Faxi - 01.03.1964, Blaðsíða 16

Tónleikar í Keflavík
Þann 13. apríl næstk. syngur amerískur
háskólakór frá Texas í Félagsbíó fyrir
styrktarfélaga Tónlistarfélags Keflavíkur.
Eru þetta þriðju tónleikarnir á vegum fé-
lagsins nú í vetur, í haust lék hér Sin-
fóníuhljómsveit Islands og nú á dögunum
lék hér á vegum félagsins píanósnillingur-
inn, Rögnvaldur Sigurjónsson.
Þessi háskólakór, sem syngur hér 13.
apríl, hefur 42 söngmönnum á aS skipa og
er þetta blandaður kór. Hefur hann víða
farið og hvarvetna getið sér hið bezta orð.
Ætti koma hans hingað til Keflavíkur að
geta talizt stór viðburður í sönglífi okkar,
og mætti því ætla, að bæjarbúar og aðrir
söngunnendur á Suðurnesjum notfærðu sér
þetta einstaka tækifæri.
Þó Tónlistarfélag Keflavíkur sé ungt að
árum, liggur samt eftir það mikið og gott
starf hér í bæ, við að örva og glæða feg-
urðarskyn almennings fyrir tónlistinni í
hennar margbreytilegu myndum. Aður en
félagið kom til sögunnar, átti slík við-
leitni hér fáa formælendur og þegar þar
við bættist skortur á heppilegu húsnæði til
flutnings á stærri tónverkum, varð niður-
staðan eðlilega sú, að hingað þótti tilgangs-
lítið að koma með vönduð tónverk. Þessa
guldu svo Keflvíkingar og aðrir Suður-
nesjamenn, sem þannig fóru á mis við
margt af því bezta, sem tónlistarheimur-
inn hafði upp á að bjóða hverju sinni.
Fyrsta verkefni Tónlistarfélags Kefla-
víkur var að stofna hér tónlistarskóla, sem
hefur starfað óslitið til ómetanlegs gagns
og sóma fyrir bæjarfélagið, enda ætíð haft
á að skipa góðu kennaraliði.
Við skólaslit á hverju vori hefur Tón-
listarfélagið efnt til skólatónleika, þar sem
aðstandendur nemenda skólans hefur gef-
izt kostur á að kynnast að nokkru náms-
árangri nemenda. Hafa þessir tónleikar
ávallt verið hinir ánægjulegustu. Formað-
ur Tónlistarfélagsins, frú Vigdís Jakobs-
dóttir, hefur tjáð mér, að nemendatónleik-
arnir nú í vor muni verða mjög fjölbreytt-
ir og á ýmsan hátt athyglisverðir, en sam-
kvæmt því sem að framan segir, verða þeir
fjórðu og síðustu hljómleikar félagsins á
starfsárinu.
Eins og að líkum lætur, hefur starfsemi
Tónlistarfélagsins verið mjög fjárfrek, enda
öll verkefni þess geysi kostnaðarsöm. —
Nokkurs fjárhagslegs stuðnings hefur fé-
lagið notið frá bænum, en aðaltekjuöflun
þess eru þó félagsgjöldin, sem eru kr. 150,00
af hverjum félagsmanni. Þetta gjald hefur
ekkert verið hækkað frá fyrstu tíð og er
því orðið allt of lágt nú, miðað við síhækk-
andi tilkostnað félagsins. Þessa ættum við
nú að minnast og láta félagið njóta þess
með því að fjölsækja hinn væntanlega kór-
söng þann 13. apríl. Sannarlega á Tónlist-
arfélagið það skilið fyrir sitt ágæta menn-
ingarstarf, að við þá fyllum hvert sæti í
samkomuhúsinu. En til þess að svo megi
verða, þyrfti styrktarmönnum félagsins að
stórfjölga fram að þeim tíma, oggeta menn
látið innrita sig í Bókabúð Keflavíkur, í
verzluninni Eddu og heima hjá formanni
félagsins, frú Vigdísi Jakobsdóttur, að
Mánagötu 5, Keflavík.
Tökum nú höndum saman um gott
málefni.
H. Th. B.
Erindi þetta
er eftir Guðmund Finnbogason og var það
flutt í kirkjunni í Innri-Njarðvík við úttekt
hins nýja pípuorgels.
Drottinn þú gefur oss gjafir beztar.
Vér gleðjumst og þökkum á hamingjustund.
Við þína náð eru vonirnar festar,
sem veitir oss fátækum gullið í mund.
A hendur vér felum þér hljóðfærið nýja.
Hljómur þess vitni um mátt þinn og dýrð.
í bænum og lofsöngvum viljum það vígja
þér voldugi Guð, sem að með okkur býrð.
m
mwmm
ÚTSVARSGJÖLD
til bæjarsjóðs Keflavíkur 1964
Samkvæmt fyrirmælum útsvarslaga ber útsvarsgreiðendum
að greiða til bæjarsjóðs Keflavíkur upp í útsvar ársins 1964 50%
af útsvörum þeirra árið 1963 með gjalddögum::
1. febrúar, 1. marz, 1. maí og 1. júní,
sem næst 10% af útsvarnu 1963 hverju sinni.
Eru gjaldendur hér með minntir á að inna greiðslur þessar
reglulega af hendi.
Bæjargjaldkerinn.
48 — F A X I