Faxi - 01.05.1990, Page 22

sem gerðar hafa verið um hús-
næðisþörf skólans næstu 20 árin
er illmögulegt með þetta í huga að
koma allri starfseminni fyrir við
Sunnubrautina og því höfum við
lagt til að skólanum verði fundinn
nýr staður og gerðar áætlanir um
byggingu nýs skóla sem byggður
yrði í áföngum. Nauðsynlegt er að
sveitarfélögin móti sem fyrst sam-
eiginlega stefnu í þessu máli og
knýi síðan á ríkisvaldið um sam-
þykki. Til þess að þessi draumur
geti ræst er nauðsynlegt að finna
húsinu við Sunnubraut nýtt hlut-
verk. Sú hugmynd hefur komið
fram að e.t.v. megi gera það að
safnhúsi og menningarmiðstöð
en bygging slíks húss er nú ofar-
lega á baugi.
Um síðustu áramót varð sú
breyting á rekstriskólans að nú er
hann alfarið rekinn af ríkinu en
áður skiptist rekstrarkostnaður
jafnt á milli ríkis og sveitarfélaga.
Um leið varð breyting á skóla-
nefnd. Áður var hún skipuð full-
trúum sveitarfélaganna eingöngu
en nú sitja í henni þrír fulltrúar
sveitarfélaganna, einn fulltrúi
menntamálaráðherra, tveir frá
starfsmönnum og einn fulltrúi
nemenda. Starfssvið nefndarinn-
ar er nánast það sama og áður og
samvinna góð eins og reyndar
hefur verið frá upphafi.
Eg verð að viðurkenna að ég
efast um að þessi breyting hafi
verið af hinu góða fyrir skólann.
Fram til þessa hafa sveitarfélögin
verið mjög samstíga um stuðning
við skólann og í raun yfirleitt
dregið ríkið áfram enda hafa ráða-
menn hér heima gert sér grein
fyrir mikilvægi skólans fyrir
svæðið. Við sjáum þess þegar
merki að baráttan fyrir nægu
rekstrarfé verður mun erfiðari en
áður og rekstrarlegu sjálfstæði
skólans er að vissu marki ógnað.
Við erum því um þessar mundir í
nokkurs konar varnarbaráttu sem
með sameiginíegu átaki verður
að snúa í sókn.
Skólinn á því láni að fagna að
hafa innanborðs gott og áhuga-
samt starfsfólk ogá undanförnum
árum hefur verið stöðugleiki í
starfsmannahaldi og góður andi
innan veggja skólans. Þetta er lyk-
ilatriði varðandi markvissa upp-
byggingu á skólastarfinu. Nú er í
gangi mjög áhugaverð vinna og
um ræða um innra starf framhalds-
skólanna sem ég vænti mikils af. I
þeim miklu og öru þjóðfélags-
breytingum sem við lifum í má
skólinn ekki staðna ef hann á að
standa undir nafni. Hann verður
að geta aðlagað sig þessum breyt-
ingum sem kostur er og ætíð vera
undir það búinn að taka upp ný
vinnubrögð og bjóða upp á nýtt
námsefni og leiðir þegar þörf kref-
ur en að vel athuguðu máli.
Ákveðin íhaldssemi er líka nauð-
synleg og því miður held ég að
skólayfirvöld á íslandi hafi á
stundum verið full fljót á sér og
framkvæmt breytingar eingöngu
breytinganna vegna.
Ágæta samkoma, ég ætla ekki
að hafa þessi orð öllu fleiri. Ég vil
að lokum þakka skólameistara,
kennurum og öðrum starfsmönn-
um skólans og ekki síSt samstarfs-
mönnum í skólanefrid fyrir gott
og ánægjulegt samstarf á liðnum
árum sem ég vona að hafi verið
skólanum til framdráttar.
Ágætu útskriftarnemendur. Um
leið og ég óska ykkur hjartanlega
til hamingju með þann áfanga
sem þið nú hafið lokið við, vona
ég að þið sem nú hverfið á braut
eigið góðar minningar úr skólan-
um, og að námið hér nýtist vel í
frekara námi og starfi; Ég óska
ykkur alls hins besta í ókominni
framtíð.
