Fréttablaðið - 02.06.2011, Side 36
2. júní 2011 FIMMTUDAGUR28
Rut Ingólfsdóttir fiðluleikari og Richard Simm
píanóleikari halda tónleika í Hlöðunni að Kvoslæk í
Fljótshlíð á sunnudag.
Á efnisskrá tónleikanna eru verk eftir Pál Ísólfs-
son, Mozart, Svendsen, Vieuxtemps og Brahms.
„Ég vildi hafa sumarlega stemningu á efnis-
skránni og valdi verk með hliðsjón af því,“ segir
Rut.
Þetta eru fyrstu tónleikarnir sem haldnir eru í
Hlöðunni að Kvoslæk, um tíu kílómetra frá Fljóts-
hlíð. Rut segir langþráðan draum rætast með
tónleikunum á sunnudag.
„Við hjónin eigum hús í Fljótshlíðinni. Mig hefur
lengi langað að halda tónleika í Hlöðunni og greip
tækifærið núna.“
Tónleikarnir eru hluti af verkefninu Landsbyggð-
artónleikar, sem Félag íslenskra tónlistarmanna
skipuleggur með styrk frá menntamálaráðuneytinu.
Tónleikarnir á sunnudag hefjast klukkan 15.
Hægt er að panta miða í síma 896-2261 eða á
rutingolfs@simnet.is. - bs
28
menning@frettabladid.is
Sumartónleikar í Hlöðunni
RUT OG RICHARD Rut Ingólfsdóttir og Richard Simm leika lög
eftir Pál Ísólfsson, Mozart, Brahms og fleiri á tónleikunum á
sunnudag.
Fimmtudagur 02. júní 2011
➜ Tónleikar
20.00 Hljómsveitin Varsjárbanda-
lagið spilar á tónleikum í Bæjarbíói kl.
20 í kvöld. Tónleikarnir eru liður í dag-
skrá Bjartra daga í Hafnarfirði. Aðgangur
ókeypis.
22.00 Celestine heldur styrktar-
tónleika á Faktorý í kvöld. Aðrar rokk-
sveitir munu einnig koma fram. Húsið
opnar kl. 21 og tónleikarnir hefjast kl.
22. Aðgangseyrir er 1000 krónur.
➜ Hönnun og tíska
16.00 Hjálpræðisherinn verður með
tískusýningu á Austurvelli í dag kl. 16
til styrktar góðu málefni. Þar koma fram
þjóðþekktir einstaklingur á borð við Jón
Gnarr og Steinda Jr.
➜ Tónlist
21.00 Þrettán laga söngleikjatónlist
um samskipti kynjanna verður flutt á
skemmtistaðnum Sódóma í kvöld. Tón-
leikarnir hefjast kl. 21. Aðgangseyrir er
1000 krónur.
HVAÐ? HVENÆR? HVAR?
KLUKKAN 21.00 Pascal Pinon og Eldberg koma fram á fjórðu tónleikum í „Rafmagnslaust á Norður-
pólnum” í kvöld. Húsið opnar kl. 20.30. Tónleikar hefjast kl. 21. Aðgangseyrir er 1.500 krónur við hurð.
1
3
5
7
9
2
4
6
8
10
Rosabaugur yfir Íslandi
Björn Bjarnason
Bankastræti núll
Einar Már Guðmundsson
Handbók um íslensku
Jóhannes B. Sigtryggsson ritst.
Sumardauðinn - kilja
Mons Kallentoft
10 árum yngir á 10 vikum
Þorbjörg Hafsteinsdóttir
METSÖLULISTI EYMUNDSSON
SAMKVÆMT BÓKSÖLU Í EYMUNDSSON UM LAND ALLT
25.05.11 - 31.05.11
Léttara og betra líf
Lena Hansson
Ég man þig - kilja
Yrsa Sigurðardóttir
Engan þarf að öfunda
Barbara Demick
25 gönguleiðir á Hvalfjarðarsv.
Reynir Ingibjartsson
Hreinsun
Sofi Oksanen
UPPSELD - Í ENDURPRENTUN
Sænski metsöluhöfundurinn
Kajsa Ingemarsson verður
gestur á höfundakvöldi Nor-
ræna hússins í kvöld. Kajsa
hefur verið óhrædd við að
breyta um stefnu í lífinu og
starfaði hjá sænsku örygg-
islögreglunni og var vinsæl
sjónvarpskona áður en hún
lagði ritstörfin fyrir sig.
Leið Kajsu Ingemarsson í stétt rit-
höfunda var harla óvenjuleg. Hún
nam rússnesku, pólsku og stjórn-
málafræði í háskóla, starfaði við
þýðingar hjá sænsku öryggislög-
reglunni og ætlaði að hasla sér völl
sem embættismaður í utanríkis-
þjónustunni. Leið hennar lá hins
vegar óvænt í útvarp og sjónvarp.
