Fréttablaðið - 11.08.2011, Blaðsíða 48

11. ágúst 2011 FIMMTUDAGUR32
tonlist@frettabladid.is
TÓNNINN GEFINN
Trausti Júlíusson
Poppstjörnubörnum sem leggja tónlistina fyrir sig gengur ekki alltaf
mjög vel í bransanum. Þeim er stöðugt líkt við foreldrið, sem búið er
að hefja upp til skýjanna, og samanburðurinn verður afkvæminu í
óhag. Það er ekki auðvelt fyrir
mannlegar verur að keppa við
goð.
Það er líka margumtalað að
börn fræga fólksins eiga oft erfitt
uppdráttar. Baxter Dury er elsti
sonur breska tónlistarmanns-
ins Ian Dury sem var upp á sitt
besta á pönkárunum og gerði það
gott með lögum eins og Hit Me
With Your Rhythm Stick, What a
Waste og Sex & Drugs & Rock &
Roll. Dury lést úr krabbameini
árið 2000. Lífi hans hefur verið
gerð skil síðustu ár bæði í bókum
og kvikmyndum og í þeim kemur
vel fram að líf Baxters var ekki
alltaf auðvelt. Pabbinn var frá-
bær tónlistarmaður og textahöfundur, en líka sjálfmiðað ólíkindatól.
Baxter hefur sjálfur glímt við fíknir og óreglu.
Baxter er búinn að vera í tónlist nokkuð lengi. Fyrsta platan hans,
Len Parrot‘s Memorial Lift, kom út árið 2002 og þremur árum seinna
kom Floor Show. Báðar ágætar þó að Floor Show sé betri. Eftir helgina
kemur svo þriðja platan hans út. Hún heitir Happy Soup og kemur út
hjá Regal sem er hluti af EMI-samsteypunni. Og nú hefur sonurinn
hitt á ómótstæðilega formúlu. Tónlistin á Happy Soup er einföld og á
köflum nánast barnaleg, en hæfir textunum einstaklega vel. Söngrödd
Baxters minnir alltaf meira og meira á föðurinn og það er líka ákveð-
in samsvörun í textunum þó að Baxter sé ekkert að stæla Ian. Báðir
fjalla á skemmtilegan hátt um ofur hversdagslega hluti.
Það er óhætt að mæla með Happy Soup, bæði fyrir aðdáendur Ians
Dury og hina sem þoldu ekki þann gamla …
Í fótspor föðursins
NÝ KYNSLÓÐ Baxter sonur Ians Dury er að
senda frá sér plötuna Happy Soup.
Á meðal þeirra sem eru til-
nefndir til Mercury-verð-
launanna í ár er breska
söngkonan Katy B, en
fyrsta platan hennar, On
a Mission, hefur selst vel
og fengið frábæra dóma.
Trausti Júlíusson skoðaði
Katy.
Þó að breska söngkonan Katy B
sé ekki nema 22 ára gömul og hafi
verið að senda frá sér sína fyrstu
plötu þá er hún búin að vera að
syngja í nokkur ár. Hún kemur úr
dubstep/garage kreðsum Lundúna-
borgar og vakti fyrst athygli þegar
hún söng lagið Tell Me inn á plötu
með DJ NG árið 2006. Nýlega var
tilkynnt að platan hennar, On a
Mission, væri tilnefnd til hinna
virtu Mercury-verðlauna.
Píparadóttir frá Peckham
Katy B (sem einnig hefur notað
nafnið Baby Katy) heitir réttu
nafni Kathleen Brien. Hún er fædd
og uppalin í Peckham-hverfinu í
Suður-London og er dóttir pípara
og bréfbera.
Eins og margar fleiri breskar
poppstjörnur síðustu ára (Adele,
Amy Winehouse, Katie Melua …)
þá gekk Katy í BRIT-skólann í
Croydon, en hann er ætlaður ungu
hæfileikafólki í tónlist og öðrum
skapandi greinum. Í fyrra kláraði
Katy líka tónlistarnám við Gold-
smiths-háskólann, en um svipað
leyti kom fyrsta smáskífan henn-
ar, Katy on a Mission, út. Hún var
unnin af dubstep-kempunni Benga
og kom út á vegum útvarpsstöðv-
arinnar Rinse FM. Katy on a Miss-
ion náði 5. sæti breska smáskífu-
listans og næsta litla platan
hennar, Lights on, komst í 4. sæti.
Í því lagi syngur Ms Dynamite
með Katy, en hún er ekki ókunn
Mercury-verðlaununum, fékk þau
árið 2002 fyrir plötuna A Little
Deeper. Í apríl síðastliðnum kom
svo fyrsta stóra plata Katy B, On
a Mission, út á vegum Columbia-
útgáfurisans.
Ferskt nútímapopp
On a Mission er meðal annars
unnin með fyrrnefndum Benga, en
líka með DJ Zinc og Geeneus. Tón-
listin á henni er fjölskrúðugt dans-
popp undir áhrifum frá garage,
dubstep og drum & bass-tónlist.
