Morgunblaðið - 06.12.2008, Blaðsíða 26
26 FréttirINNLENT
MORGUNBLAÐIÐ LAUGARDAGUR 6. DESEMBER 2008
Laugardagur 6. desmber kl. 10.30
Í brennidepli
Hrun bankanna, rannsókn og rannsóknarnefnd
Birgir Ármannsson, alþingismaður, og Haraldur Ingi Birgisson,
lögfræðingur Viðskiptaráðs, ræða hrun bankanna á opnum fundi í
Valhöll. Vörður - Fulltrúaráð sjálfstæðisfélaganna í Reykjavík
stendur fyrir fundinum og Rúna Malmquist, viðskiptafræðingur, og
Theodór Bender, formaður Óðins, eru fundarstjórar.
Nánari upplýsingar um fundinn og félagsstarf sjálfstæðismanna má finna á
heimasíðu flokksins, www.xd.is, eða í síma 515 1700.
Eftir Svanhildi Eiríksdóttur
Reykjanesbær | „Höfum trú á okkur,
þá mun okkur takast allt,“ sagði
Hjördís Árnadóttir, framkvæmda-
stjóri fjölskyldu- og félagssviðs
Reykjanesbæjar, á fundi sem bæj-
arstjóri Reykjanesbæjar hélt með
íbúum á fimmtudag til þess að skýra
stöðu mála í ljósi efnahagskrepp-
unnar og kynna verkefni sem fram-
undan eru. Hjördís uppskar lófatak
fyrir og óhætt að segja að þetta hafi
verið einkunnarorð fundarins.
Guðbrandur Einarsson, formaður
Verslunarmannafélags Suðurnesja
og bæjarfulltrúi, hóf yfirreiðina með
því að kynna stöðu atvinnuleysis.
Guðbrandur sagði hæsta hlutfall at-
vinnulausra á Suðurnesjum, eða
9,67%. „Þetta er annað og meira en
við upplifðum þegar Varnarliðið fór
og gleymum því ekki að á bak við
þessar tölur eru 1.047 manneskjur
sem eiga erfitt og þarf að hjálpa.“
Guðbrandur sagðist áætla að at-
vinnuleysi ætti eftir að aukast frekar
en þegar botninum væri náð í 12 til
15% væri vonandi hægt að spyrna
upp aftur.
Hjördís Árnadóttir sagði frá
Virkjun, samfélagsverkefni sem hef-
ur það að markmiði að styrkja vel-
ferð og nýsköpun með nýtingu
mannauðs. Starfsemi Virkjunar á að
vera sjálfbær og grundvallast á sam-
hjálp og samstöðu. Unnið verður að
virkjun hugmynda og lausna, að
sögn Hjördísar með almennri ráð-
gjöf við einstaklinga og þróun nýrra
atvinnutækifæra.
Hjól atvinnulífsins snúist
Allar framkvæmdir í Reykja-
nesbæ og öll starfsemi á svæðinu
mun fyrst og fremst miðast að því að
láta hjól atvinnulífsins snúast,
sporna við atvinnuleysi með því að
skapa ný störf og sjá til þess að fólk
missi ekki húsnæði sitt og heimili.
Bæði Halldór Ragnarsson, fram-
kvæmdastjóri Húsaness, og Geir-
mundur Kristinsson sparisjóðsstjóri
lögðu áherslu á þessi atriði í máli
sínu og nefndu að hér þyrfti stuðn-
ing ríkisvaldsins. „Engin ný verkefni
eru á döfinni á vegum Reykjanes-
bæjar, en nóg af framkvæmdum,“
sagði Guðlaugur Sigurjónsson,
framkvæmdastjóri umhverfis- og
skipulagssviðs Reykjanesbæjar, og
bætti við að horft yrði til mann-
frekra verkefna.
