Sameiningin - 01.11.1945, Side 28

204
góðan vitnisburð safnaðarfólks okkar þar. Síðan gjörðist
Rev. Neff herprestur, og hefir því orðið að hverfa frá starf-
inu í Point Roberts. Nokkra þjónustu hefir þó annar her-
prestur í grendinni veitt Þrenningarsöfnuði við tækifæri.
Einnig hefir séra Rúnólfur Marteinsson tekið sér ferðir
þangað, flutt þar tvær messugjörðir og verið kallaður fyrir
jarðarfarir. Sennilega mun eftirmaður hans í prestsstöðu
Vancouver safnaðar, Dr. Haraldur Sigmar, heimsækja Point
Roberts við og við í framtíðinni.
Vancouver, British Columbia.
Frá því að Vancouver söfnuður var myndaður, og gekk
inn í Kirkjufélagið á síðasta kirkjuþingi, hafa mörg fram-
faraspor verið stigin sem gefa bjartar framtíðarvonir um
safnaðarlífið þar vestra.
Laust eftir kirkjuþing í fyrra, barst Dr. Haraldi Sigmar,
forseta Kirkjufélagsins köllunarbréf frá Vancouver söfnuði.
Eftir nákvæma íhugun tók hann þeirri köllun, og mun
flytja þangað alfarinn frá prestakallinu stóra og myndarlega
í Norður Dakota, sem hann hefir bæði lengi og vel þjónað.
Mun séra Haraldur hefja starf í Vancouver snemrna á kom-
andi hausti. Hyggjum vér að Vancouver söfnuði verði vel
borgið í hans höndum og undir hans leiðsögn.
Séra Rúnólfur Marteinsson hefir nú lokið starfi sínu í
Vancouver með heiðri og sóma. Fyrir hans frábæra áhuga
og blessunarríka starf fáum vér honum aldrei fullþakkað.
Árangurinn er hinn glæsilegasti, eins og skýrslur safnaðar-
ins og ummæli embættismanna þar bera vott um. Embættis-
menn safnaðarins eru margir vel þektir frá fyrri árum
hér um slóðir. Forsetinn er Hálfdán, sonur séra Steingríms
sál. og frú Eriku Thorlakson; hefir hann reynst starfinu
framúrskarandi vel vaxinn. Skrifari safnaðarins var Mrs.
P. B. Guttormsson læknisfrú, áður búsett í Manitoba. Guð-
mundur F. Gíslason (fyrrum í Winnipeg), Mrs. J. Sigurðson,
B. E. Kolbeins og H. Sumarliðason (fyrrum í Saskatchewan)
mynda, ásamt ofangreindum embættismönnum og B. Thor-
lacius gjaldkera fulltrúaráð safnaðarins. Djáknar eru Stefán
Sölvason (formaður), Margrét Bardal (skrifari og gjald-
keri), H. Jónsson, Mrs. W. Mooney og Miss R. Thorne.
Heiðursmeðlimur safnaðarins er biskup Sigurgeir Sigurðsson.
Kvenfélag var myndað á síðastliðinu ári, of forseti kos-
inn Mrs. I. C. Hambly, sem var á kirkjuþinginu í fyrra, sem