Fréttablaðið - 07.04.2011, Side 45

FIMMTUDAGUR 7. apríl 2011 33
Sigríður Aðalsteinsdóttir mezzó-
sópran og Antonía Hevesi leiða
saman hesta sína á hádegistón-
leikum í Hafn-
arborg í dag.
Yfirskrift
tónleikanna
er Skaphiti
og ást, en þar
flytja þær
stöllur aríur
frá barokk- til
rómantíska
tímabilsins,
meðal annars
eftir Donizetti,
Rossini og
Verdi.
Sigríður
Aðalsteinsdótt-
ir hóf söngferil
sinn í Þjóð-
aróperunni í
Vínarborg árið
1997 og hefur
haldið fjölda
ljóðatónleika og komið fram sem
einsöngvari víða með kórum og
hljómsveitum, til dæmis Sin-
fóníuhljómsveit Norðurlands og
Sinfóníuhljómsveit Íslands. Hún
kennir einsöng við Söngskóla
Sigurðar Demetz í Reykjavík.
Antonía starfar sem orgel- og
píanómeðleikari og æfingapían-
isti við Íslensku óperuna. Þetta
er níunda árið í röð sem Hafnar-
borg býður upp á hádegistónleka
og hefur Antonía verið listrænn
stjórnandi frá upphafi.
Tónleikarnir standa yfir í um
hálfa klukkustund og eru öllum
opnir á meðan húsrúm leyfir.
Húsið verður opnað klukkan
11.30.
Sigríður og
Antonía í
Hafnarborg
ANTONÍA HEVESI
SIGRÍÐUR
AÐALSTEINSDÓTTIR
Leikritið Bjart með köflum verður
frumsýnt í Þjóðleikhúsinu annað
kvöld. Það er eftir Ólaf Hauk Sím-
onarson sem hefur samið mörg af
vinsælustu leikritum sem sýnd
hafa verið í Þjóðleikhúsinu á síð-
ustu áratugum; Gauragang, Þrek
og tár, Hafið, Græna landið og
Bílaverkstæði Badda svo dæmi
séu nefnd. Öll þessi leikrit voru
sett á svið undir stjórn Þórhalls
Sigurðssonar sem leikstýrir einn-
ig verkinu Bjart með köflum.
Í verkinu segir frá því hvað
gerist þegar ungur piltur, Jakob,
er sendur í sveit þar sem nútím-
inn virðist ekki hafa haldið inn-
reið sína. Hann verður fljótt mið-
punktur í ævagömlum fjandskap
milli bæja í sveitinni. Leikritið
gerist árið 1968 á tímum efna-
hagserfiðleika þegar fólk flýr
land í leit að nýjum tækifærum og
þeir sem eftir verða spyrja sig að
því hvers vegna þeir vilji búa hér.
Tónlist skipar háan sess í verk-
inu sem kynnt er sem leikrit með
söngvum og er tónlistarstjórn í
höndum Jóns Ólafssonar.
Þrír ungir leikarar fara með
aðalhlutverk í sýningunni, þau
Hilmir Jensson, Þórunn Arna
Kristjánsdóttir og Heiða Ólafs-
dóttir, en Heiða þreytir nú frum-
raun sína í Þjóðleikhúsinu.
-sbt
Bjart með köflum í Þjóðleikhúsinu
Bandaríska söngkonan Cindi
Lauper er væntanleg til Íslands.
Hún heldur tónleika í Hörpu í
sumar.
Í fréttatilkynningu frá tón-
leikahaldara segir að Lauper
mæti hingað með hljómsveit og
hyggist flytja öll sín helstu lög.
Þar á meðal Girls Just Want To
Have Fun, True Colors, Time
After Time og All Through
The Night. Þá mun leika lög af
nýjustu plötu sinni, Memphis
Blues.
Tónleikar Lauper verða í
stóra sal Hörpunnar, Eldborg,
hinn 12. júní næstkomandi.
Cindi Lauper
í Hörpu í júní
CINDI LAUPER Syngur öll sín þekktustu
lög í Hörpu í júní.
ÚR BJART MEÐ KÖFLUM Ungir leikarar eru í helstu burðarhlutverkum í þessari söngsýningu, þau Hilmir Jensson, Þórunn Arna
Kristjánsdóttir og Heiða Ólafsdóttir.
Farfuglar ❚ Borgartúni 6 ❚ 105 Reykjavík ❚ Sími 552 8300 ❚ thorsmork@thorsmork.is ❚ www.thorsmork.is
Þórsmörk
Er hópurinn að huga að vorferð?
Komið í Húsadal og upplifið þessa náttúruperlu í aðeins 150 km
fjarlægð frá Reykjavík. Þórsmörk er sannkallað ævintýraland
náttúruunnenda með endalausum möguleikum á gönguleiðum
og útiveru þar sem jöklar, ár, fjöll og gróður kallast á í þessu
magnaða landslagi.
Fjölbreytt gisting
Í Húsadal er fjölbreytt aðstaða fyrir einstaklinga og hópa til
styttri eða lengri dvalar. Boðið er upp á gistingu í tveggja
manna herbergjum, smáhýsum og skálum.
Frábær aðstaða
Í glæsilegum funda- og veitingasal eru sæti fyrir um 100
manns, hvort sem um er að ræða fundi, ráðstefnur eða
veisluhöld. Við getum boðið upp á fulla þjónustu í mat og drykk
fyrir hópa. Auk þess eru gufubað og sturtur á staðnum og hvað
er betra eftir hressandi gönguferð en að skella sér í gufu?
Fróðleikur um gosin.
Við bjóðum upp á fyrirlestur og myndasýningu um gosin í Eyjafjallajökli og á Fimmvörðuhálsi og
afleiðingar þeirra. Einnig skipuleggjum við gönguferðir, kvöldvökur, leiki, grillveislur og gerum tilboð
í akstur. Hafið samband eða farið á vefsíðu okkar www.thorsmork.is til að fá frekari upplýsingar.
Sjáumst í Mörkinni!