Í Helguvík og á Vallarheiði eru
mörg ónýtt tækifæri sem hugmynd
er að nýta og þegar er byrjað að
nýta. Álver í Helguvík, kísilverk-
smiðja í Helguvík, gagnaver á Vall-
arheiði og ný menntatækifæri hjá
Keili voru meðal þess sem kynnt var
á fundinum. Ný starfsemi gæti skap-
að í kringum 2.000 störf í áföngum á
næstu árum og nýjar námsbrautir
hjá Keili skapað nýja mennt-
unarmöguleika. Hins vegar hefur
fjármálakreppan, þó aðallega orð-
spor Íslendinga á alþjóðlegum fjár-
málamörkuðum, sett strik í reikn-
inginn varðandi fjármögnun
Helguvíkur og áður en hægt verður
að taka skóflustungu að húsnæði kís-
ilverksmiðju verður að tryggja raf-
orkusamning. Gagnaverið þarf fleiri
sæstrengi áður en hægt verður að
gangsetja það, en lagning þeirra er á
döfinni. Einnig er fyrirhuguð frekari
uppbygging auðlindagarðs á
Reykjanesi á vegum Hitaveitu Suð-
urnesja. Þá býður nálægðin við al-
þjóðaflugvöll upp á mikla möguleika,
því áfangastaðir eru margir beggja
vegna Atlantshafs, eins og fram kom
hjá Elínu Árnadóttur, forstjóra
FLE ohf. Sautján flugfélög tengdust
starfsemi Leifsstöðvar og þótt ís-
lensku ferðafólki ætti eftir að fækka
á næstu árum gerir Elín ráð fyrir að
árið 2013 verði fjöldi ferðafólks bú-
inn að ná tölu ársins í ár.
„Á tímum breytinga sest fólk oft
niður og horfir á hlutina upp á nýtt,“
sagði Runólfur Ágústsson, fram-
kvæmdastjóri Keilis. „Okkar verk-
efni er að opna dyr,“ sagði Runólfur
Einar Bárðarson, verkefnisstjóri í
ferðaþjónustu Reykjanesbæjar, s.s.
Hljómahallar, Víkingaheima og Blue
diamond, lauk sínu máli hins vegar á
því að segja að íbúar svæðisins gætu
farið inn í hátíðina með glöðum hug,
því tækifærin væru augljóslega hér.
„Höfum trú á okkur,
þá tekst okkur allt“
Horft fram á veginn á fjölmennum íbúafundi í Reykjanesbæ
Morgunblaðið/Svanhildur Eiríkdóttir
Virkjun Hjördís Árnadóttir, framkvæmdastjóri fjölskyldu- og félagsmála-
sviðs, sagði frá þróun nýrra atvinnutækifæra með virkjun hugmynda.
Í HNOTSKURN
»Hæsta hlutfall atvinnu-lausra er á Suðurnesjum,
eða 9,67%.
»Á bak við þessar tölur eru1.047 manneskjur.
»Ný starfsemi í Reykja-nesbæ gæti skapað í kring-
um 2.000 störf í áföngum á
næstu árum og nýjar náms-
brautir hjá Keili skapað nýja
menntunarmöguleika.
„MÉR líst afskaplega vel á
þessar hugmyndir með
kísilverksmiðju, en það
vantar enn og aftur orku-
öflun til þess að þetta
verkefni geti farið af stað.
Það er eiginlega sama
sagan með Helguvík-
urverkefnið. Þar stendur á
iðnaðarleyfi til þess að
þeir geti farið í fram-
kvæmdir á sínum áætl-
unum. Þannig að það stendur pínulítið upp á stjórn-
völd að hægt sé að hrinda þessum verkum í
framkvæmd og það er brýnt,“ sagði Skúli Thorodd-
sen, framkvæmdastjóri Starfsgreinasambandsins, þeg-
ar hann var inntur eftir því af blaðamanni hvernig
honum litist á þær hugmyndir sem verið væri að
kynna á fundinum.
Skúli sagði ljóst að á svæðinu væru ýmis framtíð-
artækifæri sem menn gætu ekki látið framhjá sér
fara. „Ég dreg það hins vegar í efa að hægt verði að
byrja á þessum framkvæmdum á næsta ári, eins og
áætlanir kveða á um. Við verðum sennilega að bíða
fram til ársins 2010 til þess að sjá einhvern árangur.
Hér hafa verið mikil tækifæri og þau eru enn fyrir
hendi. Ég bind miklar vonir við Helguvíkurverkefnið.“
Bindur vonir við
Helguvíkurverkefnið
Vongóður Skúli Thorodd-
sen segir tækifærin mörg.
MEÐAL gesta á íbúafund-
inum voru vinkonurnar
Hildur Hauksdóttir og Elín
Arnbjörnsdóttir. Hildur er
atvinnulaus og vinnur að því
að skapa sér atvinnutæki-
færi en Elín sagðist heppin
að vera í vinnu. Þær voru
mjög áhugasamar um það
sem fram kom á fundinum
og sumt kom greinilega á óvart. „Það hefur ýmislegt kom-
ið hér fram sem mér líst ágætlega á og væri sniðugt, en ég
hef ekkert mikla trú á því að það virki akkúrat núna,“
sagði Elín. Hún tók fram að sér fyndist málin vera borin á
borð helst til léttvægt, eins og þetta væri ekkert mál.
