Sameiningin - 01.03.1920, Qupperneq 13

77
i'relsari þinn og að honum þykir óskap vænt um þig og að
hann vill ihjálpa þér til að vera gott barm Litli drengur og
litla stúlka! Taktu vel eftir því, sem þér er kent um hann.
Lærðu að elska hann, og lærðu af honum að vera góður og
hlýðinn við foreldra þína og koma vel fram við alla. Og
mundu eftir því, að biðja hann á hverjum degi að vera með
þér og hjálpa þér. pegar þú biður hann með bamslegri
einlægni:
“Ó, Jesú, bróðir bezti
og barnavinur mesti,
æ, breið þú blessun þína
á bamæskuna mína”,
þá heyrir hann bæn þína og hjálpar þér til að verða seinna
góður maður eða góð kona.
Ungi piltur og unga stúlka! pú kemur í kirkju á ferm-
ingardeginum þínum. — pú hefir lært barnalærdóminn
þinn, og ert kominn til þess að játa opionberlega trú þína.
pú finnur, að stundin er alvarleg og hátíðleg, — því það er
alt af hátíðleg stund, þegar einhver ungur eða gamall, játar
það opinberlega fyrir mönnum, að hann kannist við Jesúm
Krist sem frelsara sinn og vilji vera lærisveinn hans.
pegar hönd er lögð á höfuð 'þér með bæn alls safnaðar-
ins um blessun hins þríeina Guðs yfir æsku þína og æfi-
braut alla, þá er með því sagt við þig: “Meistarinn er hér
og vill finna þig.” Já, hann vill finna þig, því hann er að
biðja þig um að gefa sér hjarta þitt. Hann þekkir betur en
þú freistingar æskunnar; hann veit 'betur en þú, hve mikla
þýðingu það hefir fyrir lífsgæfu þína alla, að æskulíf þitt sé
hreint og óflekkað og að góðar, fagrar og göfugar hugsanir
fái að búa í sálu þinni og stjóma þér; hann veit, hve litlu
má oft muna, að léttlyndi æskunnar leiði til léttúðar og að
glaðværð æskunnar lendi í andlausum glaumi. Og þess
\ egna vill meistarinn, vinur þinn, sem er svo ant um þig, fá
að vera altaf með þér, svo að hann geti varðveitt þig og
hjálpað þér og glætt alt það góða, sem í þér er, — svo að
hin bjarta morgumsól æskunnar hyljist ekki svörtum skýj-
um ómensku og syndar, áður en hún kemst í hádegisstað,
heldur verði að heiðríkju-sólskini manndóms og drengskap-
ar, og svo seinna, eftir vel notaðan æfidag, að blíðum kveld-
roða fagurrar elli, sem friður Guðs hvílir yfir. Ungi pilt-
ur og unga stúlka! Meistarinn biður þig að muna eftir
því, að framtíðar gæfa þín er öll undir því komin, hvernig