Morgunblaðið - 13.12.2008, Blaðsíða 28

28 Daglegt líf
MORGUNBLAÐIÐ LAUGARDAGUR 13. DESEMBER 2008
Fjölmargt er hægt að gera sér til
skemmtunar og fróðleiks í aðdraganda
jóla og mögulegt að næra skilningarvit-
in með ýmsum hætti. Morgunblaðið
birtir fram til jóla upplýsingar um ein-
hverja þeirra viðburða sem eru á dag-
skrá vítt og breitt um landið.
11 dagar til jóla
UM helgina mætir jóla-
barnið Páll Óskar til þess
að syngja fyrir gesti í Jóla-
þorpinu í Hafnarfirði.
Ennfremur mæta kátu
sveinkarnir í Jólasveina-
bandinu og sjá um eina al-
vöru jólaballið sem haldið
er undir berum himni.
Jólaþorpið er opið frá
13-18 allar helgar fram til
jóla auk opnunar á Þorláksmessu frá 16-22.
Nánari upplýsingar er að finna á hafn-
arfjordur.is.
Páll Óskar skemmtir
Páll Óskar
DESEMBERMARKAÐUR Íslenskrar hönn-
unar, handverks og nytjalistar verður í dag
og á morgun milli kl. 13 og 18. Markaðurinn
verður að Laugavegi 172, við hliðina á Heklu
hf.
Alls taka 36 hönnuðir og listamenn þátt í
markaðnum sem fram fer síðustu þrjár helg-
arnar fyrir jól.
Jólamarkaður með
íslenska hönnun
JÓLASÝNING
Byggðasafns Árnes-
inga í Húsinu á Eyr-
arbakka, verður op-
in í dag, laugardag
og á morgun,
sunnudag milli kl.
14 og 17.
Á sýningunni má
sjá fjöldann allan af
gömlum jólatrjám,
það elsta smíðað í
Þverspyrnu í
Hrunamannahreppi
árið 1873. Á sýningunni verður einnig jóla-
skraut af ýmsu tagi, jafnframt brúður sem
tákn jólasveinanna og helgimynd af fjárhús-
inu í Bethlehem.
Aðgangur er ókeypis.
Jólatréð frá árinu 1873
á jólasýningu í Húsinu
JÓLASKÓGURINN í
Hjalladal í Heiðmörk verð-
ur opnaður í dag kl. 11:00.
Borgarstjórinn í Reykja-
vík, Hanna Birna Krist-
jánsdóttir, mun opna skóg-
inn með því að höggva
niður fyrsta tréð.
Að venju verður mikið
um að vera í skóginum.
Jólasveinar taka lagið með
krökkunum, varðeldur
mun loga auk þess sem boðið verður upp á
kakó og piparkökur.
Jólatrén kosta 4.900 krónur óháð stærð
sem er sama verð og í fyrra.
Jólaskógurinn opnaður í dag
Hanna Birna
Kristjánsdóttir
HITT húsið, miðstöð ungs fólks, heldur jóla-
markað í dag, laugardag, milli kl. 13:00 og
18:00. Þar mun hópur ungs fólks selja hand-
verk sitt og hönnun. Til sölu verður ýmiss
konar handverk, föt, skartgripir og þar fram
eftir götum. Markaðurinn fer fram í upplýs-
ingamiðstöð Hins hússins, Pósthússtræti.
Boðið verður upp á heitt kakó og smákökur
og tónlistarfólkið My Summer as a Salvation
Soldier, Loji, Einar Indra og Pikknikk spila
fyrir gesti og gangandi.
Einnig opna nemendur á listasviði Fjöl-
brautaskólans í Breiðholti samsýningu í Gall-
erí Tukt í Hinu húsinu.
Markaður í Hinu húsinu
STUTT
Eftir Kristínu Heiðu Kristinsdóttur
khk@mbl.is
Áþessum síðustu dögum fyrir jólmagnast spennan hjá mörgu smá-fólkinu. Auðunn Torfi Sæland, fjög-urra ára, er einn af þeim sem fljúga
um á tánum og syngja jólalög daginn út og
inn. Hann er með miklar pælingar um jólin,
jólasveinana og allt sem þessari hátíð tengist.
Hann hefur sínar ákveðnu skoðanir á hlut-
unum eins og börnum einum er lagið. Um
daginn gisti hann hjá ömmu sinni og vakti
hana eldsnemma með hrópum og köllum:
„Amma, amma, það er búið að slökkva á
Guði!“ Amman var dregin miskunnarlaust
fram úr rúminu og henni sýnd ummerkin:
Upplýsta jólahúsið í stofunni þar sem María
og Jósep vaka yfir Jesúbarninu, var ekki leng-
ur upplýst. Blessunarlega gat amma kveikt
aftur á Guði og ró færðist yfir drenginn.
