Morgunblaðið - 28.11.2008, Qupperneq 12

12 FréttirINNLENT
MORGUNBLAÐIÐ FÖSTUDAGUR 28. NÓVEMBER 2008
Eftir Sigtrygg Sigtryggsson
sisi@mbl.is
SKIPULAGSRÁÐ Reykjavíkur
hefur til umfjöllunar tillögur að
deiliskipulagi fyrir Glitnisreitinn á
Kirkjusandi. Uppi eru metnaðarfull
áform um byggingar á svæðinu en
skipulagsráð hefur óskað eftir frek-
ari upplýsingum frá Glitni um
áformin, í kjölfar þess að bankinn
fór í þrot í síðasta mánuði.
Eins og fram hefur komið hér í
blaðinu keypti Glitnir svokallaða
stætólóð við hlið höfuðstöðva sinna
af borginni árið 2006. Efnt var til al-
þjóðlegrar samkeppni um skipulag á
svæðinu þar sem gera átti ráð fyrir
nýjum höfuðstöðvum Glitnis auk
frekari skrifstofubygginga og tak-
markaðrar íbúðabyggðar. Arki-
tektastofan Monarken í Svíþjóð fór
með sigur af hólmi.
Íbúðabyggðin stækkuð
Í nýrri greinargerð til skipulags á
svæðinu, sem lögð er fram af Lómi
ehf, dótturfélagi Glitnis, er tillög-
unni breytt í þá veru, að íbúðabyggð
er stækkuð umtalsvert og skrif-
stofubyggingum fækkað. Batteríið
arkitektar er samstarfsaðili Mon-
arken á Íslandi. Í greinargerð arki-
tektanna segir að meginmarkmið
deiliskipulags fyrir svæðið sé að
skapa ramma fyrir skrifstofusvæði
(„business park“) í háum gæðaflokki
og með afgerandi virðuleika í bland
við íbúðahúsnæði og þjónustu-
starfsemi. Einnig að móta skjólsæl
útirými af háum gæðum sem stuðli
að öflugu mannlífi þar sem svo til öll
bílastæðaþörf sé leyst í neðanjarð-
argeymslum.
Meginhugmynd deiluskipulagsins
byggist á samfelldum garð- eða
torgsvæðum þar sem einungis gang-
andi og hjólandi umferð verður
leyfð, segir í tillögunum. Byggðin
muni einkennast formlega séð af
einsleitum húsum, þar sem fjöl-
breytni skapist af mismunandi hæð-
um og umfangi húsanna, óreglulegri
niðurröðun þeirra og fjölbreyttum
sjónlínum til sjávar.
Reitnum verði skipt upp í 7 bygg-
ingalóðir sem hverfist um „aðalgötu“
milli Kirkjusands og Borgartúns og
skipti reitnum í tvö undirsvæði.
Annars vegar atvinnu- og íbúða-
svæði næst Sæbraut og hins vegar
hreina íbúðabyggð samsíða núver-
andi íbúðabyggð við Laugarnesveg.
Aðkoma að byggðinni á að vera
frá Borgartúni og Kirkjusandi og
innkeyrsla í neðanjarðarbíla-
geymslur frá og undir Sæbraut.
Yfirborð einstakra lóða á að
vera samfellt göngusvæði, þar sem
einungis verður leyfð aðkoma
leigubíla og neyðarbíla. Íbúða-
byggingarnar verða 4 til 11 hæðir
og gert er ráð fyrir því að á neðstu
hæðum allra bygginganna verði
þjónustu- og verslunarstarfsemi
áskilin eða leyfð. Í samræmi við
aðalskipulag verða a.m.k. 10%
íbúða 80 fermetrar eða minni. All-
ar byggingarnar verða hvítar og
klæddar sléttri klæðingu, múraðar
og klæddar málmplötum eða flís-
um.
Þá segir í tillögunum að leitast
verði við að hafa sjálfbæra þróun
að leiðarljósi í skipulaginu. Meðal
annars verði þök allra húsanna
lögð grasþökum. Með verulegri
íbúðabyggð á reitnum skapist skil-
yrði fyrir fólk til þess að búa ná-
lægt vinnustað sínum.
Hvít hús við sjóinn
Í nýjum tillögum um uppbyggingu Glitnisreitsins er gert ráð
fyrir blandaðri byggð með takmarkaðri umferð
SIGRÚN Ragna Ólafsdóttir, framkvæmdastjóri fjármála- og rekstrarsviðs
Nýja Glitnis, segir að framtíð Glitnissvæðisins á Kirkjusandi sé til skoðunar
innan bankans.
„Samkvæmt upplýsingum frá Borgarskipulagi er deiliskipulag fyrir
svæðið í vinnslu. Búist er við að þeirri vinnu ljúki á næstu 6 mánuðum. Ekki
hefur verið mörkuð nákvæm stefna innan Nýja Glitnis hvað varðar upp-
byggingu á svæðinu. Það má vera ljóst, miðað við gjörbreyttar aðstæður á
fjármálamörkuðum og þar með í starfsemi bankans, að uppbygging á
svæðinu verður ekki með þeim hætti sem upp var lagt með snemma árs
2007,“ segir Sigrún Ragna.
Aðstæður eru gjörbreyttar
Verðlaunatillagan Öll hús á Glitnisreitnum eiga að vera hvít á litinn samkvæmt tillögu arkitektanna.
VERSLUNUM Next og Noa Noa í
Kringlunni hefur verið lokað tíma-
bundið í kjölfar gjaldþrots félagsins
Nordex ehf., sem rak umræddar
verslanir.
Að sögn Magnúsar Pálma Skúla-
sonar hdl., skiptastjóra Nordex, er
hann í viðræðum við aðila um að
kaupa reksturinn en niðurstaða
liggur ekki fyrir. Kveðst Magnús
vonast eftir niðurstöðu fljótlega.
Verslanir Next og Noa Noa hafa
verið í leiguhúsnæði í Kringlunni.
Nordex ehf. var dótturfélag Árdeg-
is, sem einnig var tekið til gjald-
þrotaskipta. Meðal eigna Árdegis
voru verslanir BT, sem lokað var
fyrir nokkru. Hagar keyptu helstu
eignir BT af þrotabúinu, í kjölfar
gjaldþrotsins.
Skiptastjóri Nordex ehf. hefur
auglýst eftir kröfum í búið. Skulu
þær berast innan tveggja mánaða
frá birtingu innköllunar. Skipta-
fundur verður haldinn 6. febrúar
2009. sisi@mbl.is
Morgunblaðið/Valdís
Lokað Tilkynning er á hurð Next um að versluninni hafi verið lokað.
Verslanir Next og
Noa Noa til sölu
RÍKISKAUP hafa fyrir hönd heil-
brigðisráðuneytis auglýst eftir
rekstraraðila til að reka allt að 35
skammtíma hjúkrunarrými og allt að
30 dagdeildarrými. Heimilt er að
senda inn tilboð í rekstur á færri rým-
um, segir á vef Ríkiskaupa.
Verkefni þetta er unnið á grund-
velli undangengins þróunarverkefnis
sem staðið hefur yfir í nokkrun tíma.
Gert er ráð fyrir að rekstur hefjist
eigi síðar en 1. febrúar 2009. Hins
vegar er talið æskilegt að rekstur
hefjist eins fljótt og auðið er.
Rekstraraðili skal fullnægja kröf-
um landlæknisembættisins um gæði
þjónustu, húsnæði og tækjabúnað.
Þjónustan er ætluð sjúklingum sem
fá þjónustu hjá heimahjúkrun á höf-
uðborgarsvæðinu og skjólstæðingum
öldrunarsviðs Landspítala.
sisi@mbl.is
Hjúkrunarrými
auglýst í útboði