Fréttablaðið - 07.05.2011, Side 40

4 fjölskyldan
Barnabörn eru Guðs gjafir og afar verðmætar. Það er óskap-lega góð tilfinning að verða afi og skemmtilegt að upplifa
hvernig maður hugsar öðruvísi um
afabörnin með aukinni lífsreynslu
og þroska. Þá áttar maður sig betur
á smámunum í fari lítilla barna, og
þótt ég vanmeti ekki ábyrgð og upp-
eldisskyldur ömmu og afa eru þær
öðruvísi og auðveldara að dekra við
börnin, þótt stundum sé í trássi við
foreldrana,“ segir alþingismaðurinn
Árni Johnsen, sem á fimm barnabörn
sem hann heldur góðu sambandi við
og ræktar hvenær sem færi gefst.
„Ég fylgist vel með hverju og einu
þeirra en vildi geta átt með þeim
miklu fleiri samverustundir. Þau eru
kraftmikil og eru til í hlutina og auð-
velt að ná tengslum við þau, því þau
eru öll opin og skemmtileg. Við erum
sannir vinir og þau geta leitað til mín
hvenær sem er og með hvað sem er,
þótt ekki þurfi að orðlengja það við
þau; þau einfaldlega vita hvar þau
eiga mig,“ segir Árni, sem lítur á afa-
hlutverkið sem ríkuleg hlunnindi.
„Það er hlý og sterk tilfinning að
fá að verða samferða barnabörn-
um sínum og njóta lífsins með þeim,
hvetja þau og fagna. Mikilvægast
er þó veganestið sem maður gefur
þeim af sjálfum sér og það besta sem
ég get kennt þeim er að gera gott úr
öllu, eiga sér markmið og vera vinnu-
söm í margri mynd,“ segir Árni, sem
Árni með afastelpunum sínum Það eru ávallt fagnaðarfundir þegar Árni hittir
barnabörnin en á myndina vantar sonarsoninn Eldar Brekason 8 ára. Stelpurnar
eru frá vinstri talið Telma Ösp 8 ára, Margrét Lára 6 ára, Una Brá 17 ára og Andrea
Rós 13 ára, allar Jónsdætur. FRÉTTABLAÐIÐ/ANTO
Afi og amma eru lykilpersónur í lífi barna því öllum börnum er mikilvægt að kynnast öðrum en foreldrum sínum; einhverj-
um sem lifa annars konar lífi og
hafa annað fram að færa, en láta sér
líka heils hugar annt um þau,“ segir
Garðar Guðnason, 46 ára arkitekt og
nýorðinn afi í fyrsta sinn.
„Ég gladdist mjög þegar fréttist
að barnabarn væri á leiðinni og
fannst það alveg tímabært, þótt
enginn í mínum vinahópi sé orðinn
afi og einn af mínum bestu vinum
nýbakaður faðir á ný,“ segir Garðar.
Hann segir dásamlega upplifun að
verða afi. „Ég reyni að hitta barna-
barnið sem oftast og vera í góðu
sambandi, ásamt því að styðja við
bakið á fjölskyldunni eftir þörfum.
Nú þegar er ég búinn að passa afa-
strák og víla það ekkert fyrir mér,
en það gekk mjög vel framan af. Ég
var með pela til að gefa honum að
drekka og svo átti snáðinn að sofna
en hann vildi miklu frekar vera í
selskap afa síns. Þegar leið á fjörið
varð hann sársvangur og ég þeirri
stundu fegnastur þegar mamma
hans kom aftur,“ segir Garðar sæll.
„Afar hafa öðru að miðla til
barnabarna en foreldrarnir og það
vil ég einnig gera; miðla af lífi mínu
og gildum, rétt eins og afar mínir
gerðu með sínum mörgu og ljúfu
samverustundum þegar ég sleit
barnsskónum,“ segir Garðar og
útskýrir hvað honum þykir mikil-
vægasta veganestið til Birkis Arnar.
„Ég kenni honum að leggja sig
fram við allt sem hann gerir, vanda
sig í lífinu og kunna að meta verð-
mætin í fólkinu í kringum sig. Þá
hlakka ég til að tala við Birki þegar
hann kemst til vits og ára um lífið
og tilveruna, og vil vera honum
sami kletturinn og ömmur mínar
og afar voru mér, en í þeim átti ég
ævilanga vini og velgjörðarmenn,“
segir Garðar. - þlg
Afi er sannur og ævilang
Besta útgáfa afa í afab
Kassaklifur-GPS ratleikir-Bátasiglingar-Vatnaleikir-Frumbyggjastörf
Fyrir stráka og stelpur 8-12 ára - skipt í hópa eftir aldri
Upplýsingar og skráning á netinu - www.ulfljotsvatn.is
“Spennandi útilífsævintýri - fjör og hópefli”
INNRITUN ER HAFIN - Opið virka daga kl 10-16 - sími 550 9800 - sumarbudir@ulfljotsvatn.is
Ítarlegur bæklingur
á heimasíðu okkar.
www.sumarbudir.is