Skyrgámur er alltaf að stela frá mér
Auðunn Torfi var þó nokkuð upptekinn af
fyrirbærinu Stekkjarstaur kvöldið áður en
hann átti að koma til byggða, enda bjóst hann
fastlega við að karlinn kæmi við hjá sér til að
setja eitthvað í skóinn. „Stekkjarstaur er með
svo stífar lappir af því hann hljóp svo mikið
með föturnar sínar báðar.“ Hurðaskellir vek-
ur svolítinn ugg í brjósti Auðuns Torfa vegna
hávaðans og bramboltsins í honum. „Hann
skellir hurðum af því að heima hjá honum eru
alls engar hurðir og þess vegna kann hann
ekkert á svona hurðir hjá okkur.“ Auðunn
Torfi hefur sannfært bæði móður sína og
sjálfan sig um að þegar kauði komi
heim til hans muni hann alls ekki
skella hurðinni fast, heldur of-
urvarlega.
Annar jólasveinn er honum sér-
lega hugleikinn: „Skyrgámur er alltaf að stela
frá mér. Í fyrra fór hann í ísskápinn og stal
skyri af því hann er sjúkur í skyr. Hann sull-
aði líka allt út í skyri,“ lýsir Auðunn Torfi að-
komunni fyrir ári síðan í ísskápnum heima hjá
sér. Og augun stækka um helming þegar hann
segir frá.
Draugurinn Móri er í steina-nærbuxum
Þegar hann er spurður um Grýlu stekkur
hann til, sækir mjólkurfernu í ísskápinn og
sýnir blaðamanni þar mynd af Grýlu, Leppa-
lúða og jólakettinum. „Grýla er sko ekkert ljót
þó hún sé með skögultönn og vörtur á nefinu.
Og hún setur ekki óþekka krakka í pokann
sinn. Hún lætur bara jólasveinana fá kartöflur
sem þeir setja svo í skóinn hjá krökkunum.
Jólakötturinn stelst svo út til að fara með jóla-
sveinunum.“
Þegar talið berst að því að Jesús eigi afmæli
á jólunum, segist Auðunn Torfi ekki geta gefið
honum afmælisgjöf. „Af því Guð er svo langt
uppi í geimnum og ég er ekki með
nógu langar hendur til að ég nái
þangað. Það þarf að fara í flugvél,
fljúga ógeðslega hátt og brjóta
glerið. Þá þarf að fljúga í kringum
allt Guðshúsið og hitta eina kind. Það þarf að
lenda flugvélinni uppi á stóru fjalli, kannski
Esjunni, og þá kemur Stórfótur. Ég veit að
hann er hættulegur. Það eru líka górillur uppi
á fjalli,“ segir Auðunn Torfi að lokum og ætlar
greinilega ekki að hætta sér í þessa háskaför
til að gefa Jesú afmælisgjöf.
Og skyndilega spyr hann hvort blaðamaður
muni eftir Móra. „Hann er svona draugur sem
er alltaf að hverfa. Hann er með band um
magann og fötin hans eru rifin og mjög götótt
og hann notar steina-nærbuxur.“
Morgunblaðið/Kristinn
Jólahúsið hjá ömmu Sem betur fer var kveikt á Guði þetta kvöld og María, Jósep og Jesúbarnið vel upplýst.
„Búið að slökkva á Guði!“
Auðunn Torfi Sæland fjögurra ára er eitt þeirra barna sem þessa dagana
velta mikið fyrir sér komu jólanna og ekki síður jólasveinunum
„Skyrgámur er
alltaf að stela
frá mér.“
„Stekkjarstaur kom fyrstur, /
stinnur eins og tré.“ Þessi al-
ræmdi grallari kom til byggða í
gær og heimsótti að sjálfsögðu
Þjóðminjasafnið þar sem hann
hitti börn og sagði sögur. Bræður
hans koma einn af öðrum til
byggða næstu daga og koma við
á safninu.
Á jólasýningu Þjóðminjasafns-
ins hefur verið sett upp lítið jóla-
hús með alls konar skemmti-
legum gripum sem tengjast
jólasveinunum. Börnin mega
snerta gripina og fá þannig tæki-
færi til að kynnast jólasveinunum
með ýmsum hætti.
Þarna er askurinn hans Aska-
sleikis, skyrið sem Skyrgámur er
svo sólginn í, hrossabjúga sem
Bjúgnakrækir myndi vilja krækja
í og margt fleira. Gegnum sýn-
inguna geta börnin áttað sig á því
sjálf hvað hin skrýtnu þjóðlegu
jólasveinanöfn þýða. Morgunblaðið/Árni Sæberg
Stekkjar-
staur kom
fyrstur