Morgunblaðið - 06.03.2009, Blaðsíða 4
4 FréttirINNLENT
MORGUNBLAÐIÐ FÖSTUDAGUR 6. MARS 2009
Í GEGNUM tíðina hefur nokkuð
borið á heimsóknum norrænna Vít-
isengla hingað til lands og er áhugi
þeirra á Íslandi ekki nýr á nálinni.
Stærsta aðgerðin vegna komu Vít-
isengla var snemma árs 2002. Þá
var nítján dönskum meðlimum sam-
takanna vísað úr landi. Í desember
árið 2003 var fimm norskum Vít-
isenglum vísað frá landi og átta
dönskum í nóvember 2007
Ríkislögreglustjóri hélt blaða-
mannafund eftir stærstu aðgerðina.
Jón H. B. Snorrason, þáverandi yf-
irmaður efnahagsbrotadeildar rík-
islögreglustjóra, sagði við það tæki-
færi að norrænir Vítisenglar
hygðust ná fótfestu hér á landi.
Þeir hefðu óskað eftir samstarfi við
íslenska vélhjólaklúbba. Aðrir en
Fáfnismenn hefðu hins vegar hafn-
að samstarfinu.
Eftir Andra Karl
andri@mbl.is
RÁÐHERRA dómsmála, Ragna
Árnadóttir, tilkynnti í gær að ákveð-
ið hafi verið að taka upp tímabundið
landamæraeftirlit á innri landamær-
um „í tilefni atburðar sem áætlað er
að muni eiga sér stað laugardaginn 7.
mars nk.,“ líkt og segir í yfirlýsingu
frá ráðherranum. Heimildir Morg-
unblaðsins herma að tveimur mönn-
um hafi þegar verið meinuð land-
ganga.
Ragna vildi ekki tjá sig um málið
þegar eftir því var leitað. Ljóst er þó
að í yfirlýsingunni á ráðherrann við
veisluhöld vélhjólaklúbbsins Fáfnis,
en um helgina er áformuð vígsla nýs
félagsheimilis samtakanna.
Skemmst er að minnast þess að átta
meðlimum norrænu bifhjólasamtak-
anna Vítisengla var vísað úr landi í
nóvember árið 2007. Þeir voru hing-
að komnir til að taka þátt í veislu-
höldum Fáfnis.
Fáfnir í fjölmiðlabanni
Í yfirlýsingu ráðherrans kemur
fram að hinar auknu öryggiskröfur
séu af tilefni sérstakrar ógnunar
gegn allsherjarreglu og þjóðarör-
yggi.
Jón Trausti Lúthersson, Fáfnis-
maður, var fámáll þegar blaðamaður
Morgunblaðsins náði af honum tali.
Hann vildi ekki tjá sig spurður hvort
norrænir boðsgestir samtakanna
ógni þjóðaröryggi en sagði greinilegt
að yfirvöld telji svo vera.
Jón tók þó fram að samtökunum
þættu aðgerðir stjórnvalda und-
arlegar, enda væri ekki verið að gera
neitt ólöglegt. Að öðru leyti sagði
hann meðlimi Fáfnis í fjölmiðlabanni.
Í mati ríkislögreglustjóra á skipu-
lagðri glæpastarfsemi fyrir árið 2009
er sérstakur kafli um vélhjólagengi.
Segir þar að Fáfnir hafi hlotið við-
urkenningu sem stuðningsklúbbur
Vítisengla (e. Hell’s Angels) og stefni
að fullri aðild. „Alls staðar þar sem
Hell’s Angels hafa náð að skjóta rót-
um hefur aukin skipulögð glæpa-
starfsemi fylgt í kjölfarið,“ segir í
matinu.
Boðsgestir ógna allsherjarreglu
Veisluhöld vélhjólaklúbbsins Fáfnis
kalla á tímabundið landamæraeftirlit
Morgunblaðið/Kristinn
Fáfnir Aðstaða vélhjólaklúbbsins í Hafnarfirði þar sem til stóð að halda há-
tíð um helgina. Alls óvíst er hvort eitthvað verður af þeim fagnaði.
NÚVERANDI efnahagsþrengingar
og bankakreppa sýna nauðsyn þess
að samstarf fjármálaeftirlita sé sem
mest og best,
segir Gunnar
Ólafur Haralds-
son, stjórn-
arformaður Fjár-
málaeftirlitsins.
Hann er þó ekki
viss um að meiri
samvinna eft-
irlitsstofnana
hefði komið í veg
fyrir vanda fjár-
málakerfisins.
„En það þarf að skoða og velta
fyrir sér hvort meira samstarf hefði
leitt til þess að ekki aðeins Íslend-
ingar heldur aðrar þjóðir hefðu fyrr
gripið inn í.“ Með meiri samvinnu
hefði hugsanlega verið hægt að
meta betur heildaráhættuna innan
fjármálakerfisins. Gunnar nefnir þó
að samvinna milli eftirlitsstofnana
hafi verið töluverð, bæði er varði
upplýsingagjöf og samræmingu á
reglum fjármálamarkaða í Evrópu.
Vilja meiri samvinnu í ESB
Morgunblaðið greindi frá því gær
að framkvæmdastjórn ESB leggur
til að samstarf milli eftirlitsstofnana
verði stóraukið og sérstakri stjórn
eða stofnun veitt vald til að refsa
þeim bönkum eða bankamönnum
sem fara ekki eftir settum reglum.
