Fréttablaðið - 20.12.2010, Blaðsíða 54

38 20. desember 2010 MÁNUDAGUR
folk@frettabladid.is
Danskir blaðamenn hafa
ausið lofi yfir nýjustu
mynd Dags Kára, The Good
Heart. Berlingske Tidende
segir hana eina af myndum
ársins. Bandarískir kollegar
þeirra voru á öndverðum
meiði.
„Þrátt fyrir allt held ég að það sé
einhver skandinavískur eða norð-
ur-evrópskur tónn í myndinni og
ég held að þeir [Bandaríkjamenn]
hafi tekið hlutum bókstaflega sem
átti ekki að taka bókstaflega,“ segir
leikstjórinn Dagur Kári Péturs son,
spurður út í hin misjöfnu viðbrögð
við The Good Heart.
Myndin hefur fengið frábæra
dóma í Danmörku að undanförnu
en hún var frumsýnd þarlendis á
þriðjudaginn. Áður hafði myndin
hlotið slæma dóma í Bandaríkjun-
um, þrátt fyrir að sögusviðið sé
New York og bandarískar stjörn-
ur séu í aðalhlutverki. Dagur telur
að Bandaríkjamenn hafi misskilið
myndina og þess vegna hafi hún
ekki fallið í kramið þar. „Hún hitti
ekki alveg á þeirra bylgjulengd,
virðist vera.“
Danir ausa aftur á móti lofi yfir
hugarsmíð Dags Kára, sem er sér-
staklega ánægjulegt fyrir leik-
stjórann því þar stundaði hann
sitt kvikmyndanám og hefur verið
með annan fótinn þar undanfarin
ár. Dagblaðið Berlingske Tidende
gefur myndinni fullt hús stiga og
segir hana eina af þeim bestu á
árinu og Politiken gefur henni
fimm stjörnur. Kvikmyndamið-
illinn Filmland á DR gefur mynd-
inni sömuleiðis fimm í einkunn,
af sex mögulegum. „Ég er rosa-
lega ánægður. Þetta er eiginlega
einróma lof yfir alla línuna. Þetta
er breiður skali af blaðamönn-
um þannig að þetta er virkilega
ánægjulegt,“ segir Dagur Kári
og viðurkennir að þessi góðu við-
brögð hafi komið sér á óvart. „Í
öðrum löndum hafa blaðamenn
stundum skipst í tvær fylkingar,
annaðhvort gefið mjög góða dóma
eða mjög slæma. Þarna er almenn
ánægja.“
Þjóðverjar hafa einnig hrifist af
myndinni og svo virðist því sem
lokasprettur The Good Heart á
þessu ári ætli að verða sérlega
kröftugur. freyr@frettabladid.is
KANINN SKILDI EKKI
MYNDINA GOOD HEART
DAGUR KÁRI PÉTURSSON Dagur Kári er að vonum ánægður með viðtökurnar í Dana-
veldi við myndinni The Good Heart. FRÉTTABLAÐIÐ/ANTON
Beckham-hjónin hafa opinberað
óskalista sína fyrir jólin en það
eru afar sérhæfðar gjafir sem
þau vilja fá frá hvort öðru. Vict-
oria Beckham hefur beðið eigin-
mann sinn, David Beckham, um
IPhone hulstur alsett demöntum á
meðan knattspyrnustjarnan hefur
beðið spúsu sína um gullhúðuð
heyrnartól.
Það er greinilegt að Beckham-
hjónin eiga allt og verða því að
taka gjafalistann upp á annað og
sérhæfðara stig.
Sérhæfðar gjafir
GJAFMILD Victoria og David Beckham
vilja gullhúðuð heyrnartól og demanta
símahulstur frá hvort öðru í jólagjöf.
NORDICPHOTOS/GETTY
Leikarinn Billy Bob Thornton var giftur leikkon-
unni Angelinu Jolie frá 1999 til 2003 og vakti hjóna-
band þeirra mikla athygli, þá sérstaklega vegna
þess að hjónin gengu með blóð úr hvort öðru í nisti
um hálsinn. Að sögn Thorntons talast hann og Jolie
enn við og eru góðir vinir.
