Fréttablaðið - 02.11.2010, Blaðsíða 12

12 2. nóvember 2010 ÞRIÐJUDAGUR
MEÐ ÚLF Í FANGINU Dmitrí Sjamóvitsj
er dýrafræðingur í Hvíta-Rússlandi.
Hann rekur býli skammt frá bænum
Sosnoví Bor þar sem hann er með tólf
úlfa. NORDICPHOTOS/AFP
STJÓRNMÁL Verja á samtals 9,4 milljörðum
króna til kennslu í háskólum landsins á
næsta ári samkvæmt fjárlagafrumvarpinu.
Fjárframlög til hvers skóla um sig eru
ákveðin út frá reiknilíkani þar sem tekið er
tillit til kostnaðar við kennsluna.
Eins og sést í meðfylgjandi töflu eru
verðflokkar náms á bilinu 474 til 2.226 þús-
und krónur á ársnemanda. Listaháskólinn
er ekki með í töflunni en í fjárlagafrum-
varpinu segir að verð á ársnemanda í
honum séu á bilinu 731 til 2.995 þúsund
krónur.
Kostnaður við háskólanám ræðst af
ýmsu, svo sem tækjabúnaði, þjálfun, æfing-
um og notkun sérhæfðs búnaðar.
Samkvæmt áætlun mennta- og menning-
armálaráðuneytisins munu 6.400 manns
stunda nám á sviði félags- og mannvísinda,
guðfræði og lögfræði og í öðrum sambæri-
legum greinum á næsta ári. 2.230 verða í
kennaranámi og annar eins fjöldi í raunvís-
indanámi á borð við verk- og tæknifræði.
353 verða í listnámi, 350 í læknisfræði og
55 í tannlæknanámi.
bjorn@frettabladid.is
Hver listnemi kostar allt að
þremur milljónum króna
Ríkið greiðir á bilinu 731 þúsund til 2.995 þúsund krónur með hverjum ársnema í Listaháskóla Íslands.
Árs kostnaður við tannlæknanema er 2,2 milljónir en við hvern 1æknanema er kostnaðurinn 4 milljónir.
Áætlun samkvæmt fjárlagafrumvarpi 2011.
Háskóli Íslands 8.645
Háskólinn á Akureyri 1.300
Háskólinn á Bifröst 570
Háskólinn í Reykjavík 2.265
Listaháskólinn 383
Landbúnaðarháskóli Íslands 673
Háskólinn á Hólum 190
Samtals 14.026
Fjöldi nema við hvern skóla
AFRAKSTURINN Frá útskriftarsýningu nemenda Lista-
háskólans árið 2007. Áætlað er að 353 stundi listnám
við skólann á næsta ári og þrjátíu kennaranám.
FRÉTTABLAÐIÐ/HRÖNN
Einstæðir foreldrar funda
Fundað verður um fyrirætlaða sölu
á fasteign Félags einstæðra foreldra
á fundi í félaginu fimmtudaginn 18.
nóvember næstkomandi. Fundurinn
hefst klukkan hálf átta og er í téðu
húsnæði, að Skeljanesi 6.
FÉLAGSMÁL
420 bílar um göngin
Um 420 bílar fóru að meðaltali á
sólarhring um Héðinsfjarðargöngin
dagana 14. til 26. október.
SAMGÖNGUR Nám á sviði félags- og mannvísinda, guðfræði og lögfræði og annað sambærilegt. 474.000Styttra nám á sviði tölvufræða og stærðfræði og annað sambærilegt. 672.000
Kennaranám og annað hliðstætt nám sem m.a. felst í æfingakennslu. 731.000
Hjúkrunarnám og hliðstætt nám sem m.a. felst í þjálfun við meðhöndlun sjúklinga. 842.000
Nám í raunvísindum, verk- og tæknifr., m.a. verkl. æfingar og notkun sérhæfðs búnaðar. 935.000
Læknisnám sem felst m.a. í verklegum æfingum, notkun sérhæfðs búnaðar og þjálfun. 1.371.000
Nám í tannlækningum. 2.224.000
Verðflokkar náms eru á bilinu 474.000 til 2.224.000