Fréttablaðið - 21.06.2011, Blaðsíða 23
ÞRIÐJUDAGUR 21. júní 2011 3
flytja til Evrópu og stúdíóleysið hér
réði úrslitum,“ segir Ástrós og vísar
í sinn heittelskaða Þorfinn Ómars-
son, sem rekur með henni fyrirtæk-
ið ytra.
Stúdíó Ástrósar er í Evrópu-
hverfinu svokallaða, mitt í hjarta
Brussel, en í hverfinu eru fleiri
skrifstofumenn en tölu verður á
komið. Segir Ástrós að þeim veiti
ekki af að skreppa í Pilates-tíma,
hvort heldur sem er fyrir eða eftir
vinnu, eða í hádegispásu sinni.
„Það var ágætis ákvörðun að velja
þetta hverfi og orðsporið breiðist
hratt út. Ég hef gaman af fjölbreyti-
leika mannflórunnar sem sækir
tíma hjá mér, en ekki síst því hversu
karlar eru duglegir að mæta. Heima
á Íslandi hefur Pilates fengið á sig
kvennastimpil, þrátt fyrir að vera
hannað af karlmanni og vera ekki
síður góð líkamsrækt fyrir þá,“
segir Ástrós, alsæl með viðtökurn-
ar og tilveruna í Brussel.
„Hingað koma margir viðskipta-
menn í jakkafötum, með vandamál í
baki og hálsi, og þá kemur þeim vel
að gera Pilates,“ segir Ástrós. Sam-
kvæmt nýjustu talningu sameinast
Pilates-iðkendur frá fimmtán þjóð-
um í Pilates Centre Brussel, sem
starfar eftir þeirri hugmyndafræði
Pilates að maður sem hafi þjálf-
að líkama sinn til fullkomins sam-
ræmis og þroskað heilbrigðan huga
skili daglegum störfum sínum fljótt
og vel, af ungæðislegum lífsþrótti
og gleði.
„Okkur líður afskaplega vel hérna
og borgin er þægileg. Hana má auð-
veldlega ganga rösklega enda á milli
og maður fær aldrei leið á fjölþjóð-
legum menningarheimi hennar. Þá
er stutt í allar áttir héðan, létt að
taka lest til Parísar, Lundúna eða
annarra borga í Evrópu, stutt á
skíðasvæði og strönd,“ segir Ást-
rós, sem tjaldar ei til einnar nætur
í Brussel.
„Það er auðvitað heilmikið mál
að opna svona stúdíó, en viðskipt-
in ganga framar björtustu vonum.
Með tíð og tíma langar mig að færa
út kvíarnar en ég varast að taka
íslenska hugsunarháttinn á þetta og
sé til hvernig gengur eftir árið.“
Ástrós með Romönu Kryzanovsku, arftaka höfundar Pilates-tækninnar, en Ástrós
lærði Pilates hjá True Pilates í New York undir verndarhendi Kryzanovsku.
Framhald af forsíðu
Rithöndin stuðlar að þróun
heilans en getur einnig hækkað
einkunnir og aukið sjálfstraust.
Samkvæmt nýrri rannsókn sem
gerð var í Háskólanum í Indiana í
Bandaríkjunum geta skriftir aukið
virkni heilans, skerpt hreyfigetu og
haft jákvæð áhrif á námsárangur.
„Skrift er börnum mjög mikilvæg,
ekki hversu vel þau skrifa heldur að
þau skrifi og æfi það,“ sagði Karin
Harman Jones, aðstoðar prófessor
við Indiana Háskóla. „Vélritun hefur
ekki sömu áhrif.“
Rannsakendur komust að því að
skrift getur breytt því hvernig börn
læra og heilinn þróast. Notaður var
taugaskanni til að mæla örvun heil-
ans þegar forskólabörnum voru
sýndir stafir. Einn hópur barnanna
skrifaði hástafi á meðan annar
hópur æfði sig í að sjá og segja staf-
ina. Fjórum vikum seinna mældist
virkni heila barnanna sem skrifuðu
stafina svipuð og hjá fullorðnum.
Góð rithönd getur einnig stuðlað
að betri einkunnum. Rannsóknin
sýndi að sama meðalritgerðin fær
mun hærri einkunn ef rithöndin er
snyrtileg. - mmf
Góð rithönd gefur
betri einkunnir
Handskrift getur stuðlað að aukinni
virkni heilans.
