Sameiningin - 01.11.1945, Side 10

186
félagsins lagði fram ferðakostnaðinn. Eg er henni þakklátur
fyrir það góða verk og söfnuðinum í Vancouver þótti mjög
vænt um þessa velvild, sem féll þeim í skaut.
Það er fallegt að leggja rækt við lítið blóm. Söfnuður-
inn er ungur og smár í örðugum verkahring.
Svo kom dagurinn, sunnudagurinn, 9. sept. guðdómlega
fagur sólskinsdagur frá byrjun til enda. Guðsþjónustan hófst
kl. 7 að kvöldinu og fór fram í dönsku kirkjunni í Vancouver.
Mr. L. H. Thorlaksson var söngflokksstjóri, Mrs. H. N. Sumar-
lidason organisti. Fólkið fylti kirkjuna. Fimm prestar voru
þar viðstaddir: Dr. Haraldur Sigmar, séra Rúnólfur Mar-
teinsson, séra H. S. Sigmar, séra Guðmundur P. Johnson, og
séra T. A. Hartig.
Að guðsþjónustunni lokinni komu menn saman í neðri
sal kirkjunnar. Kvenfélag safnaðarins bauð öllum ágætar
góðgjörðir. Menn skemtu sér við samtal og kyntust nýju
prestshjónunum, séra Haraldi og frú Margréti Sigmar, ásamt
börnum þeirra. Loftið var þrungið af ánægju og vinsemd.
Guð blessi mikillega þetta nauðsynlega, dýrmæta starf.
Rúnólfur Marteinsson.
Séra Sigurður Olafsson
Eg tek það fram, að ritstjóri “Sameiningarinnar” hefir
ekki beðið mig að skrifa þetta; en eg veit að margir hafa frétt
um veikindi séra Sigurðar og að þá fýsir að fá fréttir af
honum. Hann kom heim veikur af ferð sinni til Saskatche-
wan í sumar, var fáeina daga heima, en fór svo á Almenna
sjúkrahúsið í Winnipeg. Þar var hann 7 vikur. Var þar
gjörður uppskurður á honum og hepnaðist hann vel. Hann
kom heim um miðjan október, er á góðum batavegi, og er
nú í þann veginn að taka aftur við starfi sínu í söfnuðinum.
Endurfengin heilsa hans er öllum, sem honum eru kunn-
ugir, mikið fagnaðarefni. Við biðjum Guð að gefa honum
góða heilsu og vellíðan í hvívetna.
Rúnólfur Marteinsson.