Bankablaðið - 01.12.1981, Síða 15

réttlæta fjármagnsþörf viðkomandi
árs/tímabils. Með þessari aðferð fer
fram endurskoðun á markmiði og
starfi hverrar einingar.
Að framan hafa verið raktir ýmsir
þættir tengdir áætianagerð. í fram-
haldi af því er rétt að víkja lítils hátt-
ar að æskilegu upplýsingakerfi, til að
auðvelda áætlanagerð og bæta enn-
frekar árangur hennar.
Upplýsingastreymi
Stuðla ber að, sem árangursrík-
asta upplýsingakerfi innan bankans.
Til þess þurfa upplýsingar að berast
hindrunarlaust milli staða. Allar
upplýsingar verða að vera skiljan-
legar fyrir þá sem þær nota. Þetta er
ekki hvað síst mikilvægt, ef upplýs-
ingar tengjast lykilmarkmiðum
stofnunarinnar. Þetta upplýsinga-
flæði er grunnurinn að ákvarðana-
töku yfirmanna, þar sem þeir byggja
ákvörðun á niðurstöðum aðfeng-
inna skýrslna. Eftirtalin atriði skal
leggja áherslu á, þegar unnið er að
upplýsingasöfnun og úrvinnslu
þeirra.
a) Upplýsingagildið:
Tími yfirmanna er dýrmætur, því
ber að forðast margbrotnar og
flóknar talnaupplýsingar. Byggja
meira á hnitmiðuðum skýrslum, að
því marki sem hentar stjórnendum
hverju sinni. Upplýsingastreymið
verður að vera í sem samþjöppuð-
ustu formi. Draga úr lítilvægum
upplýsingum á leiðinni frá upp-
sprettu til áfangastaðar (stjóm-
enda).
b) Stjórnunarlegt mat:
Hin réttu stjórnunaráhrif fást með
réttu mati á skýrslum og öðrum
upplýsingum. Þær verða því að vera
sem ábyggilegastar. Þess vegna þarf
fyrst af öllu að sannreyna sannleiks-
gildi upplýsinga, áður en skýrslu-
gerðin (áætlanagerðin) hefst.
c) Verkleg áhrif:
Upplýsingar verða að vera not-
hæfar. Lítið gagn er að safna massa
upplýsinga, ef þær tengjast lítið sem
ekkert viðfangsefninu. Þrátt fyrir
það er rétt að benda á mismundandi
möguleika. Út frá því er auðvelt að
meta afleiðingar ýmissa valkosta.
d) Nákvæmni:
Upplýsingar eru ýmsum breyting-
um háðar. Einkum eru ytri áhrif
margvísleg og mismunandi. Efna-
hagslegar sveiflur, til að mynda,
eru sjaldnast eftir ákveðnum regl-
um. Mótun kerfisins verður að taka
til greina hugsanlega þróun, svo að
nálgunin við raunveruleikan verði
raunhæfari.
Ofangreind atriði stuðla að teng-
ingu stjórnenda og skipulagsins í
heild. Yfirmenn eru því ávallt með í
verkrásinni. Þátttaka þeirra gefur
þeim innsýn í ríkjandi kerfi. Þetta
auðveldar þeim að koma á breyting-
um,ef þörf krefur. Auk þess er vel
skipulagt upplýsingastreymi óhjá-
kvæmilegt, til að stuðla að góðum
árangri í áætlanagerð. Hún verður
auðveldari, þar sem treyst er á
snurðulaust upplýsingaflæði.
Niðurstöður.
Hér að framan hafa veirð raktir
nokkrir punktar varðandi áætlana-
gerð. Hafi áætlanagerð ekki verið
gerð áður kallar hún á uppskurð
ríkjandi skipulags. Þessu fylgir
óhemju vandasöm og nákvæm
vinna. Vert er að gera sér í upphafi
grein fyrir öllum möguleikum. Fyrir
alla muni ber að varast ofhleðslu í
skipulaginu. Virkja skal góðar hug-
myndir og gefa vinnuhópum mögu-
leika til að hafa áhrif á gang mála.
Samræma verður hugmyndir og að-
laga þær væntanlegu kerfi. Með
þessu verður skipulag, sem höfðar til
áætlanagerðarinnar styrkt, en það
sem álitið er í mótsögn við hana er
fellt út.
Vitneskjan um þá röskun, sem
orðið getur af ófyrirséðum og
óvæntum atburðum hlýtur að marka
uppbyggingu áætlanagerðarinnar.
Þetta krefst þess að mögulegt verði
með einhverjum hætti, að bregðast
rétt og fljótt við þess háttar atvikum.
Þess vegna er mikilvægt aðstyðjast
við kerfi auðfenginna upplýsinga,
sem auðvelt er að túlka, og stríðir
ekki gegn eiginleika skjótra við-
bragða.
Guðjón Skúlason,
Landsbanka Island.
landsmönnum öllum
ra jóla árs og friðar.
viðskiptin á liðnum
um land allt.
15