Fréttablaðið - 02.06.2011, Page 2
2. júní 2011 FIMMTUDAGUR2
Það má vel vera að
breyta þurfi innbyrðis
vægi óháð því hvort aukin
framlög koma til sögunnar.
ÖGMUNDUR JÓNASSON
INNANRÍKISRÁÐHERRA
Andri, áttu ekki bara eftir að
lenda í tómu klandri á þessu
flandri?
„Ja, ég heiti allavegana ekki Tandri.“
Útvarpsmaðurinn Andri Freyr Viðarsson
sér um sjónvarpsþættina „Andri á flandri“
í Sjónvarpinu í sumar.
BANDARÍKIN Í drögum að nýrri
öryggisstefnu Bandaríkjanna
vegna netárása kemur fram
að í ákveðnum tilvikum verði
hægt að líta á slíka árás á mikil-
væga innviði landsins sem beina
árás gegn Bandaríkjunum, sem
hægt verði að svara með árás
Bandaríkjahers.
Bandaríkin munu einnig geta
brugðist við netárás með gagn-
sókn í netheimum, eða með því
að beita ríki sem talið er bera
ábyrgð á slíkri árás efnahags-
þvingunum, að því er fram
kemur í frétt BBC. Ný öryggis-
stefna vegna netárása verður
tilbúin innan nokkurra vikna. - bj
Ný öryggisstefna í vinnslu:
Netárás mætt
með hernaði
ÁRÁS Öflug netárás gæti slegið út
rafmagni, fjarskiptum og öðrum inn-
viðum samfélagsins. NORDICPHOTOS/AFP
SAMFÉLAGSMÁL Úrskurði dómari
fórnarlambi ofbeldis bætur undir
400 þúsundum króna fær fórnar-
lambið engar bætur greiddar úr
ríkissjóði vegna líkamstjóns og
annars tjóns. Þetta var ákveð-
ið 1. júlí 2009 vegna brota fram-
inna eftir þann tíma, að því er
Halldór Þormar Halldórsson, lög-
fræðingur hjá Sýslumanninum á
Siglufirði, greinir frá. Lögfræði-
kostnaðurinn fellur jafnframt á
fórnarlambið en annars greiðir
ríkið yfirleitt þann kostnað.
„Reglunum var breytt í kjölfar
bankahrunsins, en fyrir hrun var
viðmiðið 100 þúsund krónur. Breyt-
ingin er í lögum um ráðstafanir í
ríkisfjármálum í kjölfar banka-
hrunsins. Það er mín tilfinning að
þessi ákvörðun hafi leitt til þess að
bætur ákveðnar af dómi hafi farið
hækkandi,“ segir Halldór.
Hámarks-
bætur sem rík-
issjóður greiðir
fyrir líkamstjón
eru 2,5 millj-
ónir króna en
fyrir miska 600
þúsund krón-
ur. Ef um kyn-
ferðisbrot er
að ræða greiðir
ríkið eingöngu
miskabætur. Þessar hámarksbæt-
ur hafa verið óbreyttar frá árinu
1996.
„Það þarf að taka öll þessi mál
til athugunar og það verður gert,“
segir Ögmundur Jónasson innan-
ríkisráðherra.
Hann segir óbreytta upphæð
bóta til fórnarlamba ofbeldis í
fimmtán ár að hluta skýrast af
þrengingum síðustu ára og miss-
era. „Hins vegar er full ástæða til
þess að skoða samsetningu á ráð-
stöfun þessara bóta, annars vegar
skaðabóta og hins vegar miska-
bóta. Ég mun beita mér fyrir því
að slík athugun fari fram.“
Ögmundur segir fjármuni til
ráðstöfunar takmarkaða. „Allt
sem við gerum er á kostnað ein-
hvers núna. Það má vel vera að
breyta þurfi innbyrðis vægi óháð
því hvort aukin framlög koma til
sögunnar.“ - ibs
SPURNING DAGSINS
NÁTTÚRA Náttúrustofa Suðurlands
hefur lagt til algjört bann við
lundaveiðum í Vestmannaeyjum
þar til stofninn tekur við sér. Þá er
einnig lagt til að ekki verði leyft
að tína svartfuglsegg í eyjunum.
Þetta kom fram í bréfi stofunnar
til umhverfis- og skipulagsráðs
Vestmannaeyja.
