Fréttablaðið - 02.11.2010, Blaðsíða 39
ÞRIÐJUDAGUR 2. nóvember 2010 23
Einn og hálfur mánuður er liðinn
síðan Bíó Paradís tók til starfa í
gamla Regnboganum. Þessum nýju
heimkynnum listrænna bíómynda,
klassískra mynda og kvikmynda-
hátíða hefur verið vel tekið að mati
Lovísu Óladóttur framkvæmda-
stjóra.
Fjórir salir eru í bíóinu og því þarf
aðsóknin að vera góð til að rekstur-
inn standi undir sér. Lovísa segir
hana svipaða og búast mátti við.
„Fyrstu vikurnar hafa gengið vel
og þetta lofar rosalega góðu. Við
hvetjum alla til að koma og vera með
okkur í þessu því öðruvísi mun þetta
ekki ganga,“ segir hún.
Hlýlegt kaffihús er í Bíói Paradís,
sem hingað til hefur aðeins verið opið
á sama tíma og bíóið. Að sögn Lovísu
er í pípunum að hafa kaffihúsið opið
enn lengur. „Tækifærin eru gríðar-
leg í forsölunum tveimur fyrir hina
ýmsu viðburði og það er hægt að
halda uppi mjög skemmtilegu fjöru-
tíu manna kaffihúsi þar þegar best
lætur. Þarna er heimilis leg stemn-
ing, gömul sófasett og íslenska kvik-
myndasagan á veggjunum.“
Næstu tvær vikurnar verða sýnd-
ar þær myndir sem voru tilnefndar
til Norrænu kvikmyndaverðlaun-
anna. Einnig verður sýnd í bíóinu
heimildarmyndin Með hangandi
hendi sem fjallar um Ragga Bjarna.
- fb
Tónlist ★★★
Grámosinn gólar
Mosi frændi
Fyrir sanna vini
Kötlu köldu
Grámosinn gólar (snilldar titill!)
er upptaka frá vel heppnuðum
endurkomutónleikum hljómsveitar-
innar Mosi frændi á Grand Rokki
í fyrra. Sveitin tekur hér sín þekkt-
ustu lög (Ástin sigrar, Katla kalda
(tvisvar hvort lag!), Geirþrúður …)
auk slagara á borð við Wild Thing,
Jenny Darling (Pelican), Sönn ást
(Maggi Eiríks) og Poppstjarnan
(Utangarðsmenn). Páll Óskar og
Felix Bergsson heiðra sveitina
með gestasöng. Þó að þessi plata
eigi eingöngu erindi við heitustu
aðdáendur Mosans þá er þessi
útgáfa vel þegin!
Trausti Júlíusson
Niðurstaða: Mosi frændi rifjar upp
gamalt stuð.
Tónlist ★★★★
Skrýtin veröld
Bjartmar & Bergrisarnir
Allt smellur hjá
Bjartmari
Útgáfuferill Bjartmars Guðlaugs-
sonar er orðinn ansi langur.
Hæst reis stjarna hans á níunda
áratugnum með plötunni Í fylgd
með fullorðnum, sem er eitt af
meistaraverkum íslenskrar popp-
sögu. Plata sem negldi tíðarand-
ann og hitti algjörlega í mark bæði
textalega og tónlistarlega. Bjartmar
hélt áfram að gefa út plötur á
níunda og tíunda áratugnum, en
þá fór minna fyrir honum. Hann
er hins vegar að koma sterkur inn
með nýju plötunni sem kom út í
haust. Skrýtin veröld er plata sem
gengur algjörlega upp. Textarnir
eru fínir, lögin léttari og meira
grípandi en á síðustu Bjartmars
plötum, útsetningarnar traustar og
hljómurinn góður. Tónlistin er vel
útfært rokk í hefðbundnum stíl,
textarnir taka sumir ágætlega á
málefnum líðandi stundar og svo
er bara svo helvíti góð stemning
á þessari plötu. Það er eflaust að
stórum hluta hljómsveitinni Berg-
risunum að þakka. Það munar öllu
að hafa almennilega hljómsveit á
bak við sig. Það er ekki verið að
finna upp hjólið á
Skrýtinni veröld,
en við fáum
tíu flott lög og
texta í flutningi
frábærrar hljóm-
sveitar. Það er
ekki lítið!
Trausti Júlíusson
Niðurstaða: Bjart-
mar stígur aftur
inn í sviðsljósið
með sína bestu
plötu í yfir 20 ár.
FÓLKIÐ Á BAK VIÐ BÍÓ PARADÍS Lovísa Óladóttir segir að fyrstu vikurnar í Bíói
Paradís hafi gengið vel. FRÉTTABLAÐIÐ/ANTON
Upphaf Paradísar lofar góðu