Fréttablaðið - 15.04.2011, Blaðsíða 12

15. apríl 2011 FÖSTUDAGUR
Vodafone IS 3G 10:32
App, app mín sál!
Fermingartilboð í öllum verslunum
Stórsnjallir símar á frábæru verði auk úrvals
framúrskarandi fermingargjafa.
Prófaðu nýjustu tæknina og sjáðu framtíðina með
þínum eigin augum. Láttu ekki app úr hendi sleppa.
2.499 kr.
á mán. í 12 mán.
Fullt verð: 29.990 kr.
2 miðar
í Sambíóin
fylgja
á meðan birgðir endast
200 MB
á mán. fylgir
með í 6 mán.
LG Optimus Me
F
í
t
o
n
/
S
Í
A
DÓMSMÁL Hæstiréttur hefur sýknað
karlmann sem ákærður var fyrir
kynferðisbrot gegn syni sínum.
Manninum var gefið að sök að
hafa á árinu 2009 farið upp í rúm
til sonar síns, sem var í heimsókn
hjá föður sínum, og brotið þar gegn
honum með ýmsum kynferðisleg-
um athöfnum, þar á meðal með því
að fróa honum.
Drengurinn skýrði móður sinni
frá atvikinu þegar hann kom heim
og hún kærði málið til lögreglu.
Drengurinn sagði við skýrslutöku
hjá lögreglu að faðir sinn hefði
fengið sáðlát við athæfið.
Nokkrum mánuðum síðar dró
móðirin kæruna til baka. Eftir
sýnatökur kom í ljós að sæðisblett-
ir úr föðurnum fundust á hettu-
peysu sem hann var í við handtöku
skömmu eftir hið meinta atvik, og
eins í laki í rúminu sem sonurinn
hafði sofið í.
Héraðsdómur Norðurlands
eystra hafði sýknað manninn á
þeirri forsendu að orð sonar stæðu
gegn orði föður og ákæruvaldinu
hefði ekki alveg tekist að sanna, svo
að ekki yrði vefengt, að maðurinn
hefði framið það brot sem honum
var gefið að sök.
Hæstiréttur staðfesti þann dóm
með nokkrum athugasemdum, en
telur athugasemdirnar ekki nægi-
lega veigamiklar til að ómerkja
dóminn. - jss
Hæstiréttur staðfestir sýknudóm Héraðsdóms Norðurlands eystra:
Sýknaður þrátt fyrir sæðisbletti
HÆSTIRÉTTUR Gerði athugasemdir en
sýknaði manninn.
SKÓLAMÁL Meirihlutinn í mennta-
ráði Reykjavíkurborgar ákvað
á fundi sínum á miðvikudag að
fækka nokkuð framkomnum hug-
myndum um sameiningar í skóla-
og leikskólakerfi borgarinnar.
Hugmyndirnar voru afar
umdeildar og fengu almennt nei-
kvæðar umsagnir hjá hagsmuna-
aðilum og hafa verið gagnrýndar
af minnihlutanum í borgarstjórn.
Í nýju tillögunum, sem verða að
öllum líkindum afgreiddar endan-
lega í næstu viku, er gert ráð
fyrir sameiningum 24 leikskóla í
stað 30 áður. Þá er frestað annarri
af tveimur sameiningum leikskóla
og grunnskóla þar sem sameining
Fossvogsskóla, Kvistarborgar
og frístundaheimilisins Neðsta-
lands kemur til framkvæmda árið
2013 en Ártúnsskóli, leikskólinn
Kvarnaborg og frístundaheim-
ilið Skólasel verða sameinuð frá
og með áramótum og árangur-
inn metinn með tilliti til frekari
slíkra sameininga.
Þá er óbreytt tillaga um að
Foldaskóli verði unglingaskóli
og taki við nemendum úr Húsa-
skóla og Hamraskóla frá og með
haustinu 2012, en sameiningu
Korpuskóla og Víkurskóla, Álfta-
mýrarskóla og Hvassaleitisskóla
og Borgaskóla og Engjaskóla er
frestað fram að næstu áramótum.
Gert er ráð fyrir að fjárhags-
leg hagræðing á næsta ári verði
rúmar 250 milljónir króna í stað
um 300 milljóna eins og fyrri
áætlanir gerðu ráð fyrir.