Lög um réttindi lifandi líffæragjafa til tímabundinnar
fjárhagsaðstoðar tóku gildi 1. janúar 2010. Lifandi líf-
færagjafar geta sótt um greiðslur úr nýjum
bótaflokki hjá Tryggingastofnun sem er
ætlað að tryggja þeim tímabundna fjár-
hagsaðstoð.
www.tr.is
„Allur maturinn okkar er ferskur, hollur og góður,“
segir Sólveig á Culiacan. „Þú finnur aldrei djúpsteik-
ingarbrælu hjá okkur, við eigum ekki einu sinni djúp-
steikingarpott,“ segir hún. „Viðtökurnar á Suður-
landsbrautinni hafa verið vonum framar. Staðurinn
hefur alltaf verið vinsæll hjá íþróttafólki því matur-
inn inniheldur fáar kaloríur en góða og fjölbreytta
næringu. Við finnum að fólk almennt er orðið miklu
meðvitaðra um hvað það lætur ofan í sig.“
Á Culiacan eru allir réttir útbúnir beint fyrir
framan viðskiptavininn svo hann á þess kost að velja
það sem hann vill eða vill ekki. Algengur misskiln-
ingur hjá fólki er að þessi matur sé allur svo sterkur.
Það er alls ekki satt og fólk á alltaf val um sterka eða
milda sósu og þeir sem vilja mjög sterkt fá sér jala-
peño og sterka sósu. Þannig ræður fólkið ferðinni. Í
borðinu er úrval af kjöti, sósum og salsa útbúið frá
grunni daglega. Mikið af fersku grænmeti og krydd-
jurtum er notað í sósurnar og eru þær nánast fitu-
lausar og stútfullar af vítamínum. Viðskiptavinir
geta valið um kjúkling, nautahakk eða nautakjöt.
Kjúklingurinn er langvinsælastur. Hann er mariner-
aður í minnst sólarhring áður en hann er svo grill-
aður. Á Culiacan er svo notaður 10% sýrður rjómi og
17% íslenskur ostur.
Transfita hefur verið mikið í umræðunni á þessu
ári. Maturinn á Culiacan er að sjálfsögðu án trans-
fitu og msg. Þekkt er að transfita eykur líkur á
hjarta- og æðasjúkdómum. Msg, eða Monosodium
glutamate, er ónáttúrulegt efni sem er notað til að
bragðbæta mat. Margir hafa ofnæmi fyrir þessu efni
auk þess sem það er talið auka líkur á
krabbameini.
Matseðillinn á Culiac-
an byggist upp á burrito,
quesadillas, tacos,
tostada og salötum.
Réttirnir
kosta á bilinu
1.090-1.390 og
staðurinn er opinn
alla daga 11.30-22.00.
Þurfum engan
heilsumatseðil
„Allur maturinn okkar er ferskur, hollur og góður,“
segir Sólveig.
Ultimo burrito er alltaf vinsæl. Grilluð með ostinum ofan á.
Tostada Rucola er nýtt á matseðlinum. Tortilla með sósu, kjúklingi, sólþurrkuðum
tómötum, furuhnetum, rjómaosti og klettasalati.
Kynning
Á Culiacan, Suðurlandsbraut 4a, er boðið upp á
hollan mexíkóskan mat. Höfuðáhersla er lögð á
ferskt hráefni og heilsusamlegar eldunaraðferðir.
Bandarískur maður sem
blindaðist á öðru auga fyrir 55
árum endurheimti sjónina á því
á dögunum.
Maðurinn var aðeins átta ára
þegar hann fékk stein í augað með
þeim afleiðingum að sjónhimnan
losnaði frá auganu. Hann missti
sjónina á auganu og var blindur á
því næstu 55 árin.
Maðurinn sem nú er 63 ára leit-
aði fyrir nokkru til augnlæknis í
New York og kvartaði undan sárs-
auka í auganu og kom í ljós nokk-
ur bólga og blæðing í því. Þegar
búið var að hreinsa augað og með-
höndla það með lyfi gat maður-
inn allt í einu séð mun á ljósi og
myrkri sem hann hafði ekki getað
áður. Þá vaknaði sú von að hægt
yrði að festa sjónhimnuna aftur
við augað. Eftir aðgerðina fékk
maðurinn sjónina á ný en læknar
segja það einsdæmi eftir svo lang-
an tíma.
Blindur fær
sýn á ný
Maður sem hafði verið blindur á öðru
auga í 55 ár fékk sjónina á ný.