Katy er fín söngkona og platan
hennar er ferskt og velkomið inn-
legg í vinsældapoppið. Hún hefur
selst vel, fór beint í 2. sæti breska
listans. Þess vegna hefur Katy
verið kölluð fyrsta poppstjarna
dubstep-kynslóðarinnar. Platan On
a Mission hefur fengið fína dóma
bæði í bresku pressunni og miðl-
um eins og Pitchforkmedia sem
gaf henni 8,1 í einkunn. Enn sem
komið er er Katy B aðallega þekkt
í heimalandinu, en Mercury-til-
nefningin gæti breytt því.
Þegar maður hlustar á On a
Miss ion þá kemur sænska popp-
stjarnan Robyn upp í hugann.
Bæði Katy B og Robyn búa til flott
nútímapopp. Robyn er kannski
svalari týpa og á sér lengri sögu,
en tónlistarlega er Katy síst verri.
On a Mission er flott plata. Full
af smellum. Það verður gaman að
sjá hvernig henni reiðir af í sam-
keppninni við Adele, Önnu Calvi,
PJ Harvey, James Blake, Elbow,
Metronomy og alla hina sem
eru tilnefndir til Mercury-verð-
launanna í ár.
Fyrsta poppstjarna
dubstep-kynslóðarinnar
Á UPPLEIÐ Katy B er ein af heitustu nýju poppstjörnunum í Bretlandi.
NORDICPHOTOS/GETTY
> PLATA VIKUNNAR
Jón Jónsson - Wait For Fate
★★★
„Grípandi og þægileg frumsmíð.“
-TJ
> Í SPILARANUM
Jay-Z & Kanye West - Watch the Throne
The Horrors - Skying
The Antlers - Burst Apart
Mates Of State - Mountaintops
Jeff Bridges - Jeff Bridges
JAY-Z & KANYE WEST JEFF BRIDGES
Tvöfaldur geisladiskur mun
vera á leiðinni frá hljóm-
sveitinni Radiohead í næsta
mánuði. Á disknum verður að
finna nítján endurhljóðbland-
anir á lögum sveitarinnar af
plötunni The King Of Limbs
sem kom út fyrr á árinu.
Thom Yorke og félagar í
Radiohead hafa ekkert látið
uppi um þessa útgáfu. Aðdá-
endasíðan AtEase greinir frá
því að á plötunni verði endur-
hljóðblandanir eftir lista-
menn á borð við Caribou,
Four Tet og Jamie xx. Útgáfu-
dagurinn er 16. september.
Undanfarnar vikur hefur
Radiohead gefið út smáskíf-
ur með endurhljóðblöndunum
á lögum The King Of Limbs.
Þær verða allar á fyrri hluta
umræddrar plötu en á þeirri
seinni verður óútgefið efni. Í
frétt á vef NME kemur fram
að platan komi fyrst út í
Japan en þremur vikum síðar
um allan heim.
Einu tónleikar Radiohead
eftir útgáfu The King Of
Limbs voru óvæntir tónleikar
á Glastonbury-hátíðinni í
Englandi. Ekki eru áform
uppi um frekara tónleikahald.
Tvöfaldur pakki frá Radiohead
THOM YORKE Á GLASTON-
BURY Von er á tvöfaldri plötu
með endurhljóðblönduðum
lögum Radiohead í næsta
mánuði. FRÉTTABLAÐIÐ/AP
TÓNLISTINN
Vikuna 4. ágúst - 10. ágúst 2011
LAGALISTINN
Vikuna 4. ágúst - 10. ágúst 2011
Sæti Flytjandi Lag
1 Of Monsters And Men ...................................Little Talks
2 Coldplay ..........................Every Teardrop Is A Waterfall
3 Páll Óskar ..................................................... La Dolce Vita
4 Adele .................................................Set Fire To The Rain
5 Bubbi Morthens............................................ Háskaleikur
6 Steindi JR / Bent / Matti Matt .........Gull af mönnum
7 Berndsen & Bubbi ...........................................Úlfur Úlfur
8 Steven Tyler ...........................................It Feels So Good
9 Rihanna ............................................................Man Down
10 Hjálmar ...............................................Í gegnum móðuna
Sæti Flytjandi Plata
1 Helgi Björns & reiðmenn vind . .Ég vil fara uppí sveit
2 Steindinn okkar.......................... Án djóks ... samt djók
3 Gus Gus ......................................................Arabian Horse
4 Bubbi ..............................................................Ég trúi á þig
5 Björgvin & Hjartagosarnir ...........................Leiðin heim
6 Jón Jónsson .................................................Wait For Fate
7 Björk .....................................................................Gling gló
8 Valdimar ............................................................Undraland
9 Ýmsir ................................................................. Pottþétt 55
10 Ýmsir ...........................................................Stuð stuð stuð
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Harpa, Smekkleysa plötubúð, Havarí, Elkó, tonlist.is
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar:
Allt sem þú þarft
Þú færð Fréttablaðið
á kostnaðarverði á 120 stöðum
um land allt. Nánari upplýsingar
á visir.is/dreifing