Morgunblaðið - 13.12.2008, Blaðsíða 56

56 MenningFÓLK
MORGUNBLAÐIÐ LAUGARDAGUR 13. DESEMBER 2008
Fólk
Eftir Árna Matthíasson
arnim@mbl.is
DAGUR íslenskrar tónlistar var haldinn hátíð-
legur í gær og sérstaklega tileinkaður minn-
ingu G. Rúnars Júlíussonar. Í tilefni dagsins
gáfu íslenskir tónlistarmenn og útgefendur
þjóðinni tónlistargjöf, því hægt var að sækja í
gegnum mbl.is á sjöunda tug laga af nýjum ís-
lenskum hljómplötum öllum að kostnaðarlausu.
Fjölmargir tónlistarmenn stóðu að gjöfinni
og einnig útgáfufyrirtækin Geimsteinn, Blá-
nótt, Samyrkjubúið, Skýmir, Dimma, JPV,
Kimi Records, ITM, Sena, Smekkleysa, Sögur,
Zonet og 12 tónar.
Tónlistin var úr öllum áttum, allt frá fram-
úrstefnulegu rafrokki í sígilda tónlist.
Hægt var að nálgast tónlistina í gegnum
mbl.is, en Tónlist.is annaðist dreifinguna. Sam-
kvæmt upplýsingum þaðan höfðu um 70.000
lög verið sótt seinni partinn í gær og til við-
bótar höfðu 13.000 notendur sótt lögin öll
þannig að alls hafa menn sótt ríflega 900.000
lög.
Hægt var að sækja lögin til miðnættis í gær-
kvöldi.
Kimi Records gefur einnig sérstaka safn-
plötu með átján lögum af plötum sem fyr-
irtækið gefur út og dreifir. Þá plötu er hægt
að sækja á vefsíðuna kimi.grapewire.net/.
Smekkleysa hyggst einnig gefa lag í skóinn
á hverjum degi á vefsetrinu smekkleysa.net.
Hátt í milljón lög voru höluð niður
Jeff Who? Gáfu lag sitt Congratulations í gær.
 Fimmtán þúsund eintök hafa
selst af mynddisknum Laddi 6-
tugur sem kom út fyrir tæpum
tveimur vikum. Að sögn útgefand-
ans Bravo! er diskurinn uppseldur
á Íslandi en þegar hafa verið pönt-
uð önnur fimm þúsund eintök sem
koma vonandi til landsins strax eft-
ir helgi – þ.e.a.s. ef Davíð Oddsson
félagar hans í Seðlabankanum
ákveður að Laddi sé nógu fyndinn
til að fá undanþágu frá þeim gjald-
eyrishöftum sem nú eru við lýði.
Lokasýning á Laddi 6-tugur í
Borgarleikhúsinu fer fram næsta
laugardag en þann 20. janúar næst-
komandi verður Laddi 62ja ára sem
þýðir að heil tvö ár eru frá því að
Laddi steig fyrst á svið í Borg-
arleikhúsinu með þá hugmynd að
fara yfir ferilinn í einni afmælissýn-
ingu.Vegna ótrúlegrar eft-
irspurnar hefur nú verið ákveðið að
halda eina sýningu í viðbót í tilefni
þessara tímamóta og verður hún
haldin á 62ja ára afmælisdegi
Ladda, hinn 20. janúar á nýju ári.
Laddi 6-tugur upp-
seldur á Íslandi
 Nú eru þeir búnir að fylla heilan
áratug með myljandi, spikfeitu
rokki, þeir fóstbræður í Brain Po-
lice. Engin frónversk sveit hefur
veifað fána hins alameríska og eld-
bakaða eyðimerkurrokks af jafn
miklum krafti og þessi, að stofni til,
dalvíska sveit og margur svitadrop-
inn hefur runnið í rennur á knæp-
um og rokkbúllum höfuðstaðarins
og víðar á þessum umliðnu árum.
