Morgunblaðið - 13.12.2008, Blaðsíða 29

Daglegt líf 29
MORGUNBLAÐIÐ LAUGARDAGUR 13. DESEMBER 2008
Veðurfar aðventunnar hefur verið
heldur rysjótt hér um slóðir eins
og reyndar víðar. Um síðustu
helgi var veðrið hér eins fagurt og
jólalegt og hægt er að hugsa sér.
Hvít mjöllin þakti jörðina og um-
hverfið allt var eins og í ævintýri,
svo hreint og um leið dulúðlegt.
Talsvert var um erlenda ferða-
menn á Hvolsvelli þessa helgi og
gengu þeir um bæinn alveg dol-
fallnir með myndavélarnar á lofti.
Ef hægt væri að ganga að slíku
sem vísu væri áreiðanlega hægt að
markaðssetja Ísland sem jóla-
landið eina.
En viti menn, skyndilega er
komin rigning og svartasta myrk-
ur tekur yfir og nú er veðrið ein-
hvern veginn alveg í stíl við alla
kreppustemninguna. Eitthvað sem
enginn hrífst af í desember og
eina sem hægt er að gera er að
hugsa um að njóta aðventunnar og
jólanna og muna að brátt fer aftur
að birta og alltaf er það nú þannig
að þegar við eigum von á bjartari
dögum þá birtir nú líka eitthvað
til í sálartetrinu.
  
En þrátt fyrir allt þá lætur fólk
nú ekki af föstum siðum aðvent-
unnar. Á dvalarheimilinu Kirkju-
hvoli eru fastar hefðir hafðar í
heiðri eins og endranær. Fyrsta
sunnudag í aðventu er þar haldinn
jólamarkaður í samvinnu við
Kvenfélagið Einingu. Þá býður
heimilisfólkið til sölu ýmiss konar
handverk sem það hefur unnið að
síðasta árið og kvenfélagskonur
halda kökubasar og selja vöfflur
og heitt súkkulaði. Margir hafa
það fyrir fastan sið að kaupa
þarna jólagjafir og er ekki hægt
að segja annað en að ævinlega sé
hægt að finna fallegar og nyt-
samar jólagjafir gerðar af meist-
ara höndum.
Annan sunnudag í aðventu hafa
svo nokkrir söngfuglar þann fasta
sið að heimsækja dvalarheimilið
og taka lagið með heimilisfólkinu.
Eru þá sungin lög af ýmsu tagi af
hjartans lyst og eitt og eitt jólalag
slæðist með. Nokkrir þeirra sem
hófu þennan sið eru nú fallnir frá
og hafa synir þeirra tekið við.
  
Sundlaugin á Hvolsvelli hefur nú
verið opnuð aftur eftir miklar lag-
færingar og endurbætur. Búið er
að reisa rennibraut við sundlaug-
ina og flísaleggja laugina hátt og
lágt, auk þess sem skipt var um
allan tæknibúnað. Víst er að
margir fagna því að laugin sé nú
loks opin aftur en sundgarpar
hafa farið í sund á Hellu á meðan
á viðgerðum hefur staðið. Morg-
unsundhanar hafa skipst á að
keyra á Hellu á morgnana, því
öllu skiptir að halda þeim góða sið
að mæta í morgunsundið og taka
púlsinn á sjálfum sér og þjóðlífinu
um leið. Nú verður gerð tilraun
með að hafa laugina opna allan
daginn en hún hefur verið lokuð á
meðan á skólasundi hefur staðið.
Mun þetta án efa verða til þess að
auka aðsókn að lauginni og um
leið hreysti íbúanna.
  