„Við tölum saman einstaka sinnum og hún virðist
vera hamingjusöm í lífi og starfi. Hún er mjög
gáfuð og skapandi og þess vegna er ég mjög stoltur
af henni að vera loks að leikstýra eigin kvikmynd,“
sagði leikarinn um fyrrum eiginkonu sína.
Talar enn við Jolie
BILLY BOB
THORNTON
Leikarinn Jeff Bridges, sem leik-
ur í nýjustu mynd Coen-bræðra,
vestranum True Grit, var fyrst
um sinn ekki viss hvort gerð henn-
ar væri nauðsynleg. Um er að ræða
nýja útgáfu af samnefndri mynd
frá árinu 1969 með John Wayne í
aðalhlutverki.
Bridges leikur lögreglumann
sem aðstoðar fjórtán ára stúlku við
að finna morðingja föður síns. „Ég
skildi ekki af hverju þeir vildu end-
urgera myndina en þeir sögðu: „Við
viljum ekki endurgera hana.
Við ætlum að gera mynd
eftir bókinni og ætlum ekki að vísa
í kvikmyndina“,“ sagði Bridges og
átti þar við Coen-bræður. Hann var
ánægður með þetta svar og ákvað
að slá til: „Þetta þýddi það að ég
þurfti ekki að reyna að herma eftir
John Wayne. Ég gat nálgast hlut-
verkið nákvæmlega eins og mig
langaði til.“
True Grit verður frumsýnd á
kvikmyndahátíðinni í Berlín 10.
febrúar og bíða hennar margir
með mikilli eftirvæntingu. Ekki
síst vegna þess að Bridges lék fyrir
tólf árum í einni vinsælustu mynd
Coen-bræðra, The Big Lebowski.
Þar fór hann með hlutverk hins
húðlata keiluspilara, The Dude.
Bridges var undrandi
á gerð True Grit
COEN-BRÆÐUR
Leikstýra vestranum
True Grit sem verður
frumsýndur á næsta
ári. Jeff Bridges var í
fyrstu undrandi
á endurgerð-
inni
Kvikmyndin The Black
Swan hefur vakið mikla
athygli og líklegt þykir
að myndin muni hreppa
einhver Óskarsverð-
laun. Leikkonurnar
Natalie Portman og
Mila Kunis sýna báðar
frábæran leik.Port-
man er ekki par ánægð
með alla þá athygli sem
Kunis hefur fengið.
„Þetta átti að vera
Óskarshlutverk Natalie
og hún er ekki sátt með
að Mila hafi stolið sen-
unni. Natalie er ánægð
með frammistöðu sína
í kvikmyndinni en hún
bjóst alls ekki við því að
gagnrýnendur mundu
lofa Milu eins mikið og
þeir hafa gert.“
Portman öfundsjúk
HART BARIST Natalie Portman er ekki sátt.
7 SEKÚNDUR liðu þangað til fyrirsæta í föruneyti rapparans Diddy fattaði að það væri kvikn-
aði í hári hennar í mögnuðu myndbandi sem gengur manna á milli á netinu. Diddy lýsti nýlega
yfir að það væri allt í lagi með fyrirsætuna, enda var hún í baði þegar slysið gerðist.
Jólakaupauki
Flottur hátalari fylgir
GSM tilboði á meðan
birgðir endast.
Vertu með Face-
book í símanum
Jólainneign 1.000 kr. á mánuði í 12 mánuði fylgir.
Samsung Galaxy 5
0 kr. útborgun
m.v. 12 mánaða greiðsludreifingu eða 12x3.325 kr.*
www.ring.is / m.ring.is www.facebook.com/ringjarar
E
N
N
E
M
M
/
S
ÍA
/
N
M
4
4
7
6
0
*Dreifingargjald 250 kr. á mánuði.