Fréttablaðið - 02.11.2010, Blaðsíða 22

2. NÓVEMBER 2010 ÞRIÐJUDAGUR2 ● fréttablaðið ● jólahlaðborð
Jólahlaðborð og útgáfa á nýrri
matreiðslubók er á meðal
þess sem hópur kvenna af
ólíku þjóðerni stefnir á undir
merkjum verkefnisins Þjóðlegt
eldhús.
„Þarna hefur skapast skemmtileg-
ur vettvangur til að kynnast betur,
skiptast á sögum og uppskriftum, í
eldhúsinu sem er sá staður þar sem
konur tala saman,“ segir Sabine
Leskopf, formaður Samtaka kvenna
af erlendum uppruna á Íslandi.
Samtökin halda, ásamt Kven-
réttindafélagi Íslands, utan um
verkefnið Þjóðlegt eldhús þar
sem konur af ýmsu þjóðerni
koma saman og kynna land sitt
og menningu í gegnum sögur, mat
og myndir. Hópurinn hefur hist að
Hallveigar stöðum fyrsta fimmtu-
dag hvers mánaðar frá því í janúar
og hefur meðlimum fjölgað jafnt og
þétt en fastur kjarni er á bilinu 30
til 40 konur. Meðal þess sem hóp-
urinn hefur kynnt sér er menning
og matur frá Kólumbíu, Austur-
Afríku, Spáni, Póllandi og Þýska-
landi, þar sem Sabine sagði frá og
annaðist matseld.
Hópurinn er nú að undirbúa jóla-
hlaðborð í nóvember og býst Sabine
við að fjölþjóðlegur blær setji sinn
svip á matargerðina. Hún gefur
Mariu del Pilar Acosta frá Kól-
umbíu orðið, en sú er í forsvari
fyrir verkefnið. „Ætli við verðum
ekki með sýnishorn af réttunum
sem við höfum verið að matreiða
á árinu,“ upplýsir hún og bætir við
að hópurinnn stefni á að gefa út bók
með uppskriftunum þegar fram líða
stundir. „Lesendur geta þannig rétt
eins og við öðlast innsýn í matar-
gerð og -menningu annarra þjóða.“
En er munur á jólahaldi hér og
erlendis? „Það er kannski ekki
ýkja mikill á því hér og í Þýska-
landi, nema að þar er mestu púðri
eytt í matinn á jóladag en ekki á
aðfangadag eins og hér,“ útskýrir
Sabine. Maria segir hins vegar
himin og haf skilja þarna á milli.
„Jólahald í Kólumbíu er mun af-
slappaðra en á Íslandi, þar snýst
þetta minna um gjafastand en því
meira um samveru við vini, ætt-
ingja og nágranna.“
Þær segjast hlakka mikið til jóla-
hlaðborðsins fyrirhugaða; meðal
annars verði gaman að sjá hvernig
allar jólahefðirnar blandist saman.
„Við eigum eftir að njóta þess að
eiga saman góða stund og borða
allan þennan ljúffenga mat,“ segir
Maria, full tilhlökkunar. - rve
Fjölþjóðlegt hátíðarhald
Þjóðlegt eldhús er verkefni sem Samtök kvenna af erlendum uppruna og Kvenrétt-
indafélag Íslands standa fyrir. Konum af ólíku þjóðerni gefst þar færi á að kynnast í
gegnum matargerð, sögur og myndir. MYND/MARIA DEL PILAR ACOSTA
Nokkrar kvennanna sem hafa verið með kynningar í Þjóðlegu eldhúsi. Fremst frá hægri: Maite Bellés frá Spáni og Maria del Pilar
Acosta frá Kólumbíu. Aftari röð frá hægri: Sabine Leskopf frá Þýskalandi, Mayte Morti frá Spáni, Sharon Onyango Opuge frá Keníu
og Ania Woniczka frá Póllandi. FRÉTTABLAÐIÐ/ANTON
Jólahlaðborðavertíðin er að hefj-
ast. Ekki er það þó allra að standa
í biðröð eftir kræsingunum en á
veitingastaðnum Einari Ben kemur
hlaðborðið beint á borðið.
