Fréttablaðið - 07.04.2011, Qupperneq 44

7. apríl 2011 FIMMTUDAGUR32
Leikhús ★★★
Gýpugarnagaul
Möguleikhúsið sýnir í Menningar-
miðstöðinni Gerðubergi
Handrit: Pétur Eggerz og Sigrún
Valbergsdóttir. Ráðgjöf: Rósa
Þorsteinsdóttir. Leikstjóri: Sig-
rún Valbergsdóttir. Flytjendur:
Alda Arnardóttir, Þórunn Elín
Pétursdóttir og Birgir Bragason.
Tónlist: Bára Grímsdóttir. Leik-
mynd og búningar: Messíana
Tómasdóttir.
Möguleikhúsið er meðal afkasta-
mestu leikhúsa landsins, hefur
starfað í ríflega tuttugu ár, og
því hefur heil kynslóð Íslendinga
kynnst leikhúsinu í fyrsta sinn
á leik- og grunnskólasýningum
þess. Það er mikilvægt að styðja
og styrkja stofnun sem er svo
miðlæg í barnamenningarstarfi
á Íslandi og leitt að lesa nýlegar
fréttir af fjárframlögum til leik-
hússins, sem gufað hafa upp á
undanförnum árum.
Nýjasta sýning Möguleikhúss-
ins heitir Gýpugarnagaul og er
unnin upp úr gullakistu Árna-
stofnunar. Sagan af hinni gráð-
ugu Gýpu er þungamiðja sýn-
ingarinnar en í kringum hana er
farið með ýmsa útúrdúra.
Persónur á sviðinu eru þrjár:
tröllskessan Gýpa, álfkona sem
kölluð er Hulda og tónlistar-
maðurinn Eggert Urðarbassi.
Við upphaf verksins eru hin tvö
síðarnefndu að spjalla saman og
fara með vísur og kvæði, en svo
kemur Gýpa askvaðandi á svið.
Alda Arnardóttir, sem leikur
Gýpu, er sú eina þremenning-
anna sem er leiklistarmenntuð –
hin tvö eru tónlistarmenn. Sýn-
ingin tekur enda kipp þegar Gýpa
ryðst í gegnum salinn og upp á
svið. Alda hefur sterka nærveru
og nær vel til barna og fullorð-
inna. Fram að komu hennar eru
áhorfendur í nokkurri óvissu um
það hvers kyns sýning sé í vænd-
um, því persónurnar á sviðinu
virðast vera í lausu lofti – þær
hittast á förnum vegi, taka tal
saman og skiptast á sögum, en
gefa ekki mikið uppi um sjálfar
sig né virðast þær hafa nein sér-
stök erindi. Sýningin virðist því
í upphafi ætla að verða nokkurs
konar laustengd tónlistardag-
skrá.
En svo mætir sem sagt Gýpa og
fer mikinn. Hún er ekki eingöngu
gráðug á mat, heldur einnig á
allt annað. Hún hefur, öfugt við
hin tvö, ýmis markmið og lang-
anir sem krydda heldur betur
atburðarásina á sviðinu. Gallaðar
persónur eru alltaf svo skemmti-
legar!
Samspil Gýpu og hinna tveggja
nær þó aldrei almennilegu flugi,
sumpart vegna þess hve óljós
hlutverk þeirra eru og sumpart
vegna þess að tónlistarmenn-
irnir halda skiljanlega ekki í við
leikkonuna Öldu. En söngvar og
sögur tónlistarmannanna eru
þó mun eðlilegri í samhengi við
Gýpu en ein og sér. Niðurlag sýn-
ingarinnar er dálítið endasleppt
– þar útskýra hinar persónurnar
það fyrir Gýpu hvernig hún hefur
breytt rangt, frekar en að hún
átti sig á því af gjörðum sínum.
Búningar Messíönu Tómasdótt-
ur eru litríkir og fallegir – vísa í
allar áttir án þess að njörva sig
niður við neitt. Sérstaklega var
tónlistarmaðurinn – sem kannski
var af tröllakyni – glæsilega
búinn. Leikmyndin var látlaus,
enda þeim skorðum sett að þurfa
að komast um allt land með lítilli
fyrirhöfn.
Tónlistin er í öndvegi á þess-
ari sýningu og hún er ljómandi
skemmtileg. Það er gaman að
heyra misjafnlega kunnugleg
kvæði sungin og Þórunn Elín Pét-
ursdóttir syngur fjarskalega vel.
Bassinn hans Birgis Bragasonar
gefur frá sér svo fjölbreytt hljóð
að hann hlýtur að kveikja tónlist-
arnámslöngun í mörgum barns-
hjörtum.
Arndís Þórarinsdóttir.
Niðurstaða: Dálítið köflótt sýning en
flott tónlist og skemmtileg skessa.
Að moða úr menningararfinum
GÝPUGARNAGAUL Alda Arnardóttir fer á kostum í hlutverki hinnar gráðugu Gýpu,
sem étur allt sem á vegi hennar verður án þess að skeyta um afleiðingarnar.
MISSTU EKKI AF ÞVÍ ÞEGAR UMTALAÐASTI GAMANÞÁTTUR
SÍÐARI TÍMA SNÝR AFTUR Á STÖÐ 2.
HEFST Í KVÖLD KL. 21:30
VILDARÁSKRIFT AÐ STÖÐ 2 INNIHELDUR AUK STIGVAXANDI AFSLÁTTAR. 512 5100 STOD2.IS VERSLANIR VODAFONE VERSLANIR OG ÞJÓNUSTUVER SÍMANS 800 7000
Fyrir
229
krónur
í Stöð 2 Vild
færð þú:
6 mínútur í
keilu
vhs spólu í
kolaportinu
einn
barnaís
brot af
páskaeggi
eða eða eða eða
Stöð 2, Stöð 2 Bíó og Stöð 2 Extra kosta aðeins frá 229 krónum á dag í Stöð 2 Vild.Tryggðu þér áskrift í dag!
frábæra skemmtun í heilan
sólarhring fyrir alla fjölskylduna
Allt að 30% prósent afsláttur af áskrift
Safnaðu punktum í Stöð 2 Vild sem má nýta í
viðbótaráskrift eða hjá samstarfsfyrirtækjum.
Fylgstu með á stod2.is í apríl.
Þú færð Blaðberann þinn í
Skaftahlíð 24 alla virka daga
frá kl. 9-17.
...góðar fréttir fyrir umhverfið
Blaðberinn...
Blaðberinn
bíður þín