaúttekt
hefur ekki farið fram er bygginga-
stjóri ábyrgur þó að liðin séu tíu ár
frá byggingu. Oft er því verið að
herja á ranga aðila í langan tíma
vegna galla og fólk gefst upp. Ég
ráðlegg fólki eindregið að leita sér
aðstoðar hjá óháðum matsmanni.“
- rat
Borgar sig að láta meta eignir
Gunnar Fannberg Gunnarsson er byggingafræðingur, löggiltur mannvirkjahönnuður
og pípulagningameistari. Hann ráðleggur fólki eindregið að fá óháðan matsaðila til
að taka út ástand fasteigna áður en keypt er. FRÉTTABLAÐIÐ/GVA