Fréttablaðið - 02.11.2010, Blaðsíða 16
2. nóvember 2010 ÞRIÐJUDAGUR16
timamot@frettabladid.is
39 RICKY MARTIN tónlistarmaður er 39 ára.„Samkynhneigt fólk þráir að ég sé hinsegin. Gagnkynhneigðir eiga sér ósk um að ég sé
gagnkynhneigður.“
„Ég er nægjusöm þegar kemur að
afmælisgjöfum og þykir fjarskalega
vænt um ryksuguna og eldhúskranana
frá eiginmanninum. enda praktískar
gjafir sem nýtast vel; rómantískar og
fínar,“ segir Bryndís Loftsdóttir, vöru-
stjóri íslenskra bóka, tónlistar og mynd-
banda hjá Eymundsson, en hún býður
vinum sínum til veislu í kvöld. „Enda
ekki ástæða til annars en að lyfta glasi,
þótt ekki sé nema til að styrkja ríkis-
sjóð og auðga þriðjudaga,“ bætir hún við
hlæjandi hress á fertugasta afmælisdegi
lífs síns.
„Það halda margir að ég sé vinstri-
sinnuð miðbæjarrotta en í raun er ég
hægrisinnaður Breiðhyltingur. Fimm
ára fylgdi ég foreldrum mínum austur
í Fellahverfi þar sem þau hófu þá þegn-
skylduvinnu að byggja sér hús og þar
bjó ég til fullorðinsára,“ segir Brynd-
ís, dóttir Lofts Andra Ágústs sonar
úrsmíðameistara og Kristjönu Petrínu
Jensdóttur verslunarkonu. „Þá þótti
óvenjulegt að pabbi ól mig að mestu
upp þegar mamma vann úti við bókhald
í Kjötbúðinni Borg, en hann var með
úrsmíðaverkstæði heima, þar sem enn
stendur úrsmiður í glugganum,“ segir
Bryndís, sem ber hlýjar tilfinningar til
síns gamla hverfis þar sem foreldrar
hennar búa enn.
„Breiðholtið er frábært og þar átti ég
yndisleg uppvaxtarár. Auðvitað völdust
hetjur til kennslu í Fellaskóla vegna orð-
sporsins og stríðsástands milli Fella-,
Hóla- og Seljahverfis. Í Fellaskóla voru
okkur kennd mjög heiðarleg og góð
gildi, og stíft menningaruppeldi var í
Fellahelli þar sem Sykurmolarnir Sjón
og Þór Eldon hlúðu að okkur krökk-
unum í frítímum. Ég á því bara ljúfar
minningar úr Fellunum,“ segir Bryndís,
sem eftir stúdentspróf frá Fjölbrauta-
skólanum í Breiðholti féll á inntökuprófi
í Leiklistarskóla Íslands, en útskrifaðist
þremur árum síðar frá leiklistarskóla í
Lundúnum.
„Í Lundúnum var ógleymanlega
gaman og ég svo heppin að vera þar sam-
tíða Jakobi Frímanni og gullaldarárum
hans sem menningarfulltrúa þar í borg,“
segir Bryndís, sem enn hefur ekki sýnt
leikhæfileika sína frammi fyrir þjóð
sinni, enda setti hún leikkonu ferilinn á ís
þegar henni bauðst verslunar stjórastaða
í Eymundsson.
„Ég hef alltaf verið bókelsk, fannst ég
geta gert góða hluti hér og ekki skemmdi
fyrir að mér þótti starfið skemmtilegt.
Leiklistin hefur nýst vel sem vega-
nesti, því í skólanum lærði ég býsn um
bókmenntir, sem og að koma fram og
koma fyrir mig orði,“ segir Bryndís og
spurð hvort hún mundi hafna hlutverki
ef til hennar væri leitað svarar hún:
„Ég mundi örugglega slá til og sé allt-
af pínulítið eftir að ekkert sé til af mér
sem leikkonu. Þá get ég allavega sann-
að fyrir börnunum að víst hafi ég verið
leikkona. Ég fékk bara Eymundsson
í hjartað,“ segir Bryndís og víst er að
bókabúðin spilar stóra rullu í örlagasögu
Bryndísar þar sem hún rakst á stóru ást-
ina við búðarborðið í Austurstræti.
„Ástin kemur oft óvænt og þegar
maður á síst von á henni, en þarna var
að væflast um Arnbjörn Ólafsson, sem
nú er eiginmaður minn. Ég spurði hvort
ég gæti gert eitthvað fyrir hann og hann
svaraði: „Já, þú mátt koma með mér út
að borða“. Fljótlega kviknaði ástin því
við áttum þá og eigum enn alveg rosa-
lega vel saman. Mér þykir óendanlega
vænt um hann, þetta er frábær gaur,
enda skemmtilegur, fínn og traustur
maður,“ segir Bryndís um sinn heitt-
elskaða en saman eiga þau þrjú börn á
aldrinum tveggja til sjö ára.
„Lífið er dásamlegt. Ég vakna til
hvers dags með bros á vör og nú nýfar-
in að byrja daginn í ræktinni eftir níu
ára hvíld. Þar hef ég verið mesti búðing-
urinn undanfarið; mætti galvösk í allan
þrek- og púltímann fyrsta morguninn og
endaði ælandi inni á klósetti. Síðan leið
nánast yfir mig í næsta tíma en nú er
ég ekki jafn afgerandi léleg,“ segir hún
hláturmild, enda er allt fertugum fært.
thordis@frettabladid.is
BRYNDÍS LOFTSDÓTTIR VÖRUSTJÓRI: MÆLIR 40 ÁR AF ÆVI SINNI Í DAG
Rakst á ástina við búðarborðið
Ástkær sambýlismaður minn, faðir
okkar, stjúpfaðir, tengdafaðir, afi og
langafi,
Jón Anton Ström
lést á Landspítalanum miðvikudaginn 27. október.
Útförin fer fram frá Langholtskirkju föstudaginn
5. nóvember kl. 13.00.
Guðbjörg Guðmundsdóttir
Sigríður B. Ström Ómar Önfjörð Magnússon
Hjördís Ström Lárus Þ. Blöndal
Victor Ívar Ström Bylgja Guðjónsdóttir
Kristján Páll Ström Guðrún Gísladóttir
Herdís Ström Donald Þór Kelley
Bjarni Ström Grete Andersen
Einar Sigurðsson Kristín Guðnadóttir
barnabörn og barnabarnabörn
Ástkær móðir okkar, systir, amma og
langamma,
Sigríður J. Claessen
ljósmóðir,
lést sunnudaginn 24. október á elliheimilinu Grund.
Útförin fer fram frá Fossvogskirkju miðvikudaginn 3.
nóvember kl. 13.00.
Baldur Bjarnarson Ragnar Bjarnarson
Þorsteinn Bjarnarson Guðmundur Bjarnarson
Jón Bjarnarson
Tómas Kárason Ágúst Kárason
Kári Kárason
Ágúst Guðmundsson
Gunnlaugur Ágústsson Guðmundur Ágústsson
Aðalheiður Jónsdóttir Sigurður Jónsson
Jón Jónsson
og barnabarnabörn
Faðir okkar, tengdafaðir, afi og langafi,
Henning Finnbogason
Ljósheimum 18, Reykjavík,
lést á hjúkrunarheimilinu Eir laugardaginn
30. október.
Birgir Henningsson, Ómar Henningsson og aðrir
aðstandendur.
Innilegar þakkir til allra þeirra sem
sýndu okkur samúð og hlýhug við
andlát og útför ástkærs eiginmanns
míns, föður okkar, tengdaföður, afa
og langafa,
Sigurðar Bárðarsonar
frá Heiði í Mývatnssveit,
Krummahólum 8, Reykjavík.
Guð blessi ykkur öll.
Marta Kristín Stefánsdóttir
Björg Wessing Lars Wessing
Sigrún Sigurðardóttir Vignir Ólafsson
Rebekka Sigurðardóttir Jósef Smári Ásmundsson
barnabörn og langafabörn.
Ástkær eiginmaður minn, faðir okkar,
tengdafaðir og sonur,
Gísli Hauksson
lést föstudaginn 29. október.
Karen S. Kristjánsdóttir
Unnur Gísladóttir Einar Ómarsson
Anna Kristín Gísladóttir
Unnur Gísladóttir Haukur Berg Bergvinsson.
Ástkær fóstra mín og systir okkar,
Jakobína Fanney
Þórhallsdóttir
sem lést þann 26. október, verður jarðsungin frá
Grenivíkurkirkju laugardaginn 6. nóvember kl. 13.00.
Frímann Svavarsson,
Guðjón Þórhallsson, Svavar Þórhallsson og
Gunnlaugur Þórhallsson.
Eiginmaður minn, faðir okkar,
tengdafaðir og afi,
Ármann Einarsson
frá Brekkuvelli,
Nökkvavogi 31, Reykjavík,
sem lést 23. október, verður jarðsunginn frá
Langholtskirkju fimmtudaginn 4. nóvember kl. 13.
Þeim sem vilja minnast hans er bent á líknarfélög.
Jónína Hafsteinsdóttir
Kristín Ármannsdóttir Pétur Þorsteinsson
Særún Ármannsdóttir
Ólöf, Unnur og Dagný
Elskuleg móðir okkar, tengdamóðir,
amma og langamma,
Eybjörg Sigurðardóttir
Hagamel 30,
lést á heimili sínu 26. október. Útförin fer fram frá
Neskirkju fimmtudaginn 4. október kl. 13.00.
Þorvaldur Geirsson
Helga Guðjónsdóttir
Lovísa Geirsdóttir
Valgerður Geirsdóttir Viktor A. Ingólfsson
barnabörn og barnabarnabörn
Í JÓLASKAPI Á AFMÆLINU Þótt enn séu sjö og hálf vika til jóla er Bryndís umvafin jólabókum
og jólavarningi á sínum vinnustað, enda koma jólin fyrr hjá verslunarfólki en öðrum. Hún seg-
ist glöð í snemmteknu jólaamstri og ekki veita af litagleði í tilveru landa sinna. FRÉTTABLAÐIÐ/GVA