Faxi - 01.03.1964, Blaðsíða 18

Á LÉTTARI NÓTUM
Þegar séra Friðrik Rafnar var prestur á
Útskálum, eignaðist hann bíl. Hann varð fyrir
því óhappi að keyra á hest á götu í Kefla-
vík. Meiddist hesturinn það mikið, að það
varð að skjóta hann þar á staðnum.
Margir fundu sárt til út af þessu óhappi
prestsins.
Þegar karli einum var sögð þessi saga, varð
hann yfir sig undrandi og segir, loks þegar
hann kemur upp orði:
— Hvað ertu að segja mér maður? Sálu-
sorgarinn okkar, og ét ég eftir á Útskálum.
Stafurinn gengur.
I þessum leik verða að vera tveir töfra-
menn. Þegar áhorfendur hafa tekið sér sæti,
fer annar töframaðurinn fram fyrir hurð-
ina á stofunni en hinn er fyrir innan. Nú
bendir sá, sem inni er á einhvern af áhorf-
endum og kallar um leið til þess, sem frammi
er og segir: „Stafurinn gengur". „Láttu hann
ganga, svarar sá, sem frammi er. Síðan bend-
ir sá, sem inni er á hvern af öðrum og báðir
endurtaka sömu orðin: Stafurinn stendur
kyrr. Þá nefnir sá sem frammi er nafn þess,
sem þpnt er á. Auðvitað verða áhorfendur
alveg steinhissa, og heimta að þetta sé endur-
tekið og það jafnvel aftur og aftur til að
reyna að komast að leyndarmálinu.
En galdurinn er aðeins sá, að um leið og
sá er fyrir utan á að vera fer út, taka báðir
vel eftir, hver af áhorfendum talar síðastur
áður en hann fer út, en á honum á stafurinn
að standa kyrr.
Stundum kemur það fyrir að allir þegja,
og verður þá að beita brögðum til þess að
fá einhvern til að tala. T. d. að segja: Eruð
þið tilbúin. Og æfinlega segir þá einhver: Já
farðu bara fram, og þá er það fengið í það
sinnið, því á honum á þá stafurinn að standa
kyrr.
(★}
Svo er hér smá reikningsgaldur.
Nú skaltu láta einhvern kunningja þinn
hugsa sér einhverja tölu, hann skuli bara
hafa hana lága, svo auðveldara verði að
reikna í huganum. Þegar hann er búinn að
því, skaltu segja honum að margfalda hana
t. d. með 2. Þegar hann er búinn að því, þá
segirðu honum að bæta við 10, svo læturðu
hann deila í það með 2, og þegar það er búið
segirðu honum að draga frá töluna, sem
hann hugsaði sér. Þá verður útkoman 5.
Lausnin er sú, að þegar þú sagðir honum
að bæta við 10, þá ákvaðst þú um leið hver
útkoman yrði, því að 2 x 5 eru 10. Hefðirðu
sagt honum að bæta við 8 hefði útkoman
orðið 4, því að 2 x 4 eru 8.
Ef þú hefðir látið hann margfalda og deila
með 3, og bæta við 6, hefði útkoman orðið
2, því 3x2 eru 6.
Þú getur látið margfalda og deila með
hvaða tölu sem er, þú verður aðeins að gæta
þess að talan, sem þú lætur nota gangi upp
í þá tölu sem þú ætlast til að bætt sé við.
Nú vona ég að þú skiljir galdurinn.
(★}
Hér eru falin 20 karlmannsnöfn.
Einn gerir á ísum herja.
Annar byrjar viku hverja.
Með þriðja er venja að húsum hlúa.
Heitir sá fjórði á guð að trúa.
Fimmti hylur ásjón ýta,
ei má skarn á sjötta lýta,
Sjöundi við það sýnist dottinn,
sá áttundi, það er nú meiri spottinn.
Níundi nauða þarf um snót,
nálgast þann tíunda dauðinn ei hót.
Hjá þeim ellefta stendur heimskan hátt,
heima í þeim tólfta sá hefur átt.
Þrettánda fýsir fjöri að granda.
fjórtándi sýnir mér skipan landa.
Fimmtándi á himnum fæðist og deyr,
fleygir sá sextándi hvössum geir.
Seytjándi er afleiðing unaðs tíða,
sá átjándi má í saurnum skríða.
Nítjánda ég á eldinn kasta
með andanum finn ég þann tuttugasta.
Ráðning:
1. Björn.
2. Helgi.
3. Torfi.
4. Kristinn.
5. Grímur.
6. Hreinn.
7. Hallur.
8. Eilífur.
9. Meyvant.
10. Ófeigur.
11. Álfur.
12. Bergur.
13. Vigfús.
14. Kort.
15. Dagur.
16. Bogi.
17. Birgir.
18. Ormur.
19. Brandur.
20. Loftur.
Gáta.
Bærinn heitir brotin egg í hnífi.
Hjónin bæði darra dans,
dóttirin heitir næring manns.
Ráðning:
Bærinn: Skarð.
Hjónin: Hildur og Hildigunnar.
Dóttirin: Björg.
Höfum allar stærðir af hjólbörðum
og slöngum
★
Aðalstöðin, bílabúð - Sími 1517
Höfum úrval af bílavarahlutum
★
Áðalstöðin, bílabúð - Sími 1517
50 — F A X I