17. júní - 01.11.1925, Blaðsíða 3
17. JUNÍ
51
skipi 1871 fjekk Þórður brjef frá þeim
um að sjer stæði staðan opin, en fara
yrði hann strax norður áður skip
kæmu þangað; en lána varð hann fje
til fararinnar, því að efnin voru engin.
Þegar norður kom settist hann fyrst
að hjá Sveinbjörnsen mági sínum. Fór
nú Schou að skila af sjer vöruleifum og
fá þær í hendur Þórði, einnig gjörðu
þeir upp bækur, áður skip kæmu.
Fjekk Þórður Schou til þess að segja
álit sitt um hvern einstakan skuldu-
naut.
Þegar skip kom fyrst í maí var því
alt undirbúið og mátti þegar fara að
afgreiða skipið. Við rannsókn kom
fram, að viðskilnaður Schous var í
mestu óreglu.
Konu sinni og 3 börnum tókst Þórði
að ná að sunnan á skipi með elsta
Watnesbróðurnum, sem þá verslaði
með timbur í Reykjavík. Húsgögn þau,
sem hann átti eigi fyrir, keypti hann
af Schou, og komst heimili hans brátt
í lag. Þórður ljet sjer jafnan mjög
umhugað um, að verslunin væri byrg
af matvöru, en um glingur var þar
lítið.
Vorið 1872 urðti ákafir jarðskjálftar
á Húsavík, svo alt sem lauslegt var
hentist úr stað. Sendi Þóiður þá konu
og börn til sjera Magnúsar á Grenjað-
arstað, en veður var kalt, og fjekk
eitt barn hans, Andrjes, lungnabólgu
og dó.
Árið 1882 var kaupfjelag Þingeyinga
stofnað. Upphaflega átti kaupfjelag
þetta að vera pöntunarfjelag, en brátt
kom það á fót söludeild, því að
ómögulegt reyndist að menn gætu
pantað alt sem þarfnaðist. Mun við-
skilnaður sumra við verslun Örum &
Wulfs eigi hafa verið sem bestur og
reis af óvild og deilur milli Þórðar og
kaupfjelagsforkólfa.
Árið 1881 dó Halldóra kona Þórðar,
og syrgði hann hana mjög. — Börn
átti Þórður mörg: Þórð, nú lækni á
Bornholm, Stefán kaupmann á Húsavík,
Sveinbjörn fiskimatsmann á Húsavík,
Pjetur, dó ungur í Kmhöfn við laganám,
Kirstínu konu fyrv. læknis Ásgeirs
Blöndals, Baldur, búsettan í Ameríku,
Friðrik sömuleiðis og Þóru konu Ja-
kobs Möllers í Reykjavík, en hún er
dáin fyrir fáum árum.
Árið 1892 giftist Þórður í annað sinn
Maju, dóttur Theodórs Sveinbjörnsens,
er lengi var læknir í Silkiborg og dó
þar; hún var því bróðurdóttir fyrri
konu hans. Eiga þau 6 börn á lífi.
Árið 1902 ljet Þórður af verslunar-
störfum, fluttist til Danmerkur og
dvaldist fyrst á Langalandi en fluttist
síðan til Kaupmannahafnar.
Þórður var á yngri árum fríður
maður og glæsilegur, freklega meðal-
maður á vöxt, herðabreiður og þykkur
undir hönd. Hann var ljós yfirlitum
með bjart hár og yfirskegg, krafta-
maður mikill, snar og fylginn sjer með
afbrigðum, sjómaður góður og aíbragðs
skytta. Hann var allra manna áreið-
anlegastur, ef hann lofaði einhverju,
tryggur vinum sínum en harður í horn
að taka þeim, sem honum þótti bregð-
ast sjer. í stuttu máli: glæsimenni og
drengskaparmaður. . . r . . I.