Fréttablaðið - 02.11.2010, Blaðsíða 26
2. NÓVEMBER 2010 ÞRIÐJUDAGUR6 ● fréttablaðið ● jólahlaðborð
Vesturslóð, nýr veitingastaður
í Edinborgarhúsinu á Ísafirði,
ætlar að blanda saman jólum
og rokki á jólahlaðborði fyrstu
þrjá laugardagana í desember.
Boðið verður upp á hefð-
bundið jólahlaðborð að hætti
hjónanna Antons Viggóssonar
og Katrínar Stefánsdóttur,
eigenda Vesturslóðar, og að
borðhaldi loknu mun rokksýn-
ingin Rokk og jól bresta á.
„Þetta verður bara sígilt, skreytt,
flott jólahlaðborð,“ segir Anton.
„Þetta verða um fjörutíu réttir,
heitir réttir, kaldir réttir, kjöt,
fiskur og allt hefðbundið meðlæti
og síðan verður gott úrval eftir-
rétta. Við leggjum mikið upp úr
því að halda tryggð við hefðirn-
ar, hafa þetta í þeim stíl sem tíðk-
ast hefur undanfarna áratugi á ís-
lenskum jólahlaðborðum.“
Þau Anton og Katrín fluttu til
Ísafjarðar frá Þorlákshöfn gagn-
gert í þeim tilgangi að opna veit-
ingastað og opnuðu Vesturslóð, í
húsnæðinu þar sem Amma Habbý
var áður, fyrir um það bil tveim-
ur mánuðum. Hvernig hafa Ís-
firðingar tekið á móti þeim? „Það
er alveg rífandi start hjá okkur
hérna og Ísfirðingar hafa tekið
mjög vel á móti okkur,“ segir
Anton.
Jólahlaðborðið verður fram-
reitt í stóra sal Edinborgarhúss-
ins og þegar fólk hefur satt hungr-
ið verður rokksýningin Rokk og jól,
þar sem fjórir söngvarar og hljóm-
sveit flytja alkunn rokklög undir
stjórn Elfars Loga Hannessonar.
Lagavalið er ekki af verri endan-
um, sótt er í smiðju Rolling Stones,
Led Zeppelin, Janis Joplin, Queen
og fleiri rokkgoða. En er rokk eitt-
hvað jólalegt? „Kannski ekki,“ segir
Anton og hlær. „En við látum Björg-
vin Halldórsson og Frostrósirnar
alveg um jólalögin. Þetta verður
hresst „sjóv“ sem ætti að falla vel
að smekk þeirra sem eru á miðjum
aldri og vonandi allra hinna líka.
Það verður allavega mikið fjör, því
get ég lofað.“ - fb
Rokkað jólahlaðborð
Rokkuð jól á Ísafirði. Anton og Katrín við Edinborgarhúsið þar sem Vesturslóð er til
húsa. BB/HALLDÓR SVEINBJÖRNSSON
„Þetta er svona algjörlega hefð-
bundið jólahlaðborð eins og maður
man eftir í gamla daga,“ segir
Hjalti Sverrisson, sölu- og markaðs-
stjóri Ringhótelanna, um jólahlað-
borðið á Hótel Stykkishólmi. Jóla-
hlaðborðið verður laugardagana
20. og 27. nóvember og laugardag-
inn 4. desember og að máltíð lok-
inni verður slegið upp balli þar
sem Valli sport þeytir skífum.
Í tengslum við jólahlaðborðið
býður Hótel Stykkishólmur upp
á tilboð á gistingu, fimm þús-
und krónur á mann fyrir nóttina í
tveggja manna herbergi, morgun-
verður innifalinn. Hjalti segir tölu-
vert algengt að fólk nýti sér helg-
artilboðin, enda sé alveg gráupp-
lagt að byrja jólaundirbúninginn
með helgarslökun og jólahlaðborði
á Snæfellsnesinu. „Mér finnst
Stykkishólmur fallegasti bær á
landinu,“ segir hann, „og þangað
er ekki nema tveggja tíma akstur
frá Reykjavík.“
Hótel Stykkishólmur er nýupp-
gert hótel með öllum nútímaþæg-
indum, auk þess sem hótelið státar
af einni glæsilegustu svítu lands-
ins, ef menn vilja virkilega dekra
við sig. - fsb
Byrja jólin á helgar-
slökun og hlaðborði
Stykkishólmur er fallegasti bær á landinu, segir Hjalti Sverrisson.