Þrátt fyrir að í Vestmannaeyjum
sé stærsta lundavarp heims hefur
mikill viðkomubrestur verið við-
varandi hjá lundastofninum í
Eyjum frá árinu 2005 og á síð-
asta ári var viðkoman engin. Þetta
kemur fram í tilkynningu frá
Náttúrustofu Suðurlands.
Rúmlega áttatíu prósent eggja
voru afrækt, sem er hæsta hlut-
fallið hingað til. Þá hefur lang-
víu í Vestmannaeyjum fækkað um
fjörutíu prósent á síðustu árum og
því er lagt til að eggjataka verið
einnig bönnuð, sem og að ryðja
stropuðum eggjum fram af syllum.
Náttúrustofan óskar einnig eftir
umfjöllun umhverfis- og skipulags-
ráðs um dýrahald sem geti skaðað
fuglabyggðir í Heimaey, þá sér í
lagi varðandi útigangsketti, sem
séu alþjóðlega vel þekkt vandamál
fyrir sjófuglabyggðir.
„Náttúrustofa Suðurlands leggur
til að lundaveiði í Vestmannaeyj-
um verði óheimil þangað til að við-
koma tekur við sér, til dæmis um
eða yfir 0,4 ungar/egg í að minnsta
kosti þrjú ár í röð,“ segir í bréfinu.
Gunnlaugur Grettisson, formað-
ur umhverfisráðs Vestmannaeyja,
segir alla vera samstíga í málinu
og ástandið sé vissulega slæmt.
„Við vitum að ástandið er alvar-
legt. En þó hafa veiðarnar sem
slíkar jafnframt afar takmörkuð
áhrif á stofninn,“ segir hann.
Gunnlaugur segir það vel koma
til greina að leggja algjört bann við
lundaveiði í ár eða hafa einungis
opið yfir eina helgi. Í fyrra voru
veiddir 123 lundar í Vestmanna-
eyjum og veiðitímabilið stóð yfir
í fimm daga. Yfirvöld á svæðinu
beindu þeim tilmælum til fólks að
veiða vinsamlegast ekki lunda og
segir Gunnlaugur það hafa verið
til fyrirmyndar hvernig það gekk
eftir.
„Það er ekki mikið verið að veiða
lunda og við viljum helst ekki loka
alveg fyrir það,“ segir hann. „Það
er vissulega ákveðin menning
tengd þeim hér á svæðinu og það
hefur borið árangur að beina til-
mælum til manna um að fara ekki
til veiða.“ sunna@frettabladid.is
Verið að skoða bann
við veiðum á lunda
Náttúrustofa Suðurlands vill láta leggja algjört bann á lundaveiðar og eggja-
tínslu í Vestmannaeyjum þar til fuglastofnar hafa tekið við sér. Formaður um-
hverfisráðs tekur undir áhyggjurnar og segir algjört veiðibann koma til greina.
Á VEIÐUM Formaður umhverfisráðs Vestmannaeyja segir það vel koma til greina að
banna alfarið veiðar á lunda í ár. FRÉTTABLAÐIÐ/ÓSKAR P. FRIÐRIKSSON
Innanríkisráðherra ætlar að beita sér fyrir athugun á stöðu fórnarlamba ofbeldis:
Samsetning bóta verður skoðuð
Samkvæmt tölum frá Umhverfisstofnun voru veiddir rúmlega 43 þúsund
lundar á landinu á síðasta ári, en þó einungis 123 í Eyjum. Til samanburðar
voru veiddir yfir 125 þúsund lundar árið 2002 og yfir 230 þúsund árið 1996.
Stóran hluta fimm árganga vantar í lundastofninn í Eyjum og allan árgang
ársins 2010. Náttúrustofa Suðurlands telur viðbúið að varpstofninn minnki
mjög hratt næstu sex ár nema stórfelldur innflutningur eigi sér stað.
Mun minni veiði
ÖGMUNDUR
JÓNASSON
STJÓRNMÁL Ásmundur Einar Daða-
son þingmaður gekk í gær til liðs
við Framsóknarflokkinn. Hann
sat þingflokks-
fund hjá flokkn-
um í gær.
Ásmundur
Einar sagði sig
úr þingflokki
Vinstri grænna
13. apríl síðast-
liðinn og hefur
síðan verið
óháður þing-
maður þar til
nú.
