Morgunblaðið - 06.03.2009, Blaðsíða 42

42 MenningFRÉTTIR
MORGUNBLAÐIÐ FÖSTUDAGUR 6. MARS 2009
 Nýr tónleikastaður, Sódóma
Reykjavík, verður opnaður í kvöld
á efri hæð Gauksins. Tónleikastaða-
flóran í höfuðborginni hefur verið
til háborinnar skammar und-
anfarna mánuði og alls ekki þeirri
þjóð sæmandi sem sífellt klappar
sér á bakið fyrir að ala upp tónlist-
arfólk á heimsmælikvarða. Eins og
sannast hefur í tilviki Rósenbergs á
Klapparstíg er eftirspurnin eftir lif-
andi tónlist mikil en Rósenberg hef-
ur líka passað að bjóða upp á fjöl-
breytt úrval tónlistarfólks. Það er
vonandi að Sódóma leiki það eftir.
Nýr tónleikastaður á
efri hæð Gauksins
Fólk
 Undanfarna mánuði hefur Bubbi
Morthens unnið að annarri veiði-
bók sinni. Mun Bubbi í þessu nýja
verki fjalla um Nessvæðið í Laxá í
Aðaldal, sem hann heldur gríð-
arlega upp á, enda er það helsta
stórlaxaslóð landsins. Í gær hand-
söluðu Bubbi og Hildur Hermóðs-
dóttir hjá bókaútgáfunni Sölku
samning um útgáfu bókarinnar,
sem mun nefnast Áin.
Bubbi hefur aflað sér fjöl-
breytilegra upplýsinga um svæðið,
náð í fjölda ljósmynda af stórum
löxum sem ekki hafa sést áður og
tekið viðtöl við gamalkunna veiði-
menn. Einar Falur Ingólfsson á nýj-
ar ljósmyndir í bókinni.
Bubbi og Salka gera
samning um útgáfu
Eftir Jóhann Bjarna Kolbeinsson
jbk@mbl.is
„GRÍMUFORMIÐ er erfitt að
mörgu leyti, en um leið ofsalega
skemmtilegt, og það býður upp á
mjög mikil tengsl við áhorfendur,“
segir Vigdís Másdóttir leikkona um
leikverkið Þrettándakvöld eftir Willi-
am Shakespeare sem frumsýnt verð-
ur í Þjóðleikhúsinu eftir viku. Um er
að ræða útskriftarsýningu nemenda
við leiklistardeild LHÍ og er Vigdís
einn sjö útskriftarnema sem leika í
verkinu.
Um nokkuð óhefðbundna uppsetn-
ingu er að ræða, enda bera allir leik-
ararnir grímur. „Þetta eru að vísu
ekki heilgrímur, heldur svona hálf-
grímur. Þannig að það sést alveg
framan í fólk. En ég efast reyndar um
að ég sé þekkjanleg,“ segir Vigdís.
Leikstjóri verksins er hinn argent-
ínski Rafael Bianciotto sem er hvað
þekktastur fyrir notkun sína á svo-
kallaðri trúðstækni en hana notaði
hann til dæmis í uppsetningu sinni á
Dauðasyndunum 7 í Borgarleikhús-
inu í fyrra.
„Við erum líka að vinna með hana
þótt við séum ekki eiginlegir trúðar,
við búum til heilsteypta karaktera
með grímunum,“ útskýrir Vigdís en
þar fyrir utan er um nokkuð hefð-
bundna Shakespeare-sýningu að
ræða þar sem notast er við þýðingu
Helga Hálfdánarsonar. „Við skerum
textann reyndar eitthvað niður eins
og gengur og gerist þegar Shake-
speare er settur upp, en við erum al-
veg trú sögunni og textanum.“
Ómetanleg kennsla
Sjálf hefur Vigdís töluverða
reynslu af leiklist, en hún lék meðal
annars í sjónvarpsþáttunum Rétti og
Svörtum englum og kvikmyndinni
Foreldrum. „Svo var ég í Brúðubíln-
um með Helgu Steffensen í fjögur ár
– hún er klárlega einn af mínum
helstu lærimeisturum.“
Auk útskriftarnemanna sjö fara
fjórir gamalreyndir leikarar með
hlutverk í sýningunni, en þar eru á
ferðinni þau Arnar Jónsson, Ragn-
heiður Steindórsdóttir, Eggert Þor-
leifsson og Guðrún Gísladóttir. Að-
spurð segir Vigdís frábært að vinna
með þeim. „Það er stórkostlegt og
sérstaklega hafa Arnar og Heiða
hjálpað okkur að vinna með textann,
framsögn og fleira. Það hefur verið al-
veg ómetanlegt, enda eru þau svo góð
í þessu. Það er allt gert af svo mikilli
ást og svo miklu örlæti.“
Aðspurð segir Vigdís hópinn sem
útskrifast í vor einstaklega góðan.
„Já, þetta er besti hópur sem hefur
komið í mörg, mörg, mörg ár,“ segir
hún og hlær. „Mér finnst við vera
mjög sterkur hópur, við erum sam-
rýnd og við vinnum mjög vel saman.
Þetta eru búin að vera frábær fjögur
ár og gaman að enda þetta svona.“
-En hvernig eru atvinnuhorfur fyr-
ir nýútskrifaða leikara á Íslandi í dag?
„Ég held að fyrir okkar bekk séu
þær nokkuð bjartar. Við erum meira
að segja sjálf með smá verkefni í bí-
gerð eftir að við útskrifumst. Það er
sem sagt bíómynd, þótt við séum ekki
enn búin að negla neitt. Það er allt í
vinnslu,“ segir Vigdís.
