Fréttablaðið - 02.11.2010, Blaðsíða 15
ÞRIÐJUDAGUR 2. nóvember 2010
AF NETINU
Bjarni Benediktsson illur
Afar lítið hefur
farið fyrir formanni
Sjálfstæðisflokks-
ins síðustu mán-
uðina og ef ekki
væri fyrir hnyttna
Staksteina fyrrum formanns í
Morgunblaðinu væri flokkurinn
algerlega forystulaus.
Mér þótti því sæta miklum tíðind-
um að heyra Bjarna Benediktsson
illan í skapi í kvöldfréttum RÚV yfir
því að ráðalaus ríkisstjórn vildi eitt-
hvað trufla hann og ráðfæra sig við
hann. Reiði formanns Sjálfstæðis-
flokksins má eflaust rekja til þess
að Bjarni hefur þegar á hólminn
er komið engar tillögur í farteskinu
aðra en þá að hengja sig á tillögur
SA og ASÍ. Hann er jafn ráðalaus
og ríkisstjórnin.Tillögur Bjarna og
aðila vinnumarkaðarins ganga víst
meira og minna út á það að sömu
aðilar geri nákvæmlega það sama
og fyrir hrun, þ.e. viðhalda óbreyttu
fjármálakerfi, kvótakerfi og fari í
stóriðjuframkvæmdir.
Vandinn er bara að þessi kerfi
eru hrunin og ekki er á lausu fjár-
magn til þess að fara í stóriðjuna.
sigurjonth.blog.is
Sigurjón Þórðarson
Í kjölfar seinustu alþingis-kosninga vorið 2009 mynd-
uðu Samfylkingin og Vinstri
hreyfingin – grænt framboð
nýja ríkisstjórn með endurnýj-
uðum stjórnarsáttmála. Stjórn-
in gaf út samstarfsyfirlýsingu
þar sem stefna hennar í helstu
málaflokkum var tíunduð. Á
grundvelli hennar endurnýj-
uðu flokkarnir samstarf sitt.
Samstarfsyfirlýsingin var
síðan samþykkt í flokksstjórn
Samfylkingarinnar „með
öllum greiddum atkvæðum“
en í flokksráði vinstrigrænna
með „þorra atkvæða“.
Meðal þeirra sem samþykktu
stjórnarsamstarf á grundvelli
samstarfsyfirlýsingarinnar
voru ýmsir þeir sem afhentu
undirskriftalista á málþingi
vinstri grænna helgina 24.-
25. október þar sem skorað er
á forystu flokksins „að fylgja
stefnu flokksins“ varðandi
aðild að Evrópusambandinu.
Þetta óljósa orðalag kallar á
nokkrar vangaveltur þar sem
ekki er tekið fram hvað þarf
að gera til að þessi hópur telji
stefnu flokksins fylgt.
Hér er nauðsynlegt að rifja
upp hvað segir í samstarfs-
yfirlýsingu ríkisstjórnarinnar
um þetta mál, en á grundvelli
hennar kaus þorri trúnaðar-
manna VG – sem vel má kalla
„grasrót“ flokksins, ef það
hugtak hefur enn eitthvert
gildi – að styðja áframhaldandi
aðild flokksins að ríkisstjórn:
„Ákvörðun um aðild Íslands
að Evrópusambandinu verði
í höndum íslensku þjóðarinn-
ar sem mun greiða atkvæði
um samning í þjóðaratkvæða-
greiðslu að loknum aðildar-
viðræðum. Utanríkisráðherra
mun leggja fram á Alþingi
tillögu um aðildarumsókn að
Evrópusambandinu á vor-
þingi. Stuðningur stjórnvalda
við samninginn þegar hann
liggur fyrir er háður ýmsum
fyrirvörum um niðurstöðuna
út frá hagsmunum Íslendinga
í sjávarútvegs-, landbúnaðar-,
byggða- og gjaldmiðilsmálum,
í umhverfis- og auðlindamál-
um og um almannaþjónustu.
Víðtækt samráð verður á vett-
vangi Alþingis og við hags-
munaaðila um samningsmark-
mið og umræðugrundvöll
viðræðnanna. Flokkarnir eru
sammála um að virða ólíkar
áherslur hvors um sig gagn-
vart aðild að Evrópusam-
bandinu og rétt þeirra til
málflutnings og baráttu úti í
samfélaginu í samræmi við
afstöðu sína og hafa fyrirvara
um samningsniðurstöðuna líkt
og var í Noregi á sínum tíma.“
Þetta er sú málsmeðferð sem
ríkisstjórnin fylgdi í kjölfarið
og er enn þá viðhöfð. Hún
er núna kölluð „aðlögunar-
ferli“ og er það ekki óeðlilegt
þar sem Ísland hefur beinlín-
is sótt um aðild að Evrópu-
sambandinu. Þetta aðlögunar-
ferli er hins vegar ekki nýtt
af nálinni heldur hefur það
verið í gildi síðan Ísland gekk
í evrópska efnahagssvæðið
fyrir hartnær tveimur ára-
tugum. Í ferlinu sjálfu felst
ekki óafturkræf nálgun við
Evrópu sambandið sem kemur
í veg fyrir að þjóðin geti hafn-
að aðild að ríkjasambandinu.
Það sjáum við af reynslu Nor-
egs, sem tvisvar hefur farið í
gegnum slíka aðlögun án þess
að landið sé nú hluti af ESB.
Það hafa því engar forsendur
breyst frá því að VG kaus
að setjast í ríkisstjórn með
þessa stefnu. Þetta viðurkenn-
ir Hjörleifur Guttormsson í
grein í Smugunni 26. október
og kallar þá ákvörðun „reiðar-
slag“. En hvað með þann þorra
flokksstjórnarmanna sem,
ólíkt Hjörleifi, studdi stjórnar-
samstarf á grundvelli þess-
arar samstarfslýsingar vorið
2009? Hafa þeir endurskoðað
sína afstöðu og vilja nú hætta
stjórnarsamstarfi við Sam-
fylkinguna? Þeirri spurningu
verða hundraðmenningar að
svara hreinskilnislega, ef ekki
sameiginlega þá hver fyrir
sig. Forystumenn VG eru jafn-
bundnir af þeirri samþykkt
flokksins, að ganga til stjórnar-
samstarfs á grundvelli áður-
nefnds samstarfssáttmála, og
þeir eru af öðrum stefnumót-
andi samþykktum flokksins.
Það er ekkert vafamál að
sá hluti samstarfsyfirlýsing-
ar ríkisstjórnarinnar sem
tekur til Evrópusambands-
ins ber meira mót af stefnu
Samfylkingarinnar heldur en
stefnu VG. En svo er ekki um
alla hluta hennar. Í samstarfs-
yfirlýsingunni segir t.d. líka:
„Umhverfisvernd sem hefur
sjálfbæra þróun samfélags og
efnahags að leiðarljósi er sá
grunnur sem ný atvinnu- og
auðlindastefna stjórnarinnar
byggir á. Þannig eru tekin
mikilvæg skref í átt til hins
nýja græna hagkerfis sem skil-
ar jöfnum vexti, og tryggir
að ekki sé gengið á höfuðstól
auðlindanna.“ Það er eðlileg
krafa helsta flokks umhverfis-
sinna á Íslandi að ríkisstjórnin
starfi í anda þeirrar atvinnu-
stefnu sem hún hefur sjálf
markað og að aðilar innan
hennar vinni hvorki í orði né
verki gegn anda samstarfsyfir-
lýsingarinnar. Annað sem hin
velferðarsinnaða ríkisstjórn
hefur lofað er að endurskoða
húsnæðismál þannig að „fólk í
húsnæðisleit eigi valkosti með
eignar-, leigu- og búseturéttar-
íbúðum, hvort sem það þarfn-
ast húsnæðis í fyrsta sinn eða
síðar á lífsleiðinni“. Samstarfs-
yfirlýsing ríkisstjórnarinnar
er því skjal sem vinstrimenn
og umhverfissinnar ættu að
hafa væntingar til. Vafasamt
er að það henti hagsmunum
þeirra að grafa undan vægi
hennar í stefnumótun ríkis-
stjórnarinnar.
Svik við málstaðinn?
Sverrir Jakobsson
Sagnfræðingur
Í DAG
Það er ekkert vafamál að sá hluti
samstarfsyfirlýsingar ríkisstjórnar-
innar sem tekur til Evrópusambands-
ins ber meira mót af stefnu Samfylk-
ingarinnar heldur en stefnu VG. En
svo er ekki um alla hluta hennar.
75 Ára
1.– 7. NÓVEMBER!
Í tilefni af 75 ára afmæli AXIS
bjóðum við vandaða fataskápa
á sérstöku afmælisverði.
Meiri Vísir.
Úrval afþreyingar, frétta og myndskeiða í margfalt betri
upplausn en áður og með góðu aðgengi fyrir allar tölvur
og farsíma. Horfðu, hlustaðu og fylgstu með öllu því
sem gerist, hvar og hvenær sem er á Vísi.
Meira sjónvarp, meira útvarp, meiri fréttir, meiri
upplýsingar, meiri umræða, meira líf, meiri íþróttir, meiri
virkni, meira úrval. Þú færð meira af öllu á nýjum Vísi.
Má bjóða ykkur meiri Vísi?
m.visir.is
Fáðu Vísi í símannog iPad!
FRÉTTIR VIÐSKIPTI ÍÞRÓTTIR LÍFIÐ UMRÆÐAN
STÝRÐU
UMRÆÐUNNI
Í ÁTT TIL ÞÍN