Þessu verður að sjálfsögðu fagn-
að með stæl í kvöld, en blásið verð-
ur í sandi lagða herlúðra á Café
Amsterdam í kvöld. Sérlegir au-
fúsugestir munu rokka frá sér allt
vit af tilefninu, fyrrverandi meðlim-
irnir Vagn Leví og Búi Bendtsen.
Foreign Monkeys og Cliff Clavin sjá
um hrista upp í afmælisgestum í
upphafi teitis sem hefst stundvís-
lega (NOT!) kl. 22.00. Þá kostar
bara þússara inn. Það gerist varla
betra, eða hvað?
Tíu ára
eyðimerkurganga
Eftir Jóhann Bjarna Kolbeinsson
jbk@mbl.is
HÚN var lágstemmd, stemningin í
Þjóðleikhúskjallaranum í hádeginu í
gær þegar Bjarkarlaufið var afhent.
Um er að ræða verðlaun sem Sam-
tónn veitir á degi íslenskrar tónlistar
og eru þau hugsuð sem viðurkenn-
ing til einstaklinga sem hafa stutt ís-
lenska tónlist í gegnum þykkt og
þunnt.
Verðlaunin voru afhent í skugga
fráfalls Rúnars Júlíussonar sem var
jarðsunginn í gær, og bar athöfnin í
Þjóðleikhúskjallaranum þess glögg
merki. Þannig var Óttar Felix
Hauksson, vinur Rúnars til margra
ára, fenginn til að flytja stutta tölu
og minnast vinar síns. Þá fluttu þeir
Gunnar Þórðarson og Kristján
Kristjánsson eitt lag hvor, og voru
þau bæði til minningar um Rúnar.
Sá síðarnefndi flutti hið und-
urfallega og jafnframt táknræna lag
„When I Think Of Angels“ og
breytti textanum lítillega – í stað
þess að syngja „with your flaming
red hair“ söng hann „with the smile
in your eyes“ og átti þar augljóslega
við Rúnar.
Með hjarta úr gulli
Það kom í hlut Péturs Grét-
arssonar, framkvæmdastjóra Ís-
lensku tónlistarverðlaunanna, að til-
kynna hver hlyti Bjarkarlaufið í ár,
en Árni Matthíasson, blaðamaður á
Morgunblaðinu, hlaut verðlaunin
fyrstur manna á síðasta ári. Það kom
í hlut Andreu Jónsdóttur, útvarps-
konu á Rás 2, að feta í fótspor Árna.
Andrea átti alls ekki von á verðlaun-
unum, og kom af fjöllum.
„Ég er alveg hissa, Óli Palli sagði
mér ekkert af þessu, þannig að ég
vissi ekkert af þessu. Ég vona bara
að ég hafi verið sæmilega til fara,“
sagði Andrea þegar blaðamaður náði
tali af henni strax að athöfninni lok-
inni. Líkt og öðrum sem viðstaddir
voru athöfnina var Rúnar Júlíusson
henni ofarlega í huga. „Þetta er
mjög merkilegur dagur, enda var
Rúnar fyrirmynd allra tónlistar-
manna – töffari með hjarta úr gulli.
Hans viðskilnaður var náttúrlega
líka mikið rokk,“ segir Andrea og
bætir því við að hún hafi verið mikil
Hljóma-grúppía, þótt hún hafi þó
ekki farið „alla leið“ í þeim efnum,
eins og hún orðar það sjálf. „Maður
fór stundum á puttanum á sveitaball
með þeim, og fékk svo far með þeim
í rútunni til baka,“ rifjar hún upp.
Aðspurð segir Andrea mikinn
heiður að hljóta Bjarkarlaufið.
„Þetta hvetur mann til dáða, en ég
hef einhvern veginn aldrei ætlað að
verða neitt þannig séð – ég festist
bara í kringum þetta. En ég er svo
heppin að mitt áhugamál varð mín
vinna, þannig að ég er lukkunnar
pamfíll,“ segir Andrea sem hefur
haldið merkjum íslenskrar tónlistar
á lofti á löngum ferli sínum í úvarpi.
„Stundum hef ég reyndar verið með
þætti þar sem er meiri erlend tón-
list. En ég er bara svo stolt af ís-
lenskri tónlist, hún er fjölbreytt og á
alveg sérstaklega háum standard.“
Áhugamálið varð vinnan
 Andrea Jónsdóttir hlaut Bjarkarlaufið á degi íslenskrar tónlistar í gær
 Segir íslenska tónlist mjög fjölbreytta og alveg sérstaklega vandaða
Morgunblaðið/Árni Sæberg
Verðlaunahafinn „Þetta hvetur mann til dáða, en ég hef einhvern veginn
aldrei ætlað að verða neitt þannig séð – ég festist bara í kringum þetta.“
Eftir Jóhann Bjarna Kolbeinsson
jbk@mbl.is
„VERKIÐ er umdeilt vegna þess að
það setur á svið ákveðinn raunveru-
leika sem hefur kannski ekki sést
mikið í leikhúsi áður,“ segir Kristín
Eysteinsdóttir, leikstjóri leikverks-
ins Rústað (e. Blasted), sem frum-
sýnt verður á Nýja sviði Borgarleik-
hússins hinn 30. janúar nk. Verkið er
eftir breska leikskáldið Sarah Kane
sem var aðeins 24 ára gömul þegar
það var frumsýnt í Lundúnum árið
1995, og olli gríðarlegum deilum.
„Verkið spyr nefnilega eldfimra
spurninga um eðli manneskjunnar,
það skoðar hvar mörk siðferðisins
liggja og hvað við erum tilbúin til að
gera til þess að lifa af,“ segir Kristín
og bætir því við að vissulega sé um
ofbeldisfullt verk að ræða.
„En samt ekki á tilgangslausan
hátt. Það er til dæmis verið að skoða
hvað ofbeldi í borgarastríði og of-
beldi innan veggja heimilisins eiga
sameiginlegt. Við vesturlandabúar
eigum svo auðvelt með að fría okkur
ábyrgð og ímynda okkur að ákveðnir
hlutir geti bara gerst í stríði erlend-
is. Sarah Kane stillir hér upp tveim-
ur heimum sem eiga kannski við
fyrstu sýn ekki mikið sameiginlegt
en þegar líður á verkið neyðumst við
að horfast í augu við að þeir eru mun
líkari en við viljum viðurkenna.“
Með aðalhlutverkið fer Ingvar E.
Sigurðsson, sem hefur fremur lítið
sést á leiksviði að undanförnu.
„Hann hefur lengi dreymt um að
leika þetta hlutverk, enda er þetta
verk sem situr í manni,“ segir Krist-
ín og bætir við að það sé mikill heið-
ur fá Ingvar í hlutverkið. „Enda er
hann frábær listamaður.“
Umdeildasta leikrit seinni
ára á svið Borgarleikhússins
Morgunblaðið/Frikki
Ingvar E. „Alveg æðislegur listamaður,“ að sögn Kristínar.
Stórleikarinn Ingvar E. Sigurðsson fer með aðalhlutverkið
Andrea hóf störf sem próf-
arkalesari á Þjóðviljanum
snemma árs 1972 meðfram því
sem hún stundaði nám í ensku
við Háskóla Íslands. Andrea
hafði lengi haft mikinn áhuga
á tónlist og var því fengin til
að skrifa um hana í blaðið.
Rás 2 var svo stofnuð hinn 1.
desember árið 1983 og
skömmu síðar, eða um vorið
1984 byrjaði Andrea með
þætti á rásinni þar sem hún
hefur starfað æ síðan við góð-
an orðstír.
Langur ferill