Morgunblaðið - 06.12.2008, Blaðsíða 4
4 FréttirINNLENT
MORGUNBLAÐIÐ LAUGARDAGUR 6. DESEMBER 2008
Eftir Gunnhildi Örnu Gunnarsdóttur
gag@mbl.is
LJÓST er að nokkrir bankar munu kaupa Kaupþing í
Lúxemborg takist að selja bankann. Þetta segir Friðjón
Einarsson, talsmaður Kaupþings í Lúxemborg. Búist var
við að bindandi kauptilboð yrðu gerð í bankann í gær,
föstudag, en það gekk ekki eftir. Friðjón segir að salan sé
flókin. „Bankinn er á þrennum vígstöðvum: Belgíu, Lúx-
emborg og Sviss og hann er í greiðslustöðvun. Þetta tek-
ur lengri tíma en menn áætluðu.“
Yfirvöld í Lúxemborg beita sér fyrir því að selja bank-
ann með aðstoð PricewaterhouseCoopers, þar sem bank-
inn sé lúxemborgískur og dótturfyrirtæki Kaupþings hér
heima, og segir Friðjón ekki ljóst fyrr en í næstu viku
hvort það takist.
Að sögn blaða í Lúxemborg og Belgíu eru Keytrade
Bank, dótturfélag franska bankans Credit Agricole,
þýski bankinn Landesbank Nord og fjárfestingarsjóður
Líbýu meðal þeirra sem hafa sýnt bankanum áhuga. Það
staðfestir Friðjón en hrekur það að Sigurður Einarsson,
stjórnarformaður gamla Kaupþings, leiði hóp fjárfesta.
„Hvorki Sigurður Einarsson né aðrir starfsmenn
bankans hafa með kaup á bankanum að gera,“ segir
hann. „Eftirlit með bankastarfsemi í Lúxemborg er mun
meira en gengur og gerist. Núna síðastliðnar níu vikur
hafa yfirvöld grandskoðað bankann og ekkert misjafnt
fundið.“
Friðjón vísar því á bug að bankinn seljist á spottprís.
„Ef af kaupunum verður þarf að leggja honum til um
tuttugu milljarða króna í nýtt hlutafé svo hann verði
starfhæfur aftur.“ Þá segir hann skuldbindingar þeirra
sem kaupi bankann gríðarlegar. „Hagsmunir Íslendinga
í málinu eru þeir að okkur takist að greiða öll innlán við-
skiptavina okkar í Evrópu. Við erum að tala um allt að
800 milljónum evra. Það er von okkar að það takist. Þá
skaðast ekki ímynd Íslendinga hér ytra.“
280 starfa í bankanum, þar af átján Íslendingar. Frið-
jón segir að takist að selja bankann verði hann end-
urskipulagður. „Ég tel að starfsmönnum fækki.“
Bankinn bútaður niður
Nokkrir bankar kaupa Kaupþing í Lúxemborg takist að selja bankann Tutt-
ugu milljarða króna kostar að hefja aftur rekstur hans og búist er við uppsögnum
Í HNOTSKURN
» Kaupthing Bank Lux-embourg S.A. hlaut nafnið
eftir að hafa fengið almennt
bankaleyfi árið 2000.
»Bankinn var dótturfyr-irtæki Kaupþings hér
heima. Hann var stofnaður
snemma á árinu 1998, þá sem
verðbréfafyrirtæki. Hann er
fyrsti erlendi bankinn í eigu Ís-
lendinga.
»Átján Íslendingar starfa viðbankann sem var með útibú
í Sviss og Belgíu. Magnús Guð-
mundsson var þar bankastjóri.
ÞAÐ hafði snarar hendur, starfsfólk Players og
iðnaðarmenn frá Stálnesi, eftir að eldur kviknaði
í olíublautum tuskum á skemmtistaðnum í gær-
morgun. Eftir að slökkvilið hafði lokið við að
reykræsta var tekið til við þrif og parketlögn svo
að tryggja mætti að hægt yrði að opna staðinn
um kvöldið, þar sem Stuðmenn áttu að skemmta.
Að sögn Jóhannesar Bachmann rekstrarstjóra
lögðu 40 manns hönd á plóg svo þetta mætti
ganga eftir. Þegar rætt var við hann um hálf
átta leytið í gærkvöld var búið að þrífa hvern
krók og kima staðarins og leggja nýtt parket á
300 fermetra gólfflöt auk þess sem yfirvöld
höfðu tekið staðinn út. Var því ekkert að van-
búnaði að opna einum og hálfum tíma síðar.
