Morgunblaðið - 04.03.2009, Page 18

18 Daglegt líf
MORGUNBLAÐIÐ MIÐVIKUDAGUR 4. MARS 2009
Eftir Önnu Sigríði Einarsdóttur
annaei@mbl.is
K
olbrún Björnsdóttir
grasalæknir bendir á
að heimadekur gefi t.d.
aukna orku, mýki húð-
ina og næri húð, huga
og sál. Þetta sé líka góð leið til að
slaka á og láta þreytuna líða úr sér.
„Þetta virkar auk þess betur en kem-
ísk snyrtiefni og fyrir utan kjötvörur
og fisk þá má nota mjög margt af því
sem að leynist í eldhússkápunum,“
segir Kolbrún.
Mjólkin hafi t.a.m. mýkjandi og
rakagefandi eiginleika, hunang mýki
húðina og sé bakteríudrepandi, app-
elsínur mýki og gefi raka, avókadó
næri og mýki bæði húð og hár, epli
séu bakteríudrepandi, vínber kæl-
andi og mýkjandi, agúrka síðan rói
húð og kæli, á meðan að möndlur séu
hreinsandi og mýkjandi.
„Það hafa flestir heyrt mælt með
að setja agúrkur á augnlokin og það
svínvirkar,“ segir Kolbrún. „Með því
að láta gúrkusneiðar liggja á augn-
lokunum í tíu mínútur kælir maður
augnsvæðið og örvar blóðflæðið sem
aftur hefur frískandi áhrif. Hráar
kartöflusneiðar má svo líka nota í
sama tilgangi.“
Kolbrún bendir á að malaðar baun-
ir, t.d. kjúklinga- og adukibaunir sé
gott að nota í skrúbb á bæði andlit og
líkama og ekki þurfi að gera meira en
blanda hunangi saman við til að vera
komin með gott skrúbb. Salt henti á
sömuleiðis vel í líkamsskrúbb. „Það
þarf ekki að gera meira en blanda
ólífuolíu eða köldu tei, til dæmis ka-
millutei, saman við saltið. Þá örvar
saltið húðina og opnar á meðan ka-
milluteið róar hana.“ En með þessu
móti segir Kolbrún að lífga megi húð-
ina við, fá fitukirtlana til að starfa
rétt og svitakirtlana til að losa úr-
gangsefni líkt og þeir eigi að gera.
„Það er hægt að gera mjög flókna
maska, en það er líka hægt að hafa þá
einfalda. Engin þessara efna stífla
húðina og því er um að gera að prófa
sig bara áfram.“ Hún bendir þó á að
augnsvæðið henti ekki vel til til-
raunastarfsemi og eins hafi innihald
maskanna vissulega áhrif á geymslu-
þol þeirra.
„Maskar sem innihalda mjólk-
urvörur, grænmeti eða ávexti má
geyma nokkra daga í ísskáp. Sé hins
vegar einungis búið að setja olíu, salt,
baunir og kryddjurtir í maskann þá
er hægt að geyma hann í marga mán-
uði. Þeir henta líka mjög vel til gjafa,
líta vel út í fallegri krukku og eru
skemmtileg og persónuleg gjöf.“
Ódýr og
skapandi leið
til að slaka á
Grasalæknir Kolbrún Björnsdóttir notar heimagerða maska og skrúbb og segir heimadekrið góða leið til að láta
streituna líða úr sér. Hægt er að gera jafnt flókna sem mjög einfalda maska.
Gott í maskann Egg, banani, salt, olíur, krydd
og rósablöð henta vel í heimagerðar snyrtivörur.
Morgunblaðið/Árni Sæberg
Avókadó Bragðgott en mýkir einnig og nærir bæði húð og hár.
Dekur þarf ekki að kosta háar fjárhæðir og raunar er
hægt að finna fjölmargar snyrtivörur í eldhússkáp-
unum heima. Að gefa sér tíma til að dekra getur hins
vegar skilað sér margfalt til baka segir Kolbrún Björns-
dóttir grasalæknir, sem hélt á dögunum fyrirlestur um
Heimaspa fyrir fullu húsi hjá Manni lifandi.
