Ármann - 01.11.1938, Blaðsíða 17

Á R M A N N
ii
Glímufélagið Armann
er elsta starfandi íþróttafélag 1andsins.
GlímufélagiÖ Ármann er stofna'Ö 15. desember
1888, og verður því 50 ára 15. næsta mánaðar.
Aðalstofnendur félagsins voru sira Helgi Hjálni-
arsson, nú búsettur á Hringbraut 144 hér i bæ og
Pétur heitinn Jónsson blikksmiður.
Til þessa tíma hefir stofndagur félagsins verið
talinn 7. janúar 1906, sökum þess að eldri gerða-
bækur félagsins voru glataðar og forntíð þess yngri
mönnum félagsins ókunn. En á 30 ára afmæli Ár-
manns, sem haldið var og talið frá 1906, skýrði
séra Helgi Hjálmarsson, Kristinn Pétursson o. fl.
eldri menn frá því, að félagið væri eldra.
Hefir síðan verið unnið að því, að fá fornsögu
félagsins skráða eftir minni þeirra manna, sem stofn-
uðu Ármann og störfuðu i félaginu sem stjórnend-
ur þess eða félagar alt til ársins 1906. Enn frem-
ur hefir verið stuðst við blaðaummæli frá þeim tíma.
Útdráttur úr sögu félagsins er i stuttu máli þessi:
25. nóvember 1888 gengur séra Helgi Hjálmars-
son i stúkuna Einingin og hittir þar Pétur Jónsson
blikksmið, sem þá var kunnur glímumaður, og berst
tal þeirra að íslenskri glímu. Verður það að sam-
Helgi
Hjálmarsson.
Pétur Jónsson.
komulagi þeirra í millum, að stofna glímufélag
meðal stúkubræðra.
30. nóv. sama árs hefjast svo æfingar í Templ-
arahúsinu, en 15. des. sama ár er haldin æfing inni
á Rauðarártúni, ])vi sumir héldu betra að detta á
túni en fjalagólfi. Stakk Pétur Jónsson upp á því,
að félaginu væri nafn gefið og látið heita Ármann.
Var það samþykt með margföldu húrra. Á æfingu
þessari voru mættir milli 20 og 30 menn. Eftir það
var aftur horfið i Templarahúsið og æft þar til
ársins 1893, að séra Helgi fluttist úr bænum norð-
ur í land. Eftir það var lengi æft i húsi Framfara-
félagsins, Beringshúsi og víðar.
Fyrsta kappgliman var háð 1889, önnur 1890, og
svo altaf i sambandi við þjóðhátíðina, sem haldin
var árlega, og er þeirra flestra getið í blöðum frá
þeim tíma.
Eftir að séra Helgi fór norður voru þessir nú-
lifandi menn helstu menn félagsins: Ásgeir Gunn-
laugsson kaupmaður, Sveinn Árnason fiskimats-
stjóri, Kristinn Pétursson blikksmiður, Þorgrímur
Jónsson veggfóðrari, Laugarnesi, Erlendur Erlends-
son veggfóðrari o. m. fl. Hafa þeir rakið sögu fé-
lagsins frá ári til árs, til 1906, og hefir starfsem-
in aldrei fallið niður, þó stundum hafi erfiðlega
gengið, aðallega vegna húsnæðisvandræða. Þá urðu
þeir tvisvar fyrir því óhappi, að tapa gerðabókum
félagsins. í fyrra skiftið var strokið með þær og
sjóði félagsins til Ameríku, en í síðara skiftið brunnu
þær með húsi Jónatans Þorsteinssonar, Vatnsstíg 3.
Þ. Magnússon.