Faxi - 01.03.1964, Blaðsíða 9

Leiðrétting.
í síðasta tölublaði Faxa, febrúarblaðinu, þar
sem sagt var frá björgun flutningaskipsins
Kötlu, slæddust inn i fréttina tvær villur, sem
hér skulu leiðréttar og eru hlutaðeigendur
beðnir velvirðingar á þeim mistökum. — I
fréttinni segir, að atburður þessi hafi skeð að
morgni þess 1. febrúar, en átti að vera klukk-
an 11,30, eða rétt fyrir hádegi þess 31. janúar.
Þá er einnig mishermt í fréttinni, að skrúfa
Eldeyjar hafi laskazt, þegar skipverjar á Kötlu
slepptu dráttarvírunum, sem hafi þá lent í
skrúfu Eldeyjar. Það rétta er, að Eldey tók
aldrei niðri og skrúfa hennar laskaðist ekki.
Dráttartaugin var Nylontrossa, og þegar henni
var skyndilega sleppt lausri af Kötlumönnum,
flæktist hún utan um öxulinn á skrúfu Eld-
eyjar og braut hann.
Frá síðustu áramótum
var sr. Bragi Friðriksson, formaður æsku-
lýðsráðs Reykjavíkur, ráðinn til prestsþjón-
ustu á Keflavíkurfluvelli, fyrir íslendinga bú-
setta innan flugvallarsvæðisins. Ennfremur
mun sr. Bragi verða leiðbeinandi við æsku-
lýðsstörf í Kjalarnesprófastsdæmi í samráði
við prófast. Frá starfsvettvangi hans mun
verða nánar skýrt í næsta blaði.
Vélbáturinn Gunnfaxi frá Keflavík sökk.
Um kl. 9 að morgni mánudagsins 16. marz
sendi vélbáturinn Gunnfaxi KE 9 frá Kefla-
vik út neyðarskeyti vegna þess að kominn
væri mikill leki að bátnum, sem þá var
staddur 12 mílur norðvestur af Eldey. Skipið
var þá að draga línuna og hafði þá dregið 5
bjóð, er lekans varð vart. Var skipshöfnin öll
að verki á dekki, nema skipstjóri, Sigurður
Guðmundsson, sem var í stýrishúsi. Þegar
þetta skeði var töluverður sjór, en ekki
mjög hvasst. Lekinn fór ört vaxandi og vélin
stöðvaðist brátt. Skipstjóri kallaði þá til nær-
hggjandi báta og bað um aðstoð. Hilmir I.
heyrði fyrstur til hans og svaraði, en Helgi
Flóventsson var nær og lagði þegar á stað til
hjálpar. Er Helgi kom á vettvang fóru 4 af
skipshöfn Gunnfaxa yfir í hann, en skipstjóri
°g stýrimaður urðu eftir um borð í Gunn-
faxa, ef takast mætti að draga bátinn til lands.
En þegar það reyndist ekki gerlegt, yfirgáfu
þeir bátinn og sökk hann kl. 12.25, en skip-
brotsmenn komu heilu höldnu til Keflavíkur
kl. 15.35. Áhöfn Gunnfaxa var skipuð þessum
mönnum: Sigurður Guðmundsson skip-
stjóri, Sigurður Jónsson stýrimaður, Svanur
Jónsson vélstjóri, Viktor Jónsson, Skúli
Ejarnason og Sverrir Baldursson hásetar.
Vélskipið Gunnfaxi var 53 tonn, smíðaður
ór eik í Svíþjóð 1946. Eigendur eru h.f. Faxi,
Keflavík.
Eftirfarandi vísur urðu til nú í þorrablíð-
unni:
Vetur þokast vel um set
við skulum engu kvíða.
Það er algert þorramet
þessi veðurblíða.
Guðm. Finnbogason.
Þorri rjóður reikar inn
rauða slóð hann gerði.
Oskar þjóð að endirinn
einnig góður verði.
Sig. Magnússon.
Nýjar bækur í bókasafnið.
Lamb, Harold: Gengis Khan.
Durant, Will: Rómaveldi, I. bindi.
Schielderup, Harald: Fuður sálarlífsins.
Kristján Albertsson: Hannes Hafstein II. b.
Donoran, Robert J.: John F. Kennedy.
Adamson, Joy: Bærinn frjáls.
Jónas Arnason: Undir fönn og Aflamenn.
Mikkelsen: Ferð í leit að furðulandi.
Munck, Ebbe: Töfrar íss og auðnar.
Einar Guðmundsson: Dulheimar.
Sigurður Stefánsson: Jón Þorláksson.
Jónas Guðmundsson: Skip og menn.
Þorsteinn frá Hamri: Skuldaskil.
Frá Ámesingafélaginu í Keflavík.
Nýlega hélt Árnesingafélagið í Keflavík
aðalfund sinn. Fyrir utan venjuleg aðalfund-
arstörf kom fram tillaga frá Skúla Oddleifs-
syni, um að gefa til æskulýðsskóla í Skálholti
peningaupphæð. Samþykkt var að gefa í þessu
skyni kr. 5.000,00. Félagið hefur tvisvar áður
sent peningaupphæð austur yfir fjall til félags-
og líknarmála Árnesinga. Mætti segja að það
væri keflvískt framlag til félags- og menn-
ingarmála Árnesinga. Til þess að undirstrika
að Skálholt á ítök í fleirum en Árnesingum,
vill formaður félagsins geta þess að hann hitti
mann norðan af Langanesi sem stakk að hon-
um 100 kr., sem skyldi renna til æskulýðs-
skóla í Skálholti.
Eins og venjulega hélt félagið Þorrablót í
febrúar s.l. íslenzkur þorramatur var á borð-
um, sem félagskonur sáu um að útvega og
framreiða. Keflavíkurkvartett söng. Lárus
Eiðsson sýndi myndir sem teknar höfðu verið
austan Heiðar og víðar, formaður flutti ávarp
og svo var dansað fram eftir nóttu. Þátttaka
félagsmanna var mjög góð. I félaginu eru nú
milli 70 og 80 félagar. í stjórn Árnesingafélags-
ins eru nú Jakob Indriðason formaður, Sæ-
mundur Sveinsson ritari, Ásdís Ágústsdóttir
gjaldkeri og meðstjórnendur eru þeir Skúli
Oddleifsson og Einar Olafsson.
Fyrir nokkru
efndi útilífsklúbbur Æskulýðsráðs til ferðar
í skíðaskálann í Jósepsdal. Var þátttaka mjög
mikil og tókst ferðin hið bezta. Lítið var um
snjó um þær mundir, en ekki kom það veru-
lega að sök. Fóru þátttakendur í gönguferðir
um nærliggjandi fjöll, mikið var um útileiki
en um kvöldið var kvöldvaka, sem umsjónar-
maður klúbbsins, Helgi Hólm, stjórnaði.
Sjálfur sagði hann mergjaða draugasögu, en
ýmis skemmtileg atriði komu frá meðlimum
klúbbsins. Skátasöngur setti og svip á kvöld-
vökuna.
Frá tómstundaiðjunni.
Hér sjást nokkrir
áhugasamir meðlimir
í radíðklúbbnum,
ásamt leiðbeinand-
anum, Einari
Jóhannssyni.
Ljósm.: Jón Páll
Þorbergsson.
FAXI — 41