„Þetta er fjórða árið sem við
höfum þennan háttinn á. Jólahlað-
borðið kemur á bökkum á borðið,
fyrst forréttabakki, þá aðalrétta-
bakki og eftirréttabakki,“ útskýrir
Stefán Guðjónsson, veitingastjóri á
Einari Ben. Hann segir fyrirkomu-
lagið leggjast vel í gesti, sem þurfi
aldrei að standa í biðröð.
„Ef þig langar í meira þá sækir
þjónninn bara meira á bakkann,
þú þarft aldrei að standa upp. Við
ákváðum einnig að halda sama
verði núna og tvö síðustu ár, en
hlaðborðið kostar 6.490 krónur
á manninn. Ég get þó alveg sagt
með góðri samvisku að hlaðborðið
okkar er mjög glæsilegt. Fólk er
að fá alveg jafn mikið að borða og
annars staðar.“
Stefán segir fólk gjarnan bera
saman hlaðborðin milli veitinga-
staða en margir sækja fleiri en
eitt og fleiri en tvö hlaðborð á að-
ventunni. Jólahlaðborðin á bökkun-
um hjá Einari Ben fái góða dóma.
„Fólki finnst sniðugt að fá hlað-
borðið á borðið og saknar þess ekki
að standa í biðröð í korter til að fá
örlítið meiri lax.“
Jólahlaðborðin á Einari Ben
hefjast þann 18. nóvember en
þegar er farið að taka niður pant-
anir. „Við tökum við hlaðborðapönt-
unum allt frá tveggja manna borð-
um upp í áttatíu manna borð, þetta
er fyrir alla.“
Hlaðborðið á borðið
Jólahlaðborðið kemur á bökkum á
borðið, þjónninn hleypur eftir ábótinni.
MYND/EINAR BEN
● VELJUM OKKUR SESSUNAUTA
Langflestir fara aðeins á jólahlaðborð með
vinnunni. Margir kannast líklega við það
að mæta á staðinn og neyðast til að sitja til
borðs með fólki sem þeir þekkja lítið eða
kunna jafnvel varla við. Því er ágæt regla
að tala sig saman við sína nánustu vinnu-
félaga um að sitja saman á hlaðborðinu,
þannig geta þeir sem mæta fyrstir tekið frá
sæti fyrir eftirlegukindurnar.
● SLEPPUM BRAUÐINU
Matarframboðið á jólahlaðborðum er nánast óþrjótandi. Þó að flest sé
mjög gott á bragðið er misjafnt hvað er í uppáhaldi hjá fólki. Algeng mis-
tök matargesta eru að troða sig út af brauði, sem oft er í körfu á borðum,
áður en aðgangur er opnaður að hlaðborðinu. Með því hefur maginn
verið fylltur og menn geta borðað minna af sínum uppáhaldsmat.
Önnur mistök eru að hlaða um of á diskinn í fyrstu ferð.
Slökum á – þetta er hlaðborð og tæmist því
ekki ef vel er að staðið. Við getum því byrjað
á forréttinum, farið síðan
í hangikjötið, næst í
heita kjötið og að
lokum skellt okkur í
eftirréttina.
● GLEÐILEG JÓL, kökuuppskriftir og margt
fleira spennandi tengt jólunum er heiti síðu á Fés-
bók þar sem fólk getur deilt hugmyndum, vitneskju
og uppskriftum sem tengjast jólunum á einhvern
hátt. Síðan er fullkominn vettvangur fyrir einarða
áhugamenn um jól og jólahald, enda fjölmargir
sem byrja að huga að jólunum löngu áður en þau
bresta á.
Jólahlaðborðið hefst 18. nóvember.
Jólahlaðborð 2010
Sími: 511 5090
Netfang: einarben@einarben.is
Veffang: www.einarben.is
Pantaðu núna!
Sama verð og í fyrra,
aðeins 6.490 kr.
Beint á borðið þitt!