„Vinir mínir sem stjórnuðu mjög
vinsælum gamanþætti í útvarpi
voru að búa til nýjan þátt. Á þeim
tíma var mikill skortur á konum í
skemmtiþáttum og þegar þeir leit-
uðu til mín fannst mér ég ekki geta
annað en slegið til.“
Kajsa byrjaði sem handrits-
höfundur í þættinum, lék síðar í
honum og varð að lokum kynnir
hans. Þaðan lá leið hennar í sjón-
varp og varð hún brátt afar vinsæl
í Svíþjóð.
„Ég var í sjónvarpi og útvarpi
í nokkur ár og það gekk mjög
vel. Gallinn við að vera verktaki
í skemmtanabransanum er sá að
maður er alltaf háður eftirspurn
og verður að taka þeim verkefnum
sem bjóðast. Fyrir vikið missir
maður smám saman sjónar á því
sem maður sjálfur vill. Á endanum
spurði ég mig að því hvað ég vildi
helst af öllu gera. Annað hvort vildi
ég stjórna eigin sjónvarpsþætti
eða skrifa bók. Og ég valdi seinni
kostinn.“
Fyrsta bók Kajsu, På det fjärde
ska det sket, kom út 2002 og var
nógu vel tekið til að hún gæti gert
skriftirnar að aðalstarfi. Hún sló
rækilega í gegn með þriðju skáld-
sögu sinni, sem kom út á íslensku
undir nafninu Sítrónur og saffran.
Alls hefur hún skrifað sjö skáldsög-
ur, eitt ritgerðasafn og eina sjálfs-
hjálparbók. Rithöfundarstarfið er
því þriðji starfsferill Kajsu.
„Ég trúi því að maður eigi að
grípa þau tækifæri sem höfða til
manns. Ég tel að okkur sé stýrt að
einhverju leyti í gegnum lífið; ég
veit ekki af hverjum en við eigum
að reyna að koma auga á vísbend-
ingarnar sem leiða okkur áfram
á þann áfangastað sem okkur er
ætlaður.“
Hún segist ekki viss um hvort
hún eigi eftir að skrifa bækur
það sem eftir er eða snúa sér að
einhverju öðru.
„Ég er með margar óskrifaðar
bækur í huganum en veit aftur á
móti ekki hvort mér endist orkan
til að skrifa þær. Að skrifa er
dálítið eins og að róa til fiskjar; í
fyrstu bókunum þarf maður ekki
að fara langt frá landi, grunnsævið
er krökkt af hugmyndum. En með
hverri nýrri bók þarf að róa lengra
eftir hugmyndum, á fjarlægari og
dýpri mið. Ég hef skrifað sjö skáld-
sögur og er komin ansi langt frá
landi. Þetta getur verið ansi lýj-
andi. Það má vera að ég taki mér
eitthvað allt annað fyrir hendur;
ég hef breytt svo oft um stefnu í
lífinu og er ekki hrædd við að gera
það eina ferðina enn. En ég held
áfram að skrifa svo lengi sem ég
nýt þess.“
Þórdís Gísladóttir, þýðandi bók-
arinnar Allt á floti, ræðir við Kajsu
á höfundakvöldi í Norræna húsinu
klukkan 20 í kvöld.
bergsteinn@frettabladid.is
Eins og að róa til fiskjar
ALLT Á FLOTI
Nýjasta skáldsaga Kajsu Ingimarsson, Allt á floti, kom út í íslenskri þýðingu í
gær. Bókin fjallar um metsöluhöfundinn Stellu Friberg, sem skrifar vinsælar
glæpasögur sem fá þó jafnan afleita dóma.
Bókinni hefur verið lýst sem háðsádeilu á yfirborðsmennsku útgáfubrans-
ans og meinfyndinni lýsingu á raunum rithöfunda. Kajsa dregur ekki dul á
að ýmislegt í bókinni sé sótt í hennar eigin reynslusarp.
„Ég skrúfaði hlutina auðvitað aðeins upp til gamans,“ segir hún, „enda
var mjög gaman að skrifa þessa bók. Ég veit ekki hvernig því er háttað á
Íslandi en undanfarin tíu til fimmtán ár hefur verið aukin krafa á rithöfunda
í Svíþjóð að vera líka í hlutverki skemmtikrafta, sem koma fram í sjónvarpi
að hafa ofan af fólki með gamansögum af sjálfum sér. Þetta er dálítið ein-
kennileg tilhugsun, því góður rithöfundur er ekkert endilega góður skemmti-
kraftur. Frábær rithöfundur getur verið feiminn og óframfærinn. En fyrir slíka
höfunda er sífellt minna pláss. Það sem menn hafa raunverulega fram að
færa er að verða aukaatriði.“
KAJSA INGEMARSSON Segir að skriftir séu eins og fiskveiðar. „Í fyrstu bókunum þarf maður ekki að fara langt frá landi, grunn-
sævið er krökkt af hugmyndum. En með hverri nýrri bók þarf að róa lengra eftir hugmyndum, á fjarlægari og dýpri mið.“
FRÉTTABLAÐIÐ/ANTON