Hildur sagðist setja spurningarmerki við af hverju væri
verið að ræða þetta núna, flestar hugmyndirnar væru
búnar að vera svo lengi í farvatninu. „Nema þessi Virkjun,
sem Hjördís Árnadóttir var að kynna, samfélagsverkefni
sem sprettur upp vegna ástandsins. Þó að þetta sé hugsað
sem sjálfbær starfsemi og litlir peningar lagðir í þetta þá
er það félagslegi þátturinn sem skiptir máli,“ sagði Hild-
ur.
Hildur er sjálf að vinna að virkjun tækifæris, er að þróa
hugmynd að félagsmiðstöð og hefur fengið til þess styrk
frá Atvinnumálum kvenna og þar með viðurkenningu á
hugmyndinni.
Flest búið að vera
lengi í farvatninu
Vinkonur Hildur og Elín.
Á TÓLF mánaða tímabili til loka
október sl. hefur kaupmáttur al-
mennra launa minnkað um 6,1%.
Hann er nú svipaður og fyrir um
þremur árum eða undir lok árs
2005. Hagdeild ASÍ segir að ástæð-
an fyrir minnkandi kaupmætti sé
fyrst og fremst mikil og vaxandi
verðbólga. Þannig mældist 12 mán-
aða verðbólga í október 15,9% og
hún fór yfir 17% í nóvember. Kaup-
taxtar og greidd laun hafi engan
veginn náð að fylgja verðbólgunni
eftir sem sést af því að 12 mánaða
breyting launavísitölu í október var
aðeins 8,8%.
„Þar sem verðbólga gæti enn átt
eftir að aukast er hætt við að kaup-
máttur haldi áfram að minnka á
næstunni. Þetta er áhyggjuefni þar
sem heimilin í landinu hafa safnað
upp miklum skuldum með innlend-
um verðtryggðum lánum og lánum í
erlendri mynt. Mörg þeirra eiga á
hættu að lenda í greiðsluerfiðleik-
um,“ segir í umfjöllun ASÍ um
þessa þróun kaupmáttar launa.
Kaupmáttur
minnkaði um 6,1%
!"
#
$ " %
#
$% !&
!&
#$
!
&
KLUKKAN á Lækjartorgi er aftur
komin á sinn stað en hún var sett
upp í gær eftir viðamikla viðgerð
vegna skemmda sem urðu á henni
fyrir í sumar.
Tengja á rafmagn í klukkuna í dag
svo hægt verði að stilla hana og setja
hana í eðlilegan gang.
Það er Kiwanisklúbburinn Katla
sem sér um viðhald og rekstur
klukkunnar sem var í daglegu tali
kölluð Persil-klukkan en henni var
komið þar fyrir af framleiðanda Per-
sil-þvottaefnis. Skv. upplýsingum
forsvarsmanns Kötlu var það á
gamlárskvöld árið 1929 sem úrsmið-
irnir Sigurður Tómasson og Sig-
urður Ingólfsson auk rafvirkja lögðu
lokahönd á uppsetningu og frágang
klukkunnar, sem hóf síðan að ganga
um miðnætti þegar árið 1930 gekk í
garð.
Kiwanisklúbburinn Katla gekk frá
samkomulagi við Reykjavíkurborg
1. maí 1980 um að Katla myndi sjá
um viðhald og rekstur klukkunnar,
en mætti afla tekna með auglýs-
ingum á hliðum hennar. „Ýmsir að-
ilar hafa sýnt okkur skilning með því
að auglýsa á klukkunni, enda með-
vitaðir um að það fé sem inn hefur
komið hefur farið, að undanskildum
rekstrarkostnaði, til ýmissa líkn-
armála,“ segir í frétt frá Kötlu-
félögum.
„Á þessum 28 árum hefur orðið að
endursmíða klukkuna tvisvar að
mestu leyti. Þá hefur hún orðið fyrir
ýmsum skakkaföllum, svo sem í
sumar að verktaki varð fyrir því að
aka á hana og er hún því nú í viðgerð
sem lýkur fljótlega.
Undanfarin ár hefur Landsbank-
inn auglýst hjá okkur en sá samn-
ingur rennur út nú um áramótin.
Okkur mun því vanta velviljaðan að-
ila til samstarfs.“
Persil-klukkan komin
á sinn stað á torginu
Í tæp 80 ár Klukkan á Lækjartorgi
hóf sinn gang í ársbyrjun 1930.