Gunnar segir að hafa verði í huga að
slíkt samstarf kosti tíma og peninga
og telur að hugmyndir fram-
kvæmdastjórnarinnar séu enn óljós-
ar. Á slíku samstarfi þurfi því að
vera skynsamleg mörk.
Spurður hvort ekki taki langan
tíma að byggja upp svona samvinnu
eftirlitsstofnana svarar Gunnar að
það fari eftir umfangi. „Sumt er
hægt að gera á skömmum tíma, til
dæmis að auka upplýsingaflæði milli
ólíkra fjármálaeftirlita. Annað tekur
lengri tíma, eins og að samræma
enn regluverkið; og ég tala nú ekki
um ef það á að gera utan Evrópu
eða Evrópusambandsins.“ Slíkar
reglubreytingar þurfi að fara fyrir
kjörþing og stjórnvöld í hverju
landi.
Gunnar nefnir þó að auðveldasta
leiðin til að auka eftirlit sé meira
fjármagn til stofnana og fleiri starfs-
menn. Til þess þurfi að horfa hér á
landi sem annars staðar. gag@mbl.is
Samvinna
stofnana
mikilvæg
Meiri samvinna hefði
aukið heildaryfirsýn
Gunnar Ólafur
Haraldsson
HÆSTIRÉTTUR hefur dæmt Björk
Eiðsdóttur, blaðamann Vikunnar,
til að greiða Ásgeiri Þór Davíðssyni
veitingamanni 500 þúsund krónur í
miskabætur – og 400 þúsund í máls-
kostnað – vegna ummæla sem rétt-
urinn taldi hana bera ábyrgð á og
birtust í tímaritinu. Ritstjóri Vik-
unnar var hins vegar sýknaður.
Rétturinn féllst einnig á kröfu
Ásgeirs um birtingu forsendna og
niðurstaðna dómsins í fyrsta tölu-
blaði Vikunnar eftir uppsögu.
Ummælin komu fram í grein sem
byggðist á viðtali við nekt-
ardansmey á skemmtistaðnum
Goldfinger sem er í eigu Ásgeirs.
Voru nokkur þeirra dæmd dauð og
ómerk en sýknað var vegna ann-
arra. Áður var Björk sýknuð í Hér-
aðsdómi Reykjavíkur. andri@mbl.is
Blaðamaður
greiði bætur
INNILEIKVÖLLUR var vígður á gamla varn-
arsvæðinu við Keflavíkurflugvöll í gær. Um er
að ræða tilraunaverkefni til næstu þriggja mán-
aða í samvinnu íþrótta- og tómstundasviðs
Reykjanesbæjar og Háskólavalla ehf. Leikvöll-
urinn er í húsi númer 778 við Víkingabraut á
Vallarheiði/Ásbrú. Við hliðina, í byggingu 770,
er hjólaskautahöll sem verður opin á sama tíma
og leikvöllurinn, þ.e. frá kl. 14-17 alla daga vik-
unnar. Krakkarnir léku á als oddi í tækjunum í
gær og létu það ekki trufla sig að forseti Íslands
hafi ekki getað komist til vígslunnar vegna anna.
Líf og fjör hjá krökkunum í Reykjanesbæ
Morgunblaðið/RAX
Innileikvöllur vígður á Vellinum
Eftir Gunnhildi Örnu Gunnarsdóttur
gag@mbl.is
SKILANEFND Kaupþings hefur
náð samkomulagi um uppgjör milli
bankans hér og í Lúxemborg. Samn-
ingurinn barst fjármálaeftirlitinu í
Lúxemborg í gær. Samningurinn var
annað lykilskrefa, sem þurfti að stíga
svo bankinn færi ekki í þrot.
Hitt skrefið er að semja við lánar-
drottna bankans, sem einkum eru al-
þjóðlegir bankar. Nú standa öll spjót
á þeim, að sögn Fjármálaeftirlitsins,
sem harmar hve langan tíma tók að
ná samkomulagi við skilanefnd gamla
Kaupþings.
Kaupþing í Lúxemborg hefur verið
í greiðslustöðvun frá því í október. Sá
tími má ekki verða lengri en sex mán-
uðir og lýkur því í byrjun apríl. Að
sögn fjármálaeftirlitsins í Lúxemborg
gætu dómstólar framlengt greiðslu-
stöðvunina, en unnið verði að því að
forðast það, því áhættusamt sé að
treysta á slíkan úrskurð. Bankinn
verður seldur opinberum líberískum
fjárfestingasjóði takist samningar við
lánardrottna. Fjárfestingasjóðurinn
ætlar að leggja bankanum til nýtt
hlutafé að fjárhæð 100 milljónir evra
eða um 15 milljarða íslenskra króna.
Belgísk og lúxemborgsk stjórnvöld
hyggjast þá einnig leggja 600 millj-
ónir evra hlutafé í bankann. Yfirvöld í
Lúxemborg gera kröfu um að hlutafé
Kaupþings Lúxemborgar verði fært
niður, enda hafi það tapast við fall ís-
lensku bankanna.
Allt að 25 þúsund sparifjáreigend-
ur eiga fé í bankanum og fá allt sitt
greitt gangi salan í gegn.
Einu skrefi nær Kaup-
þingssölu í Lúxemborg
Uppgjör dótturfélagsins og gamla Kaupþings er í höfn
Vel fylgst með
„englunum“