Frjáls verslun - 01.11.2003, Blaðsíða 74

MENNING OG LISTIR
MENNINGIN ER AUKABÓNUS!
milljarðar
í menningu
og listir
Menningin skilar tæpum fjórum prósentum til landsframleiðslunnar og er það
tvöfalt meira en landbúnaðurinn. Allt að 4.000 manns vinna við menningar-
lega starfsemi og slagar það hátt upp í sjómannastéttina í landinu.
Eftír Guðrúnu Helgu Sigurðardóttur
Veltan í menningu og listum er mun meiri
en flestir gera sér grein fyrir, eða um 35
milljarðar króna á ári. Ágúst Einarsson,
prófessor í hagfræði við Háskóla íslands, hefur
skoðað hagræn áhrif menningar. Hann telur að
menningin skili um ijórum prósentum til
landsframleiðslunnar og bendir á að
það sé tvöfalt meira en land-
búnaðurinn enda sé menning mun
stærri atvinnugrein en flestir átti sig
á. Ágústi telst svo til að um 4.000
manns vinni við menningarlega starf-
semi. Þá eru ótaldir allir þeir sjálfboða-
liðar og ólaunaðir áhugamenn sem koma
að listum og menningarstarfsemi í landinu.
Sá íjöldi er drjúgur. Rétt er að hafa í huga að
sjómenn eru um 5.000 talsins.
Hallgrímur Helgason rithöfundur.
Fjölmíðlarnir stærstir Hjá Hagstofu íslands
fást þær upplýsingar að heildarveltan í öllum
atvinnugreinum í landinu hafi numið 1.300
milljörðum króna árið 2001 og að veltan í
atvinnugreinum tengdum listum og menningu
hafi þá numið 35 milljörðum króna, eða 2,7
prósentum af heildinni. Þetta eru grófar tölur
og ýmislegt getur skekkt reikninginn. Hag-
stofan hefur sína flokkun mjög breiða og tekur
ekki bara tillit til fjölmiðla - svo sem dagblaða
og tímarita, útvarps- og sjónvarpsstöðva -
heldur einnig prentsmiðja, hljóðritaðs efnis,
kvikmyndagerðar, framleiðslu og dreifmgar,
t.d. myndbanda, fjölföldunar og svo mætti
lengi telja. En bæði hjá Ágústi og Hagstofunni
eru ijölmiðlar teknir með í reikninginn. Rétt er
að hafa í huga að þegar talað er um menningu
í þessari grein er það gert í mjög víðri merk-
ingu og tengdar atvinnugreinar teknar með.