Jólahlaðborð hefjast síðar í þess-
um mánuði og víða troða skemmti-
kraftar upp með leik og söng á
föstudags- og laugardagskvöldum.
Af þeim stöðum sem bjóða upp
á tónlistaruppákomur á jólahlað-
borðum í ár má nefna Grand Hótel í
Reykjavík en Eyjólfur Kristjánsson
og Jón Ólafsson flytja þar íslensk-
ar og erlendar dægurlagaperlur í
bland við jólalög. Vox veitingahús
fær óperudívurnar Davíð Ólafsson
og Stefán Helga Stefánsson til
að skemmta gestum. Þá spilar
Helgi Már Hannesson píanó-
leikari hátíðlega kvöldverðar-
tónlist.
Tónlistarkonan Guð-
rún Árný Karlsdóttir
leikur á píanó og syng-
ur fyrir jólahlaðborðs-
gesti Hótel Loftleiða í
vetur og tónlistin á jóla-
hlaðborðinu í Súlnasal
á Hótel Sögu er í hönd-
um Agnars Más Magnús-
sonar. Eftir borðhald
taka þeir Jógvan, Sigur-
jón Brink og Pálmi Sigur-
hjartarson við gestum
með söngskemmtun.
Á Broadway er heldur óvenju-
legt jólahlaðsborðsþema, svokall-
að Michael Jackson jólahlaðborð
þar sem Gunnar Þórðarson hefur
yfirumsjón með tónlistinni og Egill
Eðvarðsson sér um leikstjórn.
Vilji fólk skreppa út fyrir bæinn
má meðal annars nefna jólahlað-
borð Hótel Arkar en þar munu Sigga
Beinteins og Daddi diskó sjá um
veislustjórn. LAVA, veitingastaður
Bláa lónsins, býður upp á tónlistar-
veislu sem verður meðal ann-
ars í höndum Ara Braga Kára-
sonar og Ómars Guðjónsson-
ar. Þá er Stapinn, Hljómahöll
Reykjanesbæjar, með skemmti-
dagskrá í höndum Bald-
urs Þóris Guðmundsson-
ar en meðal skemmti-
krafta sem koma þar
fram eru Lifun frá
Keflavík og Selma
Björnsdóttir söng-
kona. - jma
Skemmtikraftar í ár
Guðrún Árný Karlsdóttir leikur á píanó og syngur á jólahlaðborði Hótels Loftleiða.
Eyjólfur Kristjánsson
skemmtir ásamt Jóni
Ólafssyni skemmta á
jólahlaðborði Grand Hótels.
Aðventuferð fjölskyldunnar í Bása
er fastur liður í vetrar áætlun
ferðafélagsins Útivistar. Eftir
göngur, útileiki og föndurstund þar
sem skálarnir eru skreyttir leggja
þátttakendur jafnan veisluföng á
borð. Hver og einn dregur þá upp
úr pússi sínu eitthvað gómsætt og
girnilegt og gefur öðrum með sér.
Úr þessu verður hinn fínasti há-
tíðaverður. Á eftir er kvöldvaka
þar sem jólasveinar kveðja dyra,
enda heimkynni þeirra skammt
undan þar sem Básar eru í miðj-
um fjallasal.
Aðventuferðin þetta árið er
áformuð dagana 26. til 28. nóvem-
ber. Oft er hvít jörð í Mörkinni á
þeim tíma, sem hjálpar gestum að
komast í jólaskap. - gun
Allir leggja
eitthvað til
Fjölbreytnin er allsráðandi á hlaðborð-
inu í Básum. MYND/ÚTIVIST
Flatkökur sóma sér vel á borðinu.
KONUKVÖLD
MIÐVIKUDAGINN 3. NÓVEMBER
FRÁ 18:30-21:00
ÓTRÚLEG TILBOÐ:
35% AFSLÁTTUR AF ALLRI JÓLAVÖRU
2 FYRIR 1 AF MARSEILLE SÁPUM
2 FYRIR 1 AF ÖLLUM KUBBAKERTUM
30 ÖNNUR FRÁBÆR KONUTILBOÐ
KYNNINGAR:
KARL K. KARLSSON
NÓI SIRÍUS
BÚRIÐ
ÖLGERÐIN
EKKI MISSA AF ÞESSU
FRÁBÆRA KVÖLDI
DAGSKRÁ:
JAZZ
FROSTRÓSIR
HAPPADRÆTTI
©
IL
V
A
Ís
la
n
d
2
0
10