Guðmundur Björnsson,
formaður skólanefndar.
BIIAKRINGLAN
Gunnlaugur Dan afhenti nemum í siglingafræði skírtdni. Talið f.v. Georg
Þorkelsson, Leifur Guðjónsson, Hðmar Helgason, Jón Guðmundsson og
Margrét Gunnarsdóttir mætti fyrir hönd Heiðars sonar síns, sem kominn
var á sjó.
GRUNNSKOLI GRINDAVIKUR
Margrét Gísladóttir, fráfarandi
formaður skólanefndar, flutti
ávarp á skólaslitunum.
Ljósm. Bæjarbót.
Að venju voru skólaslit Grunn-
skólans í Grindavík þann 15. maí.
Við skólaslitin kom fram að til-
tölulega litlar breytingar eru fyrir-
sjáanlegar á kennaraliði skólans
fyrir næsta skólaár. Of lítill stöð-
ugleiki í kennaraliði skólans hefur
gert skólastarfi erfitt fyrir undan-
farin ár.
Sá mikli húsnæðisskortur sem
staðið hefur í vegi fyrir eðlilegu
skólastarfi virðist senn á enda.
Mikil samstaða meðal bæjar-
stjórnarmanna og íbúa Grindavík-
ur virðist ríkja um nauðsyn þess
að hafnar verði framkvæmdir við
skólann fljótlega og þeim jafnvel
lokið á næstu þremur árum. Um
er að ræða byggingu sem verður
1500—1700 m2 að stærð.
Nemendur voru rúmlega 400 í
vetur og kennarar 24. Grunn-
skólaprófi luku 34 nemendur,
bestum árangri náði Guðjón Ás-
mundsson. Bestur árangri yfir
skólann náði Ágústa S. Guðjóns-
dóttir í 7. bekk.
Ýmsar viðurkenningar voru
veittar fyrir góðan árangur. Lions-
klúbbur Grindavíkur og Kvenfé-
lag Grindavíkur veittu Katrínu
Jónsdóttur, Sesselju Pétursdóttur
og Róbert Sigurjónssyni viður-
kenningu fyrir góðan árangur í
handmenntum. íþróttabikar
UMFG hlutu Sigurrós Ragnars-
dóttir og Guðjón Ásmundsson.
Viðurkenningu úr Sæmundar-
stjóði hlutu Ágústa S. Guðjóns-
dóttir og Inga Magnúsdóttir. Fyrir
góðan árangur í dönsku Sigurrós
Ragnarsdóttir og fyrir ensku-
kunnáttu fékk Tryggvi Kristjáns-
son viðurkenningu frá Peniston
vinarbæ Grindavíkur á Englandi.
Skákmeistarar skólans urðu, í
yngri deild Ómar Hermannsson
og Tryggvi Kristjánsson í eldri.
Fyrir góðan árangur í siglinga-
fræði hlaut Heiðar H. Eiríksson
viðurkenningu.
Við skólaslitin færði Kjartan Ad-
ólfsson skólanum bókagjöf, fyrir
hönd síns árgangs, til minningar
um látinn skólabróður Braga Guð-
mundsson. Ávarpog kveðjur fyrir
hönd 9. bekkinga flutti Fjóla Ben-
ónísdóttir. Margrét Gísladóttir, for-
maður skólanefndar, þakkaði
starfsfólki skólans og nemendum
vel unnin störf og hvatti til frekari
uppbyggingar skólans. Við skóla-
slitin vantaði hóp nemenda úr 8.
og 9. bekk sem voru á skólaferða-
lagi í Hirtshals í Danmörku vinar-
bæ Grindavíkur. Annar stór hópur
nemenda úr 7. bekk er á förum til
Englands og heimsækir þar Penis-
ton vinarbæ Grindavíkur í Eng-
landi.
150 FAXI