Í tilkynningu
frá Ásmundi segir að flokkurinn
hafi tekið mjög jákvæðum breyt-
ingum á undanförnum tveimur
árum. Undir formennsku Sig-
mundar Davíðs Gunnlaugsson-
ar hafi átt sér stað mikil endur-
nýjun og flokkurinn haldið uppi
skynsamlegum málflutningi á
mörgum sviðum. - mþl
Hreifst af stefnu flokksins:
Ásmundur Ein-
ar í Framsókn
ÁSMUNDUR EINAR
DAÐASON
JAPAN, AP Kjarnorkumálastofnun
Sameinuðu þjóðanna segir að jap-
önsk stjórnvöld og japanskir eftir-
litsaðilar hafi vanmetið þá hættu
sem steðjað hafi að kjarnorku-
verum landsins vegna stórflóða í
kjölfar jarðskjálfta.
Þetta eru helstu niðurstöður
skýrslu stofnunarinnar, sem lét
kanna hvað fór úrskeiðis þegar
alvarlegar skemmdur urðu á kjarn-
orkuverinu í Fukushima í kjölfar
náttúruhamfaranna um miðjan
mars.
Stofnunin segir að flóðahættan sé
enn vanmetin í viðbragðsáætlunum
sjö annarra kjarnorkuvera í Japan.
„Þeir sem hanna og starfrækja
kjarnorkuver ættu að leggja rétt
mat á hættum vegna allra tegunda
náttúruhamfara og setja upp varnir
gegn þeim,“ segir í skýrslunni.
Að öðru leyti hrósar stofnunin
Japönum fyrir rétt og vönduð við-
brögð í kjölfar hamfaranna. Þá
segir í skýrslunni að framkvæmd
brottflutnings fólks frá hættusvæð-
um hafi verið til fyrirmyndar.
Skýrslan verður birt í heild sinni
á ráðstefnu Alþjóða kjarnorkumála-
stofnunarinnar í Vínarborg seint í
júní. - gb
Alþjóða kjarnorkumálastofnunin kynnir niðurstöður sínar í Japan:
Flóðahættan var vanmetin
NAOTO KAN Forsætisráðherra Japans
sætti gagnrýni á þingi í gær.
NORDICPHOTOS/AFP
HOLLAND, AP Ratko Mladic, sem
grunaður er um verstu stríðs-
glæpi seinni tíma í Evrópu, kemur
fyrir almennings sjónir í dag í
fyrsta sinn frá því að hann var
handtekinn í Serbíu í síðustu viku.
Þá hafði hann verið í felum í
áratug.
Starfsmaður alþjóðlega stríðs-
glæpadómstólsins í Haag, sem fer
með málefni fyrrverandi Júgó-
slavíuríkja, segir að Mladic hafi
frá fyrstu stund verið afar sam-
vinnuþýður eftir að hann var
framseldur frá Serbíu. - gb
Mladic fyrir dómara í dag:
Sagður mjög
samvinnuþýður
LÍKNARMÁL Í dag verður fatagám-
um komið fyrir við sundlaug-
ar á höfuðborgarsvæðinu svo
fólk geti notað sundferðirnar til
að styrkja Hjálparsjóð Rauða
krossins.
Fólki er bent á að nota tæki-
færið í vorhreingerningunni og
koma með gömlu fötin, skóna,
handklæði, rúmföt, gluggatjöld
og jafnvel stöku sokkana því
mikil verðmæti eru fólgin í allri
vefnaðarvöru.
Fatnaðinum er úthlutað til ber-
skjaldaðra um land allt og til
aðila erlendis, en hann er einnig
til sölu í Rauðakrossbúðunum.
Það sem ekki nýtist er selt til
endurvinnslu. - gb
Fatasöfnun Rauða krossins:
Tekið við fötum
við sundlaugar
REYKJAVÍK Hluti Laugavegar, frá
Vatnsstíg að Skólavörðustíg,
verður gerður að göngugötu frá
1. júlí til 1. ágúst. Þetta var sam-
þykkt í umhverfis- og samgöngu-
ráði á þriðjudag.
Tillagan var samþykkt sam-
hljóða en hún verður endurmetin
eftir tvær vikur. Markmiðið er að
skapa spennandi götu að því er
segir á heimasíðu Reykjavíkur-
borgar. Gerðar verða mælingar
á því hvernig til tekst, fyrir, eftir
og á meðan takmörkun umferðar
stendur. - kóp
Hluti Laugavegar göngugata:
Bílar í burtu af
Laugaveginum