Starfsmannablað Reykjavíkur - 01.12.1939, Page 30

STARFSMANNABLAÉ) reykjavíkur
ur, sem skunda leið sína eftir götum
borgarinnar jólanótt. Borgin á marg-
víslegt brotasilfur í fórum sínum. —
1 veitingasal járnbrautarinnar var
margt manna, og andlitin, sem þar
mátti sjá voru ólík hvert öðru eins og
fólkið í látæði og tali. Þó var ekki um
það að villast, að hér voru samankomn-
ir farandmenn, aðskotadýr — sitt úr
hverri áttinni, menn, sem höfðu lagt
land undir fót og settust nú að snæðingi
saman stutta stund til þess síðan að
halda áfram þrotlausri ferð sinni. Hér
voru og einstæðingar og heimilislausir
piparsveinar, hér voru allir þeir, sem
hvergi höfðu fest rætur. Jólanótt stofn-
uðu þeir eitt allsherjar heimili, — en
aðeins eina nótt.
Sessunautur minn var landflótta
Rússi. Hann var í engu sérlega ólíkur
öðrum, sem þarna voru samankomnir.
Ég man betur eftir honum vegna þess
eins, að hann sat nær mér en hinir. Þó
töluðum við lítið saman, nóg til þess að
mig gat grunað, að þau hefðu verið ein-
kennileg og harðhent forlögin, sem stýrt
höfðu skrefum hans inn í þennan sal, ef
til vill þó ekki einkennilegri né harðhent-
ari en forlög margra þeirra, sem þarna
voru saman komnir.
Áður en varði var stór hljóðfæra-
flokkur farinn að leika jólasálma, jóla-
tréð var tendrað með nokkuð sviplegum
hætti, því rafmagnsljós var á hverju
,,kerti“ og tendruðust öll í einu. —
Allt í einu byrjaði einhver að syngja,
og brátt tóku allir undir. Söng hver með
sínu nefi og hver á sinni tungu. — Jólin
voru komin inn á heimili einstæðinga,
piparsveina og útlaga.---------
Á heimleiðinni um mannlausar og
auðar götur borgarinnar, tók ég eftir
því, að veðrið var að breytast.
Það var hætt að rigna.
Kominn var hægur andvari, og brátt
hnigu hvítar snjóflyksur til jarðar.
Áður en ég kom heim voru göturnar
orðnar alhvítar.
Engin spor voru í snjónum.
Borgin hafði hjúpað um sig hvítu líni,
falið gullin sín og brotasilfrið allt undir
hvítu líni.---------
Lárus Sigurbjörnsson.
Lífeyrissjóðsgjaldið og
Eftirlaunasjóður bæjarins.
Bæjarráðið hefir nýlega á fundi sín-
um samþykkt að Jeita viðurkenningar
Tryggingarstofnunar ríkisins á Eftir-
launasjóði Reykjavíkurbæjar. Mun að
sjálfsögðu ekki standa á viðurkenning-
unni, þar sem Eftirlaunasjóður bæjar-
ins fullnægir hæglega skilyrðum trygg-
ingarlaganna. — Eins og kunnugt er,
hefir stjórn St. R. sótt það allfast við
stjórn Eftirlaunasjóðs og bæjarráð, að
sækja um viðurkenningu fyrir sjóðinn.
enda losna þá fastir starfsmenn bæjar-
ins við verulegan hluta af gjöldum sín-
um til lífeyrissjóðs.
STARFSMANNABLAÐ
REYKJAVÍKUR
óskar öllum lesendum sínum
GLEÐILEGRA JÓLA
og
FARSÆLS NYÁRS.