Fréttablaðið - 02.11.2010, Blaðsíða 28
2. NÓVEMBER 2010 ÞRIÐJUDAGUR8 ● fréttablaðið ● jólahlaðborð
● ÞJÓÐLEGT FYRIR BÖRNIN Þjóðlegt jólahlaðborð
fyrir alla fjölskylduna verður á aðventunni í Landnámssetrinu í
Borgarnesi. Það nefnist Uppáhald jólasveinanna og er í tengsl-
um við dagskrá í setrinu og Brúðuleikhús Bernds Ogrodnik.
„Það sem er á borðum er uppáhaldsmatur jólasveinanna,
enda eiga þeir til að reyna að krækja í hann af diskum barn-
anna,“ segir Sigríður Margrét Guðmundsdóttir, forstöðumaður
í Landnámssetrinu. „Ástæðan fyrir því að við fórum af stað með
fjölskyldudagskrána fyrir fjórum árum var sú að okkur langaði
að koma með eitthvert mótvægi við venjulegu jólahlaðborðin
sem eru bara fyrir fullorðna. Fólk af höfuðborgarsvæðinu var
líka svo hrifið af að koma með börnin sín úr ysnum hingað í
rólegheitin.“
Dagskráin hefst klukkan 12 á hádegi með mat á borð við
steikt slátur, bjúgu, grjónagraut og fleira sem nútímabörn sjá
ekki á borðum dags daglega. Undir borðum les Sigríður Margrét
jólasveinaþulur og á eftir er dansað kringum jólatréð. „Klukkan
14 er svo brúðuleikrit,“ segir hún og lýsir þeim lið nánar. „Hann
Bernd Ogrodnik er kominn hingað í Borgarnes með brúðuleik-
húsið sitt og það er í göngufæri héðan frá setrinu svo þangað
verður farið að horfa á Pönnukökuna hennar Grýlu.“
Fyrsta jóladagskráin í Landnámssetrinu verður 5. desember
og Sigríður segir hana verða á sunnudögum í desember eftir
því sem aðsókn leyfi. „Þetta hefur tekist mjög vel og hér hefur
alltaf verið pakkfullt enda koma ömmur og afar gjarnan hingað
ár eftir ár með barnabörnin. - gun
Grýla og Leppalúði eiga til að bregða á leik við Landnámssetrið.
MYND/LANDNÁMSSETUR ÍSLANDS.
● GOTT AÐ
VITA UM
JÓLIN Við
borðhald
í góðra vina
hópi, og meðan
látið er að-
eins sjatna
í malla kút
milli rétta á
jólahlaðborði,
er gaman að hafa uppi örlítinn
jólafróðleik, sem einnig er hægt
að nota sem spurningakeppni.
● Orðið Christmas kemur úr
fornensku og þýðir Krists-
messa.
● Þjóðverjar bjuggu til fyrstu
gervijólatrén úr grænlituðum
gæsafjöðrum.
● Rafmagnsljósaseríur voru
fyrst notaðar á jólatré árið
1895.
● Fyrsta jólakortið leit dagsins
ljós 1843, á Viktoríutímanum.
● Kvikmyndin It‘s a Wonderful
Life er sýnd oftar í sjónvarpi
á jólum en nokkur önnur
jólamynd.
● Hnotubrjóturinn er frægasti
jólaballett allra tíma.
● Lagið Jingle Bells var upphaf-
lega ort fyrir þakkargjörðar-
hátíðina, en varð eitt af
vinsælustu jólalögum heims.
● Ef þú fengir allar gjafirnar
sem nefndar eru í laginu The
Twelve Days of Christmas
fengirðu 364 gjafir.
● Mistilteinn var valinn ríkis-
blóm Oklahoma árið 1893 og
var seinna breitt í táknmynd
fylkisins.
● Það tók Charles Dickens
aðeins sex vikur að skrifa
Jólasögu árið 1843.
● Það var engill sem sagði
Maríu mey að hún væri með
barni.
● Demantar seljast eins og
heitar lummur fyrir jól.
● Í Mexíkó er sagt að það
boði nýja ást ef fólk klæðist
rauðum nærfötum á gaml-
árskvöld.
● X merkir Kristur á
grísku og þaðan
er orðið
X-mas
komið.
Jólahlaðborð
að hætti
Sigga Hall
Borðapantanir á
hotelsaga@hotelsaga.is
Sími: 525 9900 • www.hotelsaga.is.
Pantaðu jólahlaðborð
í Súlnasal núna
Það er óhætt að lofa fjörugu jólahlaðborði
að hætti Sigga Hall í Súlnasal Hótel Sögu.
Við tökum á móti þér með lifandi jólatónum
undir stjórn Agnars Más Magnússonar og eftir
að ljúffengur maturinn hefur leikið við
bragðlaukana bjóða Jógvan, Sigurjón Brink
og Pálmi Sigurhjartarson upp á fjöruga söng-
skemmtun, kryddaða gríni og glensi. Eftir það
verður erfitt að sitja kyrr þegar hljómsveitin
Saga Class leikur fyrir dansi.
Komdu á jólahlaðborð sem fer á kostum á
Hótel Sögu.
Dagsetningar: 19., 20., 26. og 27. nóvember
og 3., 4., 10., 11., 17. og 18. desember.
P
IP
A
R
\T
B
W
A
•
S
ÍA
•
1
0
2
6
5
0
HÓTEL SAGA, REYKJAVÍK