Ekki hefur þó alfarið verið
horfið frá sameiningarhugmynd-
um því að meirihlutinn hefur
boðað til funda með foreldrum
og starfsfólki á næstu vikum þar
sem frekari hagræðingar verða
ræddar.
Fulltrúar minnihlutans lýstu
yfir óánægju sinni með að meiri-
hlutinn héldi hugmyndunum til
streitu og áheyrnarfulltrúar
félagasamtaka bókuðu mismikla
óánægju með framgang mála.
Til að mynda telja Börnin
okkar, félag foreldra leikskóla-
barna, og SAMFOK, foreldrafélag
grunnskóla að það skjóti skökku
við að leggja út í svo umfangs-
miklar breytingar gegn vilja
borgarbúa á meðan blásið sé til
samráðs um frekari aðgerðir.
Oddný Sturludóttir, formaður
menntaráðs, segir meirihlutann
hafa hlustað á raddir borgarbúa
og reynt að bregðast við þeim.
„Róttækum breytingum fylgir
þó alltaf gagnrýni, við vorum
meðvituð um það.“
Oddný bætir því við að hún von-
ist til þess að foreldrar og starfs-
fólk muni nú taka höndum saman
við borgaryfirvöld í innleiðingar-
ferlinu sem er fram undan.
thorgils@frettabladid.is
Breytingar á tillögum
um sameiningu skóla
Nýjar tillögur í sameiningarmálum í skólakerfi Reykjavíkur kveða á um að hætt
verði við sameiningu sex leikskóla og frestað verði sameiningu nokkrra grunn-
skóla. Meirihlutinn í borgarstjórn boðar nánara samráð um næstu sameiningar.
BREYTT ÁFORM Meirihlutinn hefur fækkað áformuðum sameiningum í skólakerfi
Reykjavíkur eftir umsagnir hagsmunaaðila. FRÉTTABLAÐIÐ/STEFÁN
■ Drafnarborg og Dvergasteinn
■ Barónsborg, Lindarborg og
Njálsborg
■ Hamraborg og Sólbakki
■ Hlíðaborg og Sólhlíð
■ Holtaborg og Sunnuborg
■ Hlíðarendi og Ásborg
■ Laugaborg og Lækjaborg
■ Furuborg og Skógarborg
■ Arnarborg og Fálkaborg
■ Hálsaborg og Hálsakot
■ Foldaborg, Foldakot og Funaborg
Sameiningar leikskóla
Eftirfarandi leikskólar verða sameinaðir samkvæmt nýjustu tillögum:
DÓMSMÁL Hæstiréttur hefur dæmt Árna Mathiesen
og íslenska ríkið til að greiða hæstaréttarlög-
manninum Guðmundi Kristjánssyni hálfa
milljón króna í bætur fyrir ærumeiðingar sem
fólgnar voru í skipun Þorsteins Davíðssonar í
embætti héraðsdómara.
Dómurinn lækkar bæturnar niður í einn sjö-
unda af þeim 3,5 milljónum sem Héraðsdómur
Reykjavíkur dæmdi Guðmundi í fyrra.
Árni skipaði Þorstein í starfið
þrátt fyrir að hann hefði verið
metinn tveimur hæfisflokk-
um neðar en nokkrir aðrir
umsækjendur. Guðmundur
taldi þetta fela í sér mein-
gerð gegn æru hans, auk
þess sem hann vildi
skaðabætur fyrir að
hafa ekki fengið stöð-
una.
Í niðurstöðu Hæstaréttar segir að þótt engin orð
hafi verið látin falla til að vega að persónu eða
æru Guðmundar verði ekki fram hjá því
litið að Árna hafi mátti vera ljóst að þessar
gerðir hans gætu að ófyrirsynju bitnað á
orðspori Guðmundar og orðið honum þann-
ig að meini. Þrátt fyrir það hafi hann geng-
ið fram án þess að skeyta nokkuð um þessa
augljósu hættu.
Tveir dómarar, Árni Kolbeinsson og
Markús Sigurbjörnsson, skiluðu séráliti
og vildu sýkna Árna og ríkið af kröf-
unni.
Kröfu Guðmundar um
skaðabætur er hafnað
þar sem ekki liggur
ljóst fyrir að hann hefði
fengið starfið ef Þor-
steinn hefði ekki verið
skipaður. - sh
Árni Mathiesen dæmdur til að greiða hálfa milljón vegna ærumeiðinga:
Bæturnar lækkaðar í einn sjöunda
ÁRNI MATHIESEN