Faxi - 01.03.1964, Blaðsíða 10

Byggingafulltrúi Keflavíkur
Nú á síðastliðnu hausti var ráðinn hing-
að til Keflavíkur byggingafulltrúi, en þá
hafði bærinn um sinn verið byggingafull-
trúalaus, eða frá því að Þorsteinn Ingólfs-
son lét af því starfi á síðastl. vori.
Hinn nýi byggingafulltrúi Keflavíkur
er Sigurður Jónsson, fæddur 22. sept. 1938
í Reykjavík, sonur hjónanna Helgu Sig-
urðardóttur og Jóns Sæmundssonar fyrr-
um skipstjóra.
Sigurður ólst upp á Seltjarnarnesi til 12
ára aldurs, en fluttist þá með foreldrum
sínum í Garðahrepp og hefur átt þar lög-
heimili, þar til hann réðist hingað.
Sigurður stundaði húsasmíðanám um
fjögurra ára skeið, en hélt þá til Svíþjóðar
til framhaldsnáms og innritaðist í janúar
1960 í „Katarineholms Tekniska Skola“.
1 þessum skóla var hann við nám í 2J4ár
og að loknu prófi þar í júní 1962, kom
hann heim og fór á síld þá um sumarið.
Vann Sigurður síðan við teikningar og
byggingareftirlit, aðallega á Húsavík, þar
sem hann starfaði þangað til hann réðist
hingað til Keflavíkur..
Nú á dögunum náði ég tali af hinum
unga byggingafulltrúa og rabbaði um
stund við hann um starf hans og um
framkvæmdir á vegum bæjarins.
— Hvernig kanntu við starfið og hvað
hefur þú um það að segja?
— Starfið er býsna margbrotið og á
ýmsan hátt skemmtilegt, þó að oft sé það
nú full erilsamt og í mörgu að snúast.
— En þú nærð samt út yfir verkefnin?
— Þessu á ég erfitt með að svara beint.
Eins og er má segja, að starf mitt nái tals-
vert út fyrir hið almenna starf bygginga-
fulltrúa, þar sem enginn verkfræðingur er
hér á staðnum, en hans er þó vissulega
full þörf. Ef skipulag bæjarins á að þróast
á eðilegan hátt, þarf að framkvæma hér
mikið uppbyggingarstarf og er sjáanlegt,
að það eitt verður æði yfirgripsmikið.
Hvernig manni tekst að leysa það af hendi
er svo eftir að vita. Þegar ég kom hingað,
var hér nýráðinn garðyrkjuráðunautur,
Guðleifur Sigurjónsson, lipur og góður
starfsmaður, sem hefur aðstoðað mig í
vetur, eftir að sumarvinnu hans lauk, hef-
ur sú aðstoð verið mjög gagnleg og létt
mér byrjunarstörfin.
— Hverjir eru í byggingarnefnd?
— I henni eru eftirtaldir menn: Tómas
Tómasson, Valtýr Guðjónsson, Sigurður
Halldórsson og Þorgrímur St. Eyjólfsson.
Formaður byggingarnefndar er Sveinn
Jónsson bæjarstjóri.
— Hvernig er samstarfið við nefndina
og hve oft heldur hún fundi?
— Samstarfið hefur verið ágætt, enda
er höfuðskilyrðið að svo sé, til þess að
byggingarfulltrúi geti starfað óhikað að
hinum ýmsu framkvæmda- og framfara-
málum bæjarins. Fundi heldur nefndin nú
orðið reglulega annan hvern fimmtudag
kl. 5—7.
— 'Hvaða framkvæmdir eru nú helzt á
döfinni ?
— Eins og flestir munu hafa veitt at-
hygli, hafa aðalframkvæmdirnar verið á
íþróttasvæðinu vestan Hringbrautar. Þar
er nú verið að undirbúa væntanlegan gras-
völl undir sáningu og er vonast til að hægt
verði að sá í hann í sumar. Einnig er verið
að endurbyggja gamla malarvöllinn. Lögð
eru í hann ræsi með niðurföllum á allar
hliðar. Grunnurinn er þakinn með 30 sm.
vatnsleiðandi lagi, sem er í beinu sambandi
við fyrrnefnd ræsi, þannig, að tryggt sé að
vatn nái ekki að safnast á vellinum, enda
verður vallarmiðjan hækkuð upp, svo að
vatninu veiti út til ræsanna.
— Verður þessu lokið fyrir sumarið?
— Já, við ætlumst til að hægt verði að
hafa afnot af malarvellinum strax í maí,
þó vitanlega verði þá enn margt ógert, t.
d. varðandi áhorfendapalla og ýmislegt
fleira, er snertir umgerð hans og ytra út-
lit. Vert er að geta þess hér, að Guðleifur
Sigurjónsson hefur á hendi alla umsjón
með þessum framkvæmdum, þó ég aðstoði
hann við mælingar og þá útfærslu, sem
með þarf.
— Hvað um aðrar framkvæmdir á veg-
um bæjarins?
— Þær hafa að mestu legið niðri síðan
í nóvember. Með vorinu verður tekið til
við gatna- og holræsagerð, þar sem áður
var frá horfið.
— Hvar var það?
— Verið var að grafa fyrir ræsi í Háa-
leiti, sem er næsta gata norðan við gamla
flugvallarveginn, og verður þar haldið
áfram með vorinu. Að því verki loknu
verða framkvæmdir hafnar við Faxabraut.
— Hvað um gangstéttalagningu ?
— Hafizt verður handa um lagningu
gangstétta eftir því sem vinnuafl leyfir,
og þá fyrst og fremst með hinum malbik-
uðu götum.
— En verða engar nýjar götur malbik-
aðar nú í sumar?
— Nei, það er ekki gert ráð fyrir því,
enda er nauðsynlegra að gangstéttalagning
komi nokkurn veginn samhliða malbik-
uninni.
— Verður mikið byggt hér á næsta
sumri?
— Eftir lóðaumsóknum að dæma, mætti
ætla að byggingarframkvæmdir verði
miklar. Fyrir liggja nú um 70 lóðaum-
sóknir og er þar að mestu um einbýlishús
að ræða. Hvort okkur tekst að afgreiða
allar þessar umsóknir fyrir sumarið, er
ekki gott að segja, en við munum gera
okkar bezta í þeim efnum.
— Nokkuð fleira, Sigurður?
— Já, ég vil gjarnan mega óska þess hér
að lokum, að samstarf við húsbyggjendur
geti orðið gott og einnig vænti ég góðs
samstarfs við iðnaðarmenn bæjarins.
H. Th. B.
Fablon pappír
í mörgum litum.
Kaupfélag
Suðurnesja
Járn- og skipadeild.
Sími 1505.
42 — F A X I