„En svo eru það bara stóru leik-
húsin þrjú og sjálfstæðu hóparnir og
þótt maður fái ekki vinnu í stóru hús-
unum komum við alltaf til með að
gera eitthvað sjálf, jafnvel þótt það sé
ekki mikið um styrki. Þannig að við
gerum okkur alveg grein fyrir
ástandinu en mér heyrist á þeim
stjórum sem ég hef talað við að þeir
ætli sér að gera gott leikhús og til
þess þarf auðvitað góða leikara.“
Shakespeare með grímum
 Útskriftarnemar úr leiklistardeild LHÍ setja Þrettándakvöld Shakespeares upp
 Stefna að því að gera bíómynd að útskrift lokinni  Eru bjartsýn á framtíðina
Grímuklædd „Þetta eru að vísu ekki heilgrímur, heldur svona hálfgrímur. Þannig að það sést alveg framan í fólk.“
Verkið verður frumsýnt á Stóra
sviði Þjóðleikhússins föstu-
dagskvöldið 13. mars. Útskrift-
arnemarnir sjö sem fara með
hlutverk í sýningunni eru Bjart-
ur Guðmundsson, Hannes Óli
Ágústsson, Lilja Nótt Þórarins-
dóttir, Stefán Benedikt Vil-
helmsson, Vigdís Másdóttir,
Walter Geir Grímsson og Þor-
björg Helga Þorgilsdóttir. Leik-
mynda- og búningahönnuður er
Helga I. Stefánsdóttir og um
lýsingu sér Halldór Örn Ósk-
arsson.
Þrettándakvöld
Án hvers geturðu ekki verið?
Kvikmynda.
Hvar læturðu helst til þín taka á
heimilinu? Í heimabíóinu.
Ætlar þú að horfa á Evróvisjón?
(spyr síðasti aðalsmaður, Jóhanna
Guðrún Jónsdóttir, söngkona)
Já, ekki spurning, ég er rosalega
stoltur af Jóhönnu Guðrúnu.
Hversu pólitískur ertu á skalanum
frá 1-10? 3.
Hvernig myndir þú vilja deyja? Í
svefni.
Hvaða málsháttur á best við þig?
Aðgát skal höfð í nærveru sálar.
Hvaða persónu myndirðu helst
vilja hitta? Jim Henson, en fyrst
hann er farinn þá Steven Spiel-
berg.
Hverju myndirðu vilja breyta í eig-
in fari? Sumu. En þetta er allt að
koma.
Hvaða þekkti Íslendingur fer mest
í taugarnar á þér? Það fer enginn
þekktur Íslendingur í taugarnar á
mér, ég bara fíla þá misvel.
Hefurðu lagt í stæði ætlað fötl-
uðum?
Eh … nei sjáðu … fugl!
Hvað myndirðu gera við 3.200
milljónir (samanlögð laun banka-
stjóra íslensku bankanna síðustu
fimm ár)? Ég myndi reyna að gera
rétt, setja eitthvað inn í heilbrigð-
iskerfið t.d.. Halda svo eftir smá-
pening og gera bíómynd.
Með hvorum myndirðu deila sjeik,
Megasi eða Karli Sigurbjörnssyni
biskupi? Með Kalla. En ef þetta
væri Sjeik Mohammed Bin Khalifa
Al-Thani myndi ég deila honum
með Megasi.
Hvaða lag kaustu í Söngvakeppni
Sjónvarpsins? Jóhönnu Guðrúnu.
„Is it true“.
Hvernig fílarðu Clint Eastwood?
Hann er í miklum metum.
Verður aldrei stríð á Íslandi? Nei.
Hvaða kvikmynd værirðu til í að
endurgera? My Sweet Killer.
Hvaða land hefur þig alltaf langað
til að heimsækja? Ástralíu.
Kanntu þjóðsönginn? Já, ég kann
lagið.
Uppáhaldskvikmynd? E.T.
Hvaða plötu hlustar þú mest á
þessa dagana? Gilligill.
Ef þú værir trélitur, hvernig vær-
irðu á litinn? Grænn.
Hefurðu áhyggjur af hárvextinum?
Nei.
Í hvaða stelpu varstu fyrst skot-
inn í? Stelpu í 2. bekk í barnaskól-
anum á Akureyri fyrir löngu
löngu.
Ef þú værir neyddur til þess gæt-
irðu útskýrt íslenska bankahrun-
ið?
Mögulega.
Hvers viltu spyrja næsta viðmæl-
anda? Ferðu á íslenskar myndir í
bíó?
Leikstjórinn Bragi lætur helst til
sín taka í heimabíóinu á heimilinu.
Morgunblaðið/Kristinn
BRAGI ÞÓR HINRIKSSON
AÐALSMAÐUR VIKUNNAR ER LEIKSTJÓRI STUTTMYNDARINNAR ALDREI
STRÍÐ Á ÍSLANDI SEM VERÐUR FRUMSÝND Á UNDAN STÓRMYND
CLINTS EASTWOODS, GRAN TORINO, Í SAMBÍÓUNUM Í KVÖLD.
SÖNG OG PÍANÓVERK
EFTIR RICHARD WAGNER
VIÐ LJÓÐ MATHILDE WESENDONCK
OG FLEIRI SKÁLDA
SOPHIYA PALAMAR, MEZZÓSÓPRAN
ALBERT MAMRIEV, PÍANÓ
SÓLVEIG ARNARSDÓTTIR, LEIKARI
TÓNLEIKAR Í ÍSLENSKU ÓPERUNNI
LAUGARDAGINN 7. MARS KL. 16
WWW.OPERA.IS
„MÉR LIGGUR
MIKIÐ Á HJARTA“