Fréttablaðið - 30.12.2010, Blaðsíða 57

42 30. desember 2010 FIMMTUDAGUR
FÓTBOLTI Sky-fréttastofan greindi
frá því í gær að Liverpool ætlaði
að gera aðra tilraun við Carlton
Cole, framherja West Ham.
Liverpool reyndi að kaupa Cole
síðasta sumar en hafði ekki erindi
sem erfiði. Cole hefur átt erfitt
uppdráttar í vetur og aðeins skor-
að fimm mörk í öllum keppnum.
Þó svo að Avram Grant, stjóri
West Ham, vilji alls ekki selja Cole
eru eigendur félagsins taldir vera
opnir fyrir því að hlusta á tilboð á
bilinu sjö til níu milljónir punda.
Hodgson, stjóri Liverpool, seg-
ist þurfa að styrkja framlínuna hjá
sér en hann leitar að réttum félaga
með Fernando Torres. Hodgson
reynir nú að fá hina nýju eigend-
ur félagsins með sér í lið svo hann
geti eytt almennilega í janúar
en Liverpool er einnig sagt hafa
áhuga á Ola Toivonen hjá PSV.
- hbg
Liverpool ætlar að versla í janúarglugganum:
Hodgson ekki búinn
að gefast upp á Cole
EKKI NÓGU HEITUR Cole átti fínan leik á annan í jólum en hefur þess utan ekki
spilað nógu vel í vetur. NORDICPHOTOS/GETTY IMAGES
HANDBOLTI „Þetta var sjöundi
úrslitaleikurinn og það er því búin
að vera löng bið eftir gullinu,“
sagði Snorri Steinn Guðjónsson
þegar Fréttablaðið heyrði í honum
í gær. Hann var þá að pakka niður
og undirbúa Íslandsför en fram
undan er undirbúningur íslenska
landsliðsins fyrir HM í Svíþjóð.
Snorri Steinn skoraði þrjú mörk
og stýrði leik AG Kaupmanna-
hafnar í 26-20 sigri á Århus Hånd-
bold í úrslitaleiknum sem fram
fór í Árósum. Með liðinu spilar
einnig Arnór Atlason sem skor-
aði þrjú mörk í úrslitaleiknum en
þeir verða líka báðir í stóru hlut-
verki með íslenska landsliðinu á
HM í Svíþjóð.
„Þetta var fjórði bikarúrslita-
leikurinn minn í röð, ég spilaði
tvo með GOG og svo með Rhein-
Neckar Löwen í fyrra. það var
því að sjálfsögðu ánægjulegt
að klára þetta loksins. Það var
komið yfirdrifið nóg af silfri og
það var allt í lagi að prófa þetta
aðeins. Það er búið að taka sinn
tíma að vinna sinn fyrsta titil,“
segir Snorri Steinn sem fékk einn-
ig silfur með Val í lokaúrslitum
um Íslandsmeistaratitilinn 2002,
tapaði úrslitaleiknum um ólympíu-
gullið með íslenska landsliðinu
2008 og með danska liðinu GOG
Svendborg í úrslitaleik um danska
meistaratitilinn vorið 2008.
„Ég missti mig nú ekkert í
leikslok og felldi engin tár en til-
finningin var góð og þetta var
skemmtilegt. Þetta er búið að
vera markmiðið hjá liðinu og nán-
ast krafa um að vinna þetta. Það
er því gott að vera búinn að klára
þetta því þetta tekur aðeins press-
una af liðinu,“ segir Snorri.
Daginn áður stefndi þó í það að
AG fengi ekki tækifæri til þess að
spila úrslitaleikinn. Liðið var fjór-
um mörkum undir á móti Skjern
þegar lítið var eftir en tókst að
tryggja sér framlengingu þar
sem liðið vann síðan eins marks
sigur.
„Það munaði ótrúlega litlu að
við töpuðum í undanúrslitaleikn-
um því við spiluðum alveg hræði-
legan leik. Við vorum heldur ekki
að spila neitt frábærlega í úrslita-
leiknum en undanúrslitaleikurinn
var klárlega okkar lélegasti leikur
í vetur,“ segir Snorri. Hann segir
það mikinn styrk hjá liðinu að geta
komið til baka og unnið leik sem
liðið spili svo illa í. „Við vorum
undir allan leikinn og þeir voru
nánast með unninn leik í hönd-
unum. Það var sterkt að snúa því
við og vinna leikinn. Eftir að við
náðum þessu í framlengingu þá
fannst manni þetta aldrei vera nein
spurning,“ segir Snorri Steinn.
„Það hefur skapað okkur falskt
öryggi að spila svona marga auð-
veldlega leiki. Desember var eig-
inlega bara grín því við spiluðum
mikinn hluta af leikjum okkar á
móti liðum í neðri hlutanum. Þessi
lið voru flest engin fyrirstaða,“
segir Snorri en AG hefur unnið 16
Loksins kom gullpeningurinn
SNORRI STEINN GUÐJÓNSSON Í leik með Kaupmannahöfn. MYND/HEIMASÍÐA AG
Snorri Steinn Guðjónsson vann sinn fyrsta titil á
ferlinum þegar hann varð bikarmeistari með liði
AG Kaupmannahöfn í gær. „Ég missti mig nú ekkert
í leikslok og felldi engin tár en tilfinningin var góð,“
segir Snorri, sem hafði tapað bikarúrslitaleikjum
með Rhein-Neckar Löwen og GOG á síðustu þremur
tímabilum.
af 17 leikjum sínum í deildinni í
vetur og er með sjö stiga forskot
á toppnum. „Það er markmiðið að
bæta fleiri titlum við. Það er mark-
miðið og við erum ekkert saddir.
