Fréttablaðið - 02.06.2011, Blaðsíða 16
2. júní 2011 FIMMTUDAGUR16 16
hagur heimilanna
Ef fæturnir eru farnir að lykta illa þá eru til
ýmis ráð til að losna við lyktina. Eitt af þeim
er að baða þær í sterkri blöndu af svörtu
tei sem inniheldur tannínsýru (tannic acid)
eins og til dæmis Earl Grey te. Settu þrjá
tepoka út í hálfa fötu af vatni og baðaðu
fæturna í blöndunni í 15-30 mínútur. Endur-
taktu þetta á hverjum degi í eina viku og
lyktin ætti að minnka þar sem tannínsýran drepur
bakteríurnar sem valda lyktinni, hjálpa til við að halda
fótunum þurrum og minnka svitamyndun.
KRÓNUR er meðalverð á kílói af lambakótelettum um þessar mundir. Kílóverðið hefur
hækkað um 200 krónur frá sama tíma árið 2009.1.902
Nýtt!
Hvað ætlar þú
að hafa í matinn?
Verslunum hér á landi verður
héðan í frá heimilt að upplýsa
um söluverð ýmissa forpakk-
aðra vörutegunda með verðsk-
anna í verslun, þar sem neyt-
endur geti séð
endanlegt ein-
ingaverð, í stað
þess að merkja
hverja pakkn-
ingu. Þetta er
meðal þess sem
kemur fram í
nýjum reglum
Neytendastofu
um verðmerk-
ingar sem tóku
gildi í gær.
Í greinargerð
með reglunum
segir að lengi
hafi staðið til að
breyta reglum
um verðmerk-
ingar. Þar sem
framleiðend-
um á ýmsum
kjötvörum og
annars konar
ferskvöru sé nú bannað að for-
verðmerkja vörur áður en þær
komi í verslanir, eins og lengi hafi
tíðkast, sé nú slegið til „og þannig
komið til móts við ríka hagsmuni
framleiðenda, verslunareigenda
og neytenda“.
Tryggvi Axelsson, forstjóri
Neytendastofu, segir að þessar
nýju reglur taki mið af nýjum við-
skiptaháttum. „Markmiðið er að
tryggja góðar verðupplýsingar til
neytenda og um leið að efla virka
samkeppni á markaðnum með
því að koma í veg fyrir að birgj-
ar séu að forverðmerkja vörurnar
fyrir seljendur og ákvarða þann-
ig verðið áður en varan kemur í
verslunina. Það er hlutverk versl-
unarinnar að taka ákvörðun um
söluverð á eigin forsendum.“
Þó að meginreglan sé sú að
vörur skuli merktar endanlegu
verði á þetta við um forpökkuð
matvæli.
Andrés Magnússon, fram-
kvæmda stjóri Samtaka verslun-
ar og þjónustu, segir í samtali við
Fréttablaðið að tilkoma skann-
anna sé til góða. Henni fylgi þó
talsverður kostnaður, enda tækja-
búnaðurinn dýr.
„Þessi þróun hefur verið að
ryðja sér til rúms víða erlend-
is. Það er þægindaauki að þessu
og framfaraspor að Neytenda-
stofa fékkst til að heimila þessa
aðferð.“
Gunnar Ingi Sigurðsson, fram-
kvæmdastjóri Hagkaups, segir
skanna verða setta upp í öllum
búðum Haga á næstunni.
Tryggvi segir að lokum að lyk-
ilatriði í þessum málum sé neyt-
endavitund almennings.
„Okkur finnst afar mikilvægt
að almenningur horfi til kílóverðs
en ekki afsláttar eins og hefur
verið. Það er nauðsynlegt til að
fólk átti sig á raunverði vöru og
til að tryggja samkeppni.“
thorgils@frettabladid.is
Efla samkeppni með
betri upplýsingum
Neytendastofa telur nýjar reglur um verðmerkingar munu koma bæði verslunum
og neytendum til góða. Leyfir verðskanna til að sýna endanlegt verð forpakk-
aðrar vöru. Vonast eftir öflugri neytendavitund til að tryggja virka samkeppni.
TRYGGVI AXELSSON
ANDRÉS
MAGNÚSSON
VERÐSKANNI Verslanir mega nú koma upp verðskönnum til að neytendur geti séð verð hverrar pakkningar. FRÉTTABLAÐIÐ/ANTON
Meðal annarra atriða í nýju
reglunum um verðmerkingar má
nefna að nú mega búðir selja
og verðmerkja sumar vöruteg-
undir, til dæmis ákveðna ávexti og
grænmeti, eftir stykkjatali.
Þá er þess einnig getið að versl-
anir skuli verðmerkja vörur sem
eru til sýnis á vefsíðum, hvort sem
um er að ræða vefverslun eða
kynningarsíður.
Loks er veitingahúsum gert að
hafa ávallt matseðil með verðskrá
við inngöngudyr og í verðupplýs-
ingum um drykkjarföng skal alltaf
tilgreina magnstærðir.
Selja í stykkjatali
GÓÐ HÚSRÁÐ Táfýla
Losaðu þig við táfýluna
Í maí hafa Samtök ferða-
þjónustunnar (SAF), í sam-
starfi við Ferðaþjónustu
bænda, Gerum betur og
símenntunarmiðstöðvar,
staðið fyrir svonefndum
þjónustunámskeiðum um
land allt. „Námskeið hafa
þegar verið haldin á Akur-
eyri, Egilsstöðum, Höfn í
Hornafirði, í Reykjanesbæ,
Stykkishólmi og Reykja-
vík,“ segir á vef SAF. Í
gær fór svo fram námskeið
í Borgarnesi og síðan verða
tvö námskeið á Suðurlandi,
á Hótel Laka 6. júní og á
Hótel Geysi 8. júní. „Nám-
skeiðin hafa mælst mjög
vel fyrir og eru mikilvæg-
ur liður í að auka meðvit-
und um mikilvægi góðrar
þjónustu og hvernig hægt
er að skapa samkeppnisfor-
skot með því að fara fram
úr væntingum viðskipta-
vina,“ segir einnig á vef
samtakanna. - óká
SAF standa fyrir sérstökum þjónustunámskeiðum
FRÁ NÁMSKEIÐI SAF Þátttakendur fylgjast með af
áhuga á þjónustunámskeiði SAF í Húsi verslunarinnar í
Reykjavík síðastliðinn þriðjudag. MYND/SAF512 5100 STOD2.IS VERSLANIR VODAFONE VERSLANIR OG ÞJÓNUSTUVER SÍMANS 800 7000
Vinsælasti fréttaskýringaþáttur í heimi.
Sunnudaga og sunnudagskvöld á Stöð 2.