Enginn blettur undanskilinn þrifum
Morgunblaðið/RAX
ALLS hefur 304 lóðum verið skilað á árinu en 178 út-
hlutað. Þar af eru 62 einbýlishúsalóðir, 58 rað- og par-
húsalóðir og 184 fjölbýlishúsalóðir. Allar eru lóðirnar sem
skilað hefur verið á árinu 2008 í Úlfarsárdal og við Reyn-
isvatnsás, en nokkrum lóðum við Reynisvatnsás var end-
urúthlutað í sumar, samkvæmt upplýsingum fram-
kvæmda- og eignasviðs Reykjavíkurborgar. Í fyrra var
856 lóðum úthlutað og aðeins 16 skilað.
Níu einbýlishúsalóðum og tveimur lóðum fyrir fimm
íbúðum í rað- og parhúsum var skilað til Reykjavíkur-
borgar í nóvembermánuði. Það er langtum minna en skil-
að hefur verið í nágrannasveitarfélögunum Hafnarfirði
og Kópavogi, en þar voru fleiri byggingarlóðir í boði.
Óskar Bergsson, formaður borgarráðs og fram-
kvæmda- og eignaráðs, segir að þær reglur sem kynntar
hafi verið um lóðaúthlutanir og skil hafi mælst vel fyrir.
„Við lengdum í lánum, lækkuðum vextina og lengdum
framkvæmdatímann, þannig að við höfum gert það sem í
okkar valdi stendur til að auðvelda húsbyggjendum.“
Í nýju reglunum er lóðarhöfum, sem úthlutað var lóð-
um á föstu verði, heimilt að skila þeim og fá endur-
greiðslu, séu framkvæmdir ekki hafnar á lóðinni. Þeir
sem keyptu lóð í útboði geta ekki skilað henni aftur.
Í október og nóvember var 33 lóðum undir 202 íbúðir
skilað, eða um 2/3 hlutum íbúðafjöldans á árinu. Lóð fyrir
109 íbúða fjölbýlishús var meðal þeirra sem var skilað.
Á síðustu árum hefur 2.679 lóðum verið úthlutað. Þær
voru 428 árið 2004, 606 árið 2005 en á þeim árum var
engri lóð skilað, 611 árið 2006 og 69 skilað.
gag@mbl.is
Borgin úthlutaði 178 lóð-
um á árinu og fékk 304
Morgunblaðið/hag
Úlfarsárdalur Úlfarsfell byggist ekki eins hratt upp og
stefnt var að. Fjöldi hefur hætt við og skilað lóð sinni.
LÖGREGLAN á
höfuðborgar-
svæðinu hefur
auglýst eftir á
þriðja tug lög-
reglumanna. Að
sögn Stefáns Ei-
ríkssonar lög-
reglustjóra er
þetta mögulegt
vegna hagræðingaraðgerða innan
embættisins.
Stefán segir ástæðuna fyrir aug-
lýsingunni einfaldlega þá að það
vanti lögreglumenn til starfa. „Við
erum búin að skila okkar rekstrar-
áætlun til ráðuneytisins en hún gerir
ráð fyrir ýmsum hagræðingarað-
gerðum sem leiða til þess að við eig-
um að geta ráðið í þessar stöður. Það
er auðvitað með þeim fyrirvara að
við vitum ekki nákvæmlega hvaða
fjárveitingar verða til embættisins,
frekar en nokkur annar.“
Auglýst er eftir 22 lögreglumönn-
um. Stefán segir fyrst og fremst
vanta fleiri menn í almenna deild
lögreglunnar og á ekki von á öðru en
að viðbrögð við auglýsingunni verði
góð enda séu rúmlega 30 manns að
útskrifast úr Lögregluskólanum í
næstu viku. ben@mbl.is
Fjölgað
hjá lög-
reglunni
Auglýst eftir 22
lögreglumönnum
„BRÝNT er að TM komist í hendur
nýrra eigenda,“ segir Júlíus Þor-
finnsson, talsmaður Stoða, félags í
greiðslustöðvun til 20. janúar. „Það
sé brýnt fyrir hagsmuni lánar-
drottna Stoða og mikilvægt að eyða
óvissu starfsmanna TM og viðskipta-
vina þess,“ segir hann. Landsbank-
inn fari nú yfir forsendur sem Stoðir
vilji horfa til við söluna.
Bæði Kaldbakur og félag í eigu
Guðbjargar Matthíasdóttur höfðu
áhuga á að eignast TM og var sam-
þykkt á hluthafafundi að það fengi
Kaldbakur. Landsbankinn hafnaði
tilboði þess um yfirtöku á 42 millj-
arða króna lánum TM. „Báðir hóp-
arnir ætluðu sér að setjast niður að
samningaborði við Landsbankann
og finna flöt á skuldum og framtíð
fjármögnunar á TM,“ segir Júlíus.
Stoðir áttu ráðandi hlut í Glitni og
eiga einnig 40% í Landic Properties.
gag@mbl.is
Brýnt að
eyða óvissu