Það er búið að ganga frábærlega
hérna og við komum mjög ánægðir
og stemmdir í landsliðsverkefnið,“
segir Snorri.
„Við erum komnir í einhverja
af Evrópukeppnunum núna með
því að vinna bikarinn en auðvit-
að viljum við fara í Meistaradeild-
ina,“ segir Snorri og hann er ekk-
ert að kvarta yfir því að fá ekki
að spila nógu mikið en viðurkenn-
ir að liðið tæki fagnandi við meira
leikjaálagi.
„Það eru nánast of margir leik-
menn í liðinu miðað við leikjafjöld-
ann. Með svona breiðan hóp hefði
verið fínt að vera líka í Evrópu-
keppninni til þess að fá fleiri leiki.
Það er alltaf þannig í góðum liðum
að leikmenn vilja fá að spila meira
en þeir gera. Við líðum aðeins
fyrir það að vera ekki í Evrópu-
keppni því við erum klárlega með
breiddina og mannskapinn til þess
að vera í þannig keppni. Maður
kaupir sig ekki inn í Evrópukeppn-
ina og við þurfum að vinna okkur
sæti þar,“ segir Snorri en til þess
að komast í Meistaradeildina þarf
liðið að vinna danska meistara-
titilinn í vor.
Snorri ætlar að njóta þess að
eyða tíma með fjölskyldu og vinum
um áramótin. „Það er gott að koma
heim. Ég ætla í laugarnar, í smá
áramótafótbolta og vera síðan með
fjölskyldunni á áramótunum. Svo
tekur við þéttur og erfiður pakki
en hann verður jafnframt mjög
skemmtilegur.“
ooj@frettabladid.is
Snorri Steinn og félagar í AG Kaupmannahöfn spila í erma-
lausum treyjum sem hafa vakið mikla athygli. Þeir hafa
slegið í gegn í Danmörku og seldust upp fyrir jólin. „Þeir
settu okkur í þessa ermalausu boli og svo er þetta bara
uppselt. Þeir hafa víst aldrei selt svona mikið af treyjum
í Danmörku. Ég hélt að hann væri þroskaheftur þegar
hann pantaði treyjurnar en þær voru uppseldar fyrir
jól,“ segir Snorri í léttum tón en hann var þá að tala um
eigandann Jesper Nielsen.
„Mér líður vel í þessum búningi. Ég stakk upp á þessu
fyrir landsliðið um daginn en það var ekki tekið vel í það.
Það var ekki mikill hljómgrunnur fyrir því hjá mönnum og
allra síst hjá Gumma (Guðmundi Guðmundssyni lands-
liðsþjálfara). Hann sagði að það kæmi ekki til greina að
sitt lið spilaði í þessu,“ sagði Snorri.
Ermalausu bolirnir eru uppseldir
FÓTBOLTI Í fyrrakvöld greindu
fréttastofa RÚV og Fótbolti.net
frá því að Eiður Smári Guðjohn-
sen hefði komist að samkomu-
lagi við félag sitt, Stoke City, um
að hann færi þegar félagaskipta-
glugginn opnar um áramótin.
Ekkert hefur náðst í Eið Smára
né Arnór Guðjohnsen, umboðs-
mann og föður hans, til að fá
fréttina staðfesta. Enskir fjöl-
miðlar fjölluðu heldur ekkert um
málið í gær, eftir því sem Frétta-
blaðið komst næst.
Hins vegar kom fram 4. desem-
ber síðastliðinn að Tony Pulis,
stjóri Stoke, ætlaði að halda Eiði
Smára. „Við þurfum á öllum
okkar mönnum halda þar sem
leikbönn og meiðsli munu fljótt
hafa sitt að segja,“ sagði Pulis.
Eiður hefur ekkert spilað með
Stoke síðan í október og hefur
aldrei fengið tækifæri í byrjunar-
liðinu síðan hann kom frá Món-
akó í lok sumars. - esá
Vistaskipti í vændum?
Ekkert fjallað
um Eið Smára
EIÐUR SMÁRI Hér í leik gegn Man. Utd
hinn 24. október. NORDICPHOTOS/GETTY
FÓTBOLTI Stoke City gekk í gær frá
kaupum á Jermaine Pennant sem
hefur staðið sig vel hjá félaginu
síðan hann kom á lánssamningi
frá Real Zaragoza á Spáni. Hann
gerði samning til loka tímabils-
in 2013.
Stoke greiddi 1,7 milljónir
punda fyrir hann strax en sú upp-
hæð gæti endað í 2,8 milljónum
ef hann stendur sig áfram vel.
Pennant er 27 ára gamall. - esá
Leikmannamál Stoke:
Keypti Pennant
HANDBOLTI Aron Pálmarsson
hefur skrifað undir nýjan samn-
ing við Kiel sem bindur hann við
félagið til loka tímabilsins 2015.
Þetta tilkynntu forráðamenn
Kiel í gærkvöldi en Aron kom til
félagsins fyrir síðasta tímabil.
Hann framlengdi gamla samn-
inginn sinn um tvö ár.
Aron sagðist ánægður með
samninginn. „Nú get ég einbeitt
mér að HM með vinum mínum í
íslenska landsliðinu og svo aftur
að verkefnum Kiel,“ sagði Aron á
heimasíðu Kiel.
Hann átti frábæru gengi að
fagna á sínu fyrsta tímabili hjá
Kiel. Hann varð bæði þýskur
meistari með liðinu sem og Evr-
ópumeistari. - esá
Aron Pálmarsson:
Hjá Kiel til 2015
ARON PÁLMARSSON Verður hjá Kiel til
2015. NORDICPHOTOS/BONGARTS