Faxi - 01.12.2004, Blaðsíða 23

Körfuboltalið Keflavíkur
gerir það gott í Bikarkeppni
Evrópu (FIBA Europe Cup)
Karlalið Keflavíkur tók þátt í Bikarkeppni
Evrópu í körfubolta á síðasta ári og stóð
sig vonum framar, unnu m.a. þrjá heima-
leiki gegn frönskum og portúgölskum félaögum.
Eftir frábært tímabil hér heima (íslands- og bik-
armeistarar 2004) var ákveðið að taka aftur þátt í
keppninni á þessu ári. Það eru alls 33 lið sem
taka þátt og vegna þess hvernig liðin 33 raðast á
deildir (Vestur, Mið, Norður og Suður) þá voru
Vestur og Miðdeildir sameinaðar og þar léku 12
lið í þremur riðlum. Keflavík lék í A-riðli með eft-
irtöldum liðum:
* Reims Champagne, Frakklandi
* Bakken Bears, Danmörku
* CAB Madeira, Portúgal
í hinum tveimur riðlunum léku átta lið frá
Sviss, Portúgal, Ungverjalandi, Tékklandi og
Slóvakíu. Af þessum 12 liðum komust 8 áfram
í keppninni, tvö efstu liðin í hverjum riðli og
þau tvö stigahæstu af þeim sem eftir voru.
Leikdagar og úrslit í A-riðli voru sem hér segir:
* 3. nóv. Keflavík - Reims 93 - 73
* 10. nóv. Keflavík - Madeira 114 -101
* 18. nóv. Keflavík - Bakken Bears 80 - 81
* 23. nóv. Reims - Keflavík 94 -106
* 7. des. Bakken Bears - Keflavík 104 - 90
* 9. des. Madeira - Keflavík 92 - 82
Áður en keppnin í riðlinum hófst mátti
telja líkur Keflavíkur a.m.k. þokkalegar mið-
að við árangurinn í fyrra. Vitað var að Reims
var afar sterkt lið, ekki ósvipað Dijon sem var
í keppninni í fyrra og einnig eru Bakken Be-
ars sterkir en þeir hafa nánast verið einráðir í
danska körfuboltanum á undanförnum árum.
Árangur Keflvíkinga að þessu sinni hefur ver-
ið stórkostlegur en þeir léku sex leiki og urðu
í 2. sæti í riðlinum og eru komnir áfram í
næstu umferð sem leikin verður í janúar n.k.
og leika þeir þá gegn svissnesku liði. Verður
gaman að fylgjast með þeirri viðureign.
Köifiibolti á hœrra plani
Ekki er fráleitt að fullyrða að með þátttöku
sinni og frammistöðu í þessari keppni hafi
Keflavík lyft grettistaki í íslenskum körfu-
bolta. Við höfum fengið að sjá liðið kljást við
sterk erlend atvinnumannalið sem eiga á að
skipa mjög góðum leikmönnum. Keflvíkingar
hafa mætt þeirri áskorun og hefur liðið á köfl-
um leikið frábærlega og einstaka leikmenn
hafa átt þvílíka stórleiki að jafna má við leik
bestu manna í íþróttinni. T.d. hafa þeir Gunn-
ar Einarsson og Magnús Gunnarsson verið
nær óstöðvandi hvort sem það hefur verið í
vörn eða sókn. Hafa þeir ekki látið sér nægja
að skjóta á körfuna rétt utan þriggja stiga lín-
unnar heldur hafa þeir komið andstæðingun-
um í opna skjöldu með skotum langt þar fyrir
utan, skotum sem hafa ratað rétta leið í körf-
una. Þaö sem þó hefur einkennt leik liðsins
framar öðru er geysiöflugur varnarleikur.
Hafa andstæðingarnir oft á tíðum lent í
óskaplegum vandræðum og tapað boltanum
hvað eftir annað með þeim afleiðingum að
Keflvíkingarnir hafa skorað auðveldar körfur.
Þess má til gamans geta að rekstrarkostnaður
sumra liða sem Keflavík hefur mætt er yfir
300 milljónir króna, en það mætti reka Kefla-
víkurliðið í tvo áratugi fyrir þá f járhæð!
Körfuboltaáhugamenn hafa tekið þessari
þátttöku Keflvíkinga með miklum áhuga og
hefur félagið sinnt því með sóma að koma
upplýsingum á framfæri. Þegar útileikirnir
hafa staðið yfir má stöðugt fylgjast með gangi
leikjanna á heimasíðu félagsins og eru þá
heimsóknir á síðuna og flettingar svo þúsund-
um skiptir. Sjónvarpið hefur síðan sýnt valda
kafla úr heimaleikjunum að leik loknum.
Ljóst er að fylgst er með keppninni af áhuga
um land allt
Þátttakan hefitr kostað mikla vinnu stjómar og
leikmanna
Okkur lék forvitni á að vita hvernig Kefla-
vík hefur staðið að því að fjármagna þátttöku
sína í þessu móti því ekki er vafi á að kostnað-
urinn er mikill. Að sögn Hrannars Hólm sem
verið hefur formaður körfuknattleiksdeildar-
innar undanfarin ár þá má reikna með að
heildarkostnaður við keppnina í ár verði ná-
lægt fjórum milljónum. Ákveðið var að halda
sérstaklega utan um þetta verkefni þannig að
það kæmi ekki niður á öðrum rekstri deildar-
innar. Hafa stjórnarmenn og leikmennirnir
lagt fram mikla vinnu við ýmiskonar fjáröflun
og er óhætt að segja að menn hafi verið
óvenju hugmyndaríkir. Á næstunni mun m.a.
koma út geisladiskur þar sem leikmenn Kefla-
víkur flytja á stórskemmtilegan hátt nokkra
af stuðningsmannasöngvum liðsins. Eru leik-
mennirnir búnir að safna styrktarfé vegna út-
gáfukostnaðarins þannig að andvirði hvers
disks mun skila sér sem hreinar tekjur. Þá
hafa leikmenn verið að taka að sér ýmis við-
vik fyrir stofnanir og fyrirtæki og hafa greiðsl-
ur fyrir þau verk runnið til félagsins. Ágæt að-
sókn að sumum leikjanna hefur og skilað dá-
góðum tekjum og framlög úr Afreksmanna-
sjóði bæjarins hafa komið sér vel. Var Hrann-
ar bjartsýnn á að þegar upp væri staðið og öll
kurl komin til grafar að þá muni hafa tekist
að fjármagna þetta ágæta og skemmtilega
verkefni tvö ár í röð, en það hefur nú þegar
aukið hróður íslands á sviði körfuknattleiks-
ins. Við óskum liðinu góðrar framgöngu í
framhaldinu.
Keflvíkingar Norðurlandameistar
- sigmðu á Nordic Challence
- Norðurlandamót félagsliða i Osló
í fyrsta skipti var í vetur haldið Norður-
landamót félagsliða en slíkt hefur lengi verið
á dagskránni hjá körfuknattleiksforystunni á
Norðurlöndum. Mótið kallast Nordic Chal-
lence eða Nordisk Klubb Mesterskap og var
að þessu sinni leikið í Rykkinnhallen í Oslo
dagana 23. til 26. sept. Keflavík var boðið á
mótið fyrir hönd íslands og að sama skapi
mættu til leiks meistarar Noregs, Bærum Verk
Jets, meistarar Finnlands, Kouvot og Norrköp-
ing Dolphins frá Svíþjóð, en þeir urðu í öðru
sæti sænsku deildarinnar í fyrra. Dönsku
meistararnir, Bakken Bears (mótherjar Kefl-
víkinga í Evrópukeppninni í haust) boðuðu
forföll sökum þess að þeir stóðu sjálfir fyrir
eigin móti um þessa sömu helgi. Leikið var í
tveimur riðlum í mótinu og komst Keflavík í
úrslit og lék þá við finnsku meistarana Kou-
vot. Þrátt fyrir að hafa tapað fyrir þeim í und-
ankeppninni þá var allt annað upp á teningn-
um í úrslitaleiknum sem Keflavík vann 109 -
89. Glæsilegur árangur það.
HH
FAXI 23