Fréttablaðið - 02.11.2010, Blaðsíða 8

8 2. nóvember 2010 ÞRIÐJUDAGUR
1. Með hvaða liði leika knatt-
spyrnukonurnar Edda Garðars-
dóttir og Ólína Viðarsdóttir?
2. Við hvaða starfi tekur Dilma
Rousseff á næstunni?
3. Hver er sambýlismaður
Ásdísar Guðmundsdóttur fim-
leikakonu?
SVÖR
1. Örebro. 2. Forseta Brasilíu. 3. Kári
Ársælsson.
– Lifið heil
Danatekt
www.lyfja.is
DANATEKT línan er krem, húðmjólk
og hársápa fyrir alla fjölskylduna.
Kremin næra þurra og viðkvæma
húð og hlífa henni. Hársápan er svo
mild að hana má nota á allan líkamann.
Svansmerkið tryggir heilnæmi og gæði.
Án parabena ilm- og litarefna
Nánari upplýsingar á www.portfarma.is
Nýtt
í Lyfju
www.lyfja.is
ÍS
LE
N
SK
A
/S
IA
.I
S
/L
YF
5
19
70
1
0/
10
9.990 (fullt verð 11.990)
Bíldshöfða - Sími 585 7220 - OPIÐ ALLA DAGA
36 g #3, #4, #5, 25 stk.
42 g #1, #3, #4, #5. Verð: 2.290 25 stk.
Mikið úrval af frábærum tilboðum - líttu við
SKIPULAGSMÁL Fosshótel hafa
áhuga á því að starfrækja hótel á
ný í Hafnarstræti 98 á Akureyri,
gamla Hótel Akureyri. Fyrirtækið
hefur skoðað málið með bygginga-
fyrirtæki og eigendum hússins,
Saga fjárfestingabanka og KEA,
að undanförnu.
Hugmyndin er að gera gamla
húsið upp í upprunalegri mynd og
byggja 62 herbergja hótel með nýt-
ingu byggingaréttar fyrir aftan
húsið. Gert er ráð fyrir að húsið
verði tveimur hæðum hærra en
núverandi skipulag gerir ráð fyrir.
Heildarkostnaður við að gera upp
gamla húsið og reisa viðbygging-
una fyrir aftan það er áætlaður
allt að 700 milljónir króna. Ólaf-
ur Torfason, aðaleigandi Fosshót-
ela, segir í samtali við Vikudag á
Akureyri að 30 til 40 störf myndu
skapast á framkvæmdatímanum
og svo 20 til 30 við rekstur hót-
elsins. Hugmyndirnar hafa verið
kynntar fyrir bæjaryfirvöldum.
Húsið hefur lengi staðið autt og
stóð til að rífa það um tíma, þar
til það var friðað í nóvember 2007.
Saga fjárfestingabanki og KEA
keyptu það árið 2008 með það að
markmiði að gera það upp. - þeb
Fosshótel hafa áhuga á að endurbyggja hið gamla Hótel Akureyri:
Vilja hótel í Hafnarstræti á ný
HAFNARSTRÆTI 98 Húsið hefur að
mestu leyti staðið autt undanfarin ár.
FRÉTTABLAÐIÐ/ÞÓRUNN
VÍSINDI Ísland var í 31. sæti af
33 þjóðum í Evrópu yfir veittar
doktorsgráður á hverja millj-
ón íbúa í innlendum háskólum
árið 2007.
Íslenskir vísindamenn voru
hins vegar í fjórða sæti yfir
birtar greinar í alþjóðlegum
vísindatímaritum á hverja
milljón íbúa á árunum 2005 til
2009. Þetta er meðal þess sem
fram kemur í nýrri skýslu sem
danska vísindaráðuneytið gaf
út á dögunum.
- mþl
Fáar doktorsgráður veittar:
Afkastamiklir
vísindamenn
EFNAHAGSMÁL „Tími er kominn til
að ræða um framtíðina og láta af
umræðu um orsakir kreppunnar,“
sagði prófessor Michael Porter á
Iceland Geothermal jarðvarmaráð-
stefnunni sem fram fór í Háskóla-
bíói í gær. Á henni var fjallað um
klasamyndun í jarðvarmageira og
hvernig hún gæti orðið grundvöllur
aukins hagvaxtar.
Porter sem er prófessor við Har-
vard-háskóla í Bandaríkjunum og
einn helsti fræðimaður heims á
sviði stefnumótunar og samkeppn-
ishæfni þjóða, kynnti á ráðstefnunni
í gær niðurstöður rannsóknar sem
unnin hefur verið undir hans hand-
leiðslu á íslenska jarðvarmaklasan-
um og hvernig efla megi uppbygg-
ingu hans.
„Jarðvarmi og klasamyndun
honum tengd er einn þeirra þátta
sem ég tel geta hjálpað landinu,“
sagði Porter og áréttaði að þótt
hlutir hafi farið aflaga og tafið þjóð-
ina á leið til aukinnar samkeppnis-
hæfni þá skipti öllu máli að komast
nú aftur á rétt ról.
Porter gekk raunar svo langt að
segja að Íslendingar mættu skamm-
ast sín tækist þeim ekki að skapa
jarðvarmageiranum nauðsynlega
umgjörð til þess að dafna, en hann
kallaði eftir því að mynduð yrði
stefna um klasamyndun hér. „Við
getum aldrei orðið öllum allt,“ sagði
hann, sérhæfing væri nauðsynleg.
Hér væru þó allar aðstæður til að
hagnýta meira en orkuna eina og
flytja út tækniþjónustu og sérþekk-
ingu þá sem hér hafi orðið til.
Porter benti á að orkugeirinn á
Íslandi væri smár í alþjóðlegum
samanburði og raunveruleg hætta
væri á að Íslendingar misstu af lest-
inni í samkeppni við aðrar þjóðir og
yrðu af mannauði væri ekki þegar í
stað gripið til markvissra aðgerða
til að styðja klasann. Því væri nauð-
synlegt að ryðja úr vegi ýmsum
hindrunum og sníða af vankanta
sem hamli geiranum. Til dæmis sé
hamlandi hversu ráðandi opinber
fyrirtæki séu í orkuframleiðslu, þótt
í orði sé hún opin samkeppni.
Þá virðist landið, fyrir reglur
Evrópska efnahagssvæðisins, opið
erlendri fjárfestingu en líði fyrir
skort á gagnsæi. Gjaldeyrishöft
hamli og eins sé regluverk tengt
fjárfestingum í jarðvarmaverkefn-
um íþyngjandi. „Umbætur til stuðn-
ings jarðvarmaklasanum gagnast
ekki honum einum heldur geta líka
orðið fyrirmynd að því hvernig stað-
ið er að viðskiptum á öðrum svið-
um,“ sagði Michael Porter.
olikr@frettabladid.is
Jarðvarmageiri þarf
umgjörð til að dafna
Íslenskur jarðvarmageiri er smár í alþjóðlegum samanburði. Sérhæfð þjónusta
og þekking er hins vegar verðmæt útflutningsafurð sem gæti orðið stoð aukins
hagvaxtar sé hlúð að geiranum. Rætt var um jarðvarmaklasa á ráðstefnu í gær.
Í HÁSKÓLABÍÓI Michael Porter segir sjálfsvorkunnina of áberandi hér á landi, en nú sé kominn tími til að horfa fram á veginn.
„Við getum ekki dvalið endalaust við kreppuna,“ sagði hann. FRÉTTABLAÐIÐ/ANTON
VEISTU SVARIÐ?