Kolbrún mun halda annan fyrir-
lestur um heimadekur hjá Manni
lifandi 21. apríl nk.
Saltskrúbb
á líkama
Gróft salt
Olía/vatn/te sem rétt flýtur yfir
saltið
út í þetta má setja 20-40 dropa af
ilmkjarnaolíum
Jurtum/kryddi í dufti má einig
blanda saman við.
Saltskrúbbið örvar, hreinsar og
mýkir húðina.
Skrúbb fyrir fætur
½ bolli malaðar möndlur
1 bolli haframjöl
½ bolli hunang
Öllu hrært saman og borið á fætur
og fótleggi. Plastfilma sett yfir og
höfð á í fimm mínútur. Skolað af og
góð olía borin á húðina.
Eftir Örn Þórarinsson
Skagafjörður | Haustið 2008 var stofnaður
stúlknakór í Skagafjarðar- og Húnavatns-
sýslum. Að þessu verkefni standa Söngskóli
Alexöndru í Skagafirði, söngdeild Tónlistar-
skóla Austur-Húnavatnssýslu og Tónlist-
arskóli Vestur-Húnavatnssýslu. Í kórnum eru
60 stúlkur á aldrinum 10-16 ára. Markmið
verkefnisins er að auka áhuga á klassískum
söng á Norðurlandi vestra og auka samvinnu
kennara og fjölbreytni söngkennslu á svæð-
inu. Stúlkurnar koma saman einu sinni í viku
og æfa í sinni heimabyggð og svo er ein sam-
eiginleg æfing í mánuði þar sem allur hóp-
urinn hittist. Æft er á Hvammstanga, Blöndu-
ósi, Skagaströnd og Sauðárkróki.
Söngkennarar á þessum stöðum stjórna æf-
ingum. Á Hvammstanga er Elínborg Sig-
urgeirsdóttir stjórnandi og er hún jafnframt
undirleikari á sameiginlegum æfingum og
tónleikum. Á Blönduósi er Þórhallur Barða-
son söngkennari stjórnandi, á Skagaströnd
Hugrún Sif Hallgrímsdóttir og í Skagafirði
stjórnar Alexandra Chernyshova, en hún er
jafnframt listrænn stjórnandi verkefnisins og
stjórnandi kórsins. Skipulag og utanumhald
verkefnisins er í höndum DreamVoices ehf. –
menningar- og fræðslufélags sem er sam-
vinnuverkefni áðurnefndra söng- og tónlist-
arskóla.
Áhugasamar stelpur
„Mér finnst mjög gaman að takast á við
þetta. Það var reyndar svolítið erfitt að byrja
en stelpurnar hafa verið mjög áhugasamar,“
segir Alexandra Chernyshova. „Ég sé það al-
veg á þeim að þær hafa mjög gaman af þessu
og eru tilbúnar að leggja talsvert á sig. Svo
hefur verið mjög gott samstarf við tónlist-
arfólkið í Húnavatnssýslu. Mér finnst allir
sem að þessu koma áhugasamir og leggjast á
eitt um að gera þetta skemmtilegt.“
Alexandra segist vænta mikils af stelp-
unum sem mynda Raddir norðursins. Þetta sé
tvímælalaust viðbót við söng- og tónlistarlíf á
þessu svæði. Þær séu vissulega framtíðin í
sönglífi á Norðurlandi vestra og vonandi
komi út úr þessu einhverjar sem leggja fyrir
sig söng í framtíðinni.
Áætlað er að halda ferna tónleika nú um
páskana. Efnisskráin verður fjölbreytt, um
fimmtán lög á söngskrá kórsins og flutt á sex
tungumálum. Búið er að taka eitt lagið upp á
myndband í hljóðveri og heitir það Drauma-
raddir norðursins.
Kórinn Föngulegur hópur sextíu stúlkna kemur reglulega saman undir nafninu Draumaraddir norðursins og æfir sig fyrir tónleika á næstunni.
Stjórnar Alexandra Chernyshova, listrænn
stjórnandi verkefnisins, segir stelpunum til.
Draumaraddir norðursins á Norðurlandi vestra
Morgunblaðið/Örn Þórarinsson