Fleiri framkvæmdir eru í gangi í
sveitarfélaginu svo sem bygging
nýs tónlistarskóla sem áætlað er
að verði tekin í notkun næsta
haust. Hér hefur störfum fjölgað
undanfarið en nýlega tók hér til
starfa ný deild hjá SS. og ný og
glæsileg verslun Húsasmiðjunnar
var opnuð í byrjun aðventu. Ekki
annað að sjá en að menn reyni að
láta kreppuna sem minnst áhrif
hafa þó að því miður hafi ein-
hverjir misst vinnuna.
HVOLSVÖLLUR
Steinunn Ósk Kolbeinsdóttir
Morgunblaðið/Steinunn Ósk Kolbeinsdóttir
Aðventan Íbúar á Dvalarheimilinu Kirkjuhvoli taka lagið.
Forsetabók Guðjóns Friðriks-sonar og ummæli forsetans:
„You ain’t seen nothing yet“ urðu
tilefni brags, sem þættinum barst.
Tómas Tómasson samdi fyrriparta
og Jónas Frímannsson botnaði:
Ólafur mun enn sem fyrr
efstur meðal bragna.
Löngum hefur staðið styrr
um stórar hetjur sagna.
Stýrði útrás sterkur jarl
stefndi fram með sveinum.
Vogun sýndi vaskur karl
en vék ei fyrir neinum.
„Þetta er bara byrjun vor“
buðlungs hófst þá ræða.
„Víkingar með þrek og þor
þjóðir munu hræða.“
Krónan svo í frjálsu falli
fór úr Daviðs styrku hönd.
Þá varð margur ber að bralli
og bankar flestir gáfu’ upp önd.
Hreppa má á hálfu verði
herra Ólafs sagnabók ,
sem rithöfundur Guðjón gerði
um Grímsson Ragnar lukkuhrók.
VÍSNAHORNIÐ pebl@mbl.is
Af forseta og hetjum
- gjöfin sem gefur -
Allt söluandvirðið rennur til góðgerðamála
Bókin fæst í Nóatúni og völdum verslunum. Einnig er hægt að panta hana á www.noatun.is og Fjölsmiðjunni.
Besta
jólagjöfin
Veisla með fjölskyldu og vinum
Öll upphæðin rennur óskert til Fjölsmiðjunnar
Vegleg gjöf - 256 blaðsíður
Það besta úr eldhúsi Nóatúns
Mjög vönduð útgáfa
Ótrúlegt verð
Aðeins 1.290
kr.
Allt sölu
andvirð
ið rennu
r til góð
gerðam
ála
Fæst í
Nóatúni
1. SÆTI
METSÖLULISTI
MBL - 10. DES
- ALMENNT EFNI -
2. SÆTI
METSÖLULISTI
MBL - 10. DES
- ALLAR BÆKUR -
„Grímseyjarbörnin birtuna bera!“
Svona hljómar fyrsta línan í Lús-
íusöng skólabarnanna í Grímsey.
Það er alltaf gleðilegt og ein-
staklega gaman að undirbúa Lús-
íuhátíð grunnskólans. Börnin í
skólanum hafa fagnað Lúsíu –
ljósberanum ljúfa, síðustu 14 ár.
Þessi fallegi siður – hátíð ljóssins,
var fyrst tekinn upp á Íslandi í
kringum 1970 en var alþekktur
um Norðurlöndin töluvert fyrr.
Lúsían fyllir hjörtu og hugi ljósi
sem er svo dýrmætt þegar dag-
arnir eru bæði stuttir og dimmir,
eins og í nyrstu byggð landsins.
Krakkarnir eru einstaklega
spenntir fyrir Lúsíuhátíðinni, því
undirbúningurinn er svo skemmti-
legur. Það þarf að finna til Lús-
íubúninga – allir strákarnir búa á
hverju ári til sérstaka hatta fyrir
stjörnudrengi eins og þeir kallast.
Börnin baka Lúsíusnúða og lög
eru æfð til að syngja fyrir gesti á
Lúsíuhátíðinni.
Fyrstu árin fóru Grímseyj-
arbörnin í Lúsíubúningunum sín-
um og sungu í kirkjunni og búð-
inni fyrir fólkið. En þar sem allra
veðra er von 13. desember ákvað
skólastjórinn Dónald Jóhannesson
að Lúsíu yrði fagnað í félagsheim-
ilinu og öllum íbúum boðið að
taka þátt – drekka kaffi og snæða
Lúsíusnúða. Og áfram syngja
Grímseyjarbörnin: „jólin þau
minna á, megi þau vera, gleðileg
öllum hér, það okkar óskin er,
Santa Lúsía, Santa Lúsía“.
Grímseyjarbörnin
fagna Lúsíu
Trú unglinga dvínar í ferming-
arfræðslunni. Þetta kemur fram í
könnun sem nær til 20 þúsunda
fermingarbarna í Danmörku, Sví-
þjóð, Noregi, Finnlandi, Þýska-
landi, Sviss og Austurríki sem
ljúka á á næsta ári.
Nú þegar er ljóst að unglingar í
Danmörku trúa minna að lokinni
fermingarfræðslunni en fyrir
hana, að því er haft er eftir Leise
Christensen lektor á fréttavef
Kristeligt-Dagblad.
Niðurstöður könnunarinnar
valda biskupnum í Ribe, Elisabeth
Dons Christensen, áhyggjum. Tel-
ur hún að í kennslunni nái menn
ekki að snerta hjörtu nemenda.
Aðrir biskupar taka niðurstöð-
unum með jafnaðargeði. Bisk-
upinn í Árósum, Kjeld Holm, segir
slíkar rannsóknir frekar yf-
irborðskenndar. Hlutverk ferm-
ingarinnar sé að veita ungu fólk
grundvallarþekkingu um kristna
trú og sjá til þess að því finnist
það velkomið í kirkjuna. Í því eigi
prestar stöðugt að vinna.
Peter Fischer-Möller, biskup í
Hróarskeldu, segir það undarlegt
ef 50 stunda kennsla geti breytt
hugmyndum ungs fólks um hversu
trúað það er. „Foreldrar og vinir
barnanna hafa haft áhrif á þau í 14
ár,“ bendir hann á. ingibjorg-
@mbl.is
Trúin dvínar
í fermingarfræðslu
